• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ശിവസേന വളരുന്നു, ചെകുത്താനെപ്പോലെയെന്ന് പാക് ദിനപ്പത്രം

  • By Muralidharan

ഇസ്ലാമാബാദ്: എന്‍ ഡി എ സഖ്യകക്ഷിയായ ശിവസേനയ്‌ക്കെതിരെ പാകിസ്താനി ദിനപ്പത്രം. ശിവസേന ഒരു ചെകുത്താനെ പോലെ വളരുകയാണ് എന്നാണ് ചൊവ്വാഴ്ച ദി ന്യൂസ് ഇന്റര്‍നാഷണല്‍ എഴുതിയത്. പാകിസ്താനെതിരെ ശിവസേന നടത്തുന്ന തുടര്‍ച്ചയായ പ്രതിഷേധങ്ങളും കടന്നാക്രമണങ്ങളുമാണ് പാക് ദിനപ്പത്രത്തെ ചൊടിപ്പിച്ചിരിക്കുന്നത്.

ശിവസേനയുടെ ഭ്രാന്ത് എന്ന തലക്കെട്ടിലാണ് ദി ഇന്റര്‍നാഷണല്‍ എഡിറ്റോറിയല്‍ എഴുതിയിരിക്കുന്നത്. ശിവസേനയെ ഇന്ത്യ നിയന്ത്രിക്കേണ്ട സമയമായി എന്നും പത്രം പറയുന്നുണ്ട്. ശിവസേന ഒരു ഭീകരരൂപിയായി വളരുകയാണ്. താമസിച്ചാല്‍ ഇതിനെ നിയന്ത്രിക്കാന്‍ വളരെ പ്രയാസമായിരിക്കും. പാകിസ്താനും പാക് ആശയങ്ങളുമാണ് ശിവസേനയുടെ മുഖ്യ ശത്രുക്കള്‍.

ഐ സി സിയുടെ എലൈറ്റ് പാനലിലുള്ള പാക് അമ്പയര്‍ അലിം ദാറിനെതിരെയാണ് ശിവസേന ഏറ്റവും ഒടുവില്‍ രംഗത്തെത്തിയിരിക്കുന്നത്. ശിവസേനയുടെ ഭീഷണിയെ തുടര്‍ന്ന് അന്താരാഷ്ട്ര ക്രിക്കറ്റ് കൗണ്‍സില്‍ അദ്ദേഹത്തെ തിരിച്ചു വിളിച്ചു. ഇന്ത്യ ദക്ഷിണാഫ്രിക്ക ക്രിക്കറ്റ് പരമ്പരയില്‍ ശേഷിക്കുന്ന മത്സരങ്ങളില്‍ അലിം ദാര്‍ ആയിരുന്നു കളി നിയന്ത്രിക്കേണ്ടിയിരുന്നത്.

ഇന്ത്യ പാക് ക്രിക്കറ്റ് പരമ്പര നടത്താനുള്ള ആലോചനയ്‌ക്കെതിരെ ബി സി സി ഐ ആസ്ഥാനത്ത് ശിവസേന പ്രതിഷേധം നടത്തിയിരുന്നു. പാക് ക്രിക്കറ്റ് ബോര്‍ഡ് തലവന്‍ ഷഹരിയാര്‍ ഖാനും ബി.സി.സി.ഐ പ്രസിഡന്റ് ശശാങ്ക് മനോഹറുമായി ചര്‍ച്ച നടക്കാനിരിക്കേയായിരുന്നു ഇത്. മുമ്പ് പാക് ഗായകന്‍ ഗുലാം അലി മുംബൈയില്‍ പാടുന്നതും ശിവസേനയുടെ എതിര്‍പ്പിനെ തുടര്‍ന്ന് റദ്ദാക്കപ്പെട്ടിരുന്നു.

English summary
It is obvious the Shiv Sena terror is getting out of hand, a Pakistani daily has said, describing the party as a "monster" and calling upon India to act against it.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more