തകര്ന്ന മലേഷ്യന് വിമാനത്തിന്റെ ദൃശ്യങ്ങള്
കീവ്: മലേഷ്യന് വിമാനം എംഎച്ച്17 നെ മിസൈല് ആക്രമണത്തില് തകര്ത്തതാണെന്ന് അമേരിക്ക ഉറപ്പിച്ച് പറയുന്നു. അടുത്തിടെ ശക്തമായ അമേരിക്ക-റഷ്യ ശീതസമരത്തിന്റെ പ്രതിഫലനമാണോ ഈ അമേരിക്കന് കണ്ടെത്തലിന്റെ പിന്നിലെന്ന് സംശയിക്കുന്നവര് ചുരുക്കമല്ല.
എന്തായാലും വിമാനം തകര്ന്നത് ഉക്രൈനിലെ റഷ്യന് അനുകൂല വിമതരുടെ സ്വാധീന മേഖലയിലാണ് . 15 കിലോ മീറ്റര് ചുറ്റളവിലാണ് വിമാനത്തിന്റെ അവശിഷ്ടങ്ങള് ചിതറി വീണത്. കൊല്ലപ്പെട്ടവരുടെ മൃതദേഹങ്ങള് കാര്യമായെന്നും അവശേഷിച്ചിട്ടില്ല... ആ ദൃശ്യങ്ങള് കാണാം...
ഇതാണ് ആ ചിത്രം
വിമാനം ആംസ്റ്റര്ഡാമില് നിന്ന് പുറപ്പെടുന്നതിന് മുമ്പ് കോര് പാന് എന്ന ഡച്ച് പൗരന് എടുത്ത ചിത്രമാണിത്. 'ഈ വിമാനം അപ്രത്യക്ഷമായാല് , ദാ ഇതുപോലിരിക്കും അത്' എന്നായിരുന്നു പോസ്റ്റ്. കോര് പാനും മരിച്ചു.
ദൂരക്കാഴ്ച
ഉക്രൈനിലെ റഷ്യന്വിമതരുടെ സ്വാധീന മേഖലയിലാണ് വിമാനം തകര്ന്ന് വീണത്. ദൂരെ നിന്ന് പുക ഉയരുന്നത് കാണാം.
അവശിഷ്ടങ്ങള്
15 കിലോമീറ്റര് ചുറ്റളവിലാണ് വിമാനത്തിന്റെ അവശിഷ്ടങ്ങള് തെറിച്ചുവീണത്. ആകാശത്ത് വച്ച് തന്നെ വിമാനം പൊട്ടിത്തെറിച്ചിരുന്നു എന്നാണ് വിവരം.
അണയാത്ത അഗ്നി
തകര്ന്ന് വീണ മലേഷ്യന് വിമാനത്തില് നിന്ന് തീ ഉയരുന്നു.
തകര്ന്ന വിമാനത്തിന് മുന്നില്
തകര്ന്ന് വീണ മലേഷ്യന് വിമാനത്തിന് മുന്നില് നില്ക്കുന്ന സൈനികന്.