കാഴ്ചയില് ഈ ആടൊരു ഭീകരനാണ്....പക്ഷേ സ്വഭാവം കണ്ടാല് ഇഷ്ടം തോന്നും, വീഡിയോ
ഗാസ: കാഴ്ചയില് ഈ ആട് ഒരു ഭീകര ജീവിയാണ്. പക്ഷേ സ്വഭാവം കൊണ്ട് വെറും നിഷ്കളങ്കന്. ജനിച്ച് ദിവസങ്ങള്ക്കുള്ളില് തന്നെ ലോക മാധ്യമങ്ങളുടെ ശ്രദ്ധ പിടിച്ച് പറ്റിയിരിയ്ക്കുകയാണ് ഗാസയിലെ ഈ കുഞ്ഞന് ചെമ്മരിയാണ്. എല്ലാ ആടുകളേയും പോലെ കാലും വാലും കൊമ്പുമൊക്കെ ഈ ആടിനും ഉണ്ട്. പക്ഷേ ഒരു ചെറിയ വ്യത്യാസം മാത്രം . ഒരു തലയ്ക്ക് പകരം രണ്ട് തലകള്.
രണ്ട് തലകള് ഉള്ളതിനാല് തന്നെ കാഴ്ചയില് ഈ ചെമ്മരിയാണ് നമ്മെ അല്പ്പമൊന്നു ഭയപ്പെടുത്തും. എന്നാല് ഇവന്റെ അടുത്ത് അല്പ്പനേരമൊന്ന് നിന്നാലോ ആ പേടിയൊക്കെ പമ്പ കടക്കും . സാധാരണ ആട്ടിന്കുട്ടികളെപ്പോലെ തുള്ളിച്ചാട്ടമൊന്നും ഇല്ലെങ്കിലും എപ്പോഴും ഉടമയെ ചുറ്റിപ്പറ്റി നില്ക്കാനാണ് ഈ ആട്ടിന് കുട്ടിയ്ക്ക് ഇഷ്ടം .
കുപ്പിയില് അടച്ച പാലാണ് ഈ ആട്ടിന്കുട്ടിയ്ക്ക് നല്കുന്നത്. ഇടയ്ക്ക് ഉടമ തന്നെ ആടിനെ എടുത്ത് അമ്മയാടിന് അടുത്തേയ്ക്ക് കൊണ്ടുപോകും. ഖാന് യൂനിസ് നഗരത്തിലെ ഒരു ഫാമിലാണ് നമ്മുടെ ഈ കുഞ്ഞന് ഭീകരന് ജനിച്ചത് .