ഷാരൂഖ് ഖാന് ഷൂ നിര്മ്മിച്ച പാകിസ്താന്കാരന് അറസ്റ്റില്
ഇസ്ലാമാബാദ്: ബോളിവുഡ് താരം ഷാരൂഖ് ഖാന് വേണ്ടി മാന്തോലുകൊണ്ട് ഷൂസ് നിര്മ്മിച്ച ഷൂ നിര്മ്മാതാവ് അറസ്റ്റില്. ഷാരൂഖ് ഖാന് അയച്ചുനല്കാനായി തയ്യാറാക്കിയ പെഷവാരി ഷൂസുകളാണ് വൃദ്ധനായ ജഹാഗീര് ഖാനെ ജയിലിലാക്കിയത്.
എന്നാല് ഷാരൂഖ് ഖാന്റെ പ്രത്യേക നിര്ദ്ദേശ പ്രകാരമാണ് ഷൂസ് നിര്മ്മിച്ചതെന്നും പാക് മാധ്യമങ്ങള് റിപ്പോര്ട്ട് ചെയ്യുന്നു. പാകിസ്താനിലുള്ള ഷാരൂഖിന്റെ കസിന്റെ പക്കല് ഷൂസ് കൊടുത്തയക്കാനായിരുന്നു പദ്ധതിയെന്നും മാധ്യമങ്ങള് റിപ്പോര്ട്ട് ചെയ്യുന്നു. ഷാരൂഖിന്റെ കടുത്ത ആരാധകനായ ജഹാഗീര് ഖാന് ഷാരൂഖിന് സമ്മാനിക്കാനായാണ് ഷൂ നിര്മ്മിച്ചത്.
എന്നാല് വാര്ത്ത പരന്നതോടെ പ്രചരിച്ചതോടെ വനംവകുപ്പ് അധികൃതര് നേരിട്ടെത്തി ഇദ്ദേഹത്തിനെതിരെ വന്യജീവി നിയമപ്രകാരം കേസെടുക്കുകയായിരുന്നു. എന്നാല് ജഹംഗീര് ഖാനെ ജയില് മോചിതനാക്കിയെന്നാണ് ഒടുവില് പുറത്തുവരുന്ന റിപ്പോര്ട്ടുകള്. ഷൂസ് പിടിച്ചെടുത്ത വനംവകുപ്പ് പരിശോധനയ്ക്കായി പിടിച്ചെടുത്തിട്ടുണ്ട്. തിങ്കളാഴ്ചയായിരിക്കും ഇത് സംബന്ധിച്ച അന്തിമ വിവരം ലഭിക്കുക.