കാല്നടയാത്രക്കാരുടെ ശ്രദ്ധയ്ക്ക്...
ഹോങ്കോങ് : റോഡിലൂടെ ധൃതിയില് നടന്നുപോകുമ്പോഴും മൊബൈല് ഫോണില് നിന്ന് ഒരു നിമിഷം പോലും കണ്ണെടുക്കാതെ കടന്നുപോകുന്നവര് നഗരത്തിലും ഗ്രാമത്തിലുമെല്ലാം ഇന്ന് സ്ഥിരം കാഴ്ചയായി മാറി. അടുത്തകാലത്തായി ഉണ്ടായ വാഹനാപകടങ്ങളില് പലതിലെയും പ്രധാന വില്ലനും മൊബൈല് ഫോണ് തന്നെയായിരുന്നു. മൊബൈലില് സംസാരിക്കവെ വാഹനങ്ങള് തട്ടി മരിച്ച കാല്നടയാത്രക്കാരുടെ എണ്ണവും ദിനം പ്രതി കൂടി. ഈ പ്രശ്നങ്ങള്ക്ക് പരിഹാരം കാണാനായി പുതിയ ഒരു പരിഷ്ക്കാരവുമായി രംഗത്തെത്തിയിരിക്കുകയാണ് ചൈനീസ് ഭരണകൂടം. അതേ...മൊബൈല് ഫോണ് ഉപയോഗിച്ച് റോഡിലൂടെ കടന്നുപോകുന്ന കാല്നടയാത്രക്കാര്ക്കായി പ്രത്യേക നടപ്പാത.
ചൈനയിലെ ചോങ് ക്വിങിലാണ് ഈ പ്രത്യേക സെല്ഫോണ് നടപ്പാത നിര്മ്മിച്ചിരിക്കുന്നത്. 50 മീറ്റര് നീളവും മൂന്നു മീറ്റര് വീതിയുമുളള നടപ്പാത. വെളള നിറത്തിലുളള പെയിന്റ് ഉപയോഗിച്ച് പ്രത്യേക തരത്തില് ആളുകളുടെ ശ്രദ്ധയാകര്ഷിക്കുന്ന തരത്തിലാണ് പാത തയ്യാറാക്കിയിരിക്കുന്നത്. ഇതുവഴി പോകുന്നവര്ക്ക് ഇഷ്ടം പോലെ സംസാരിക്കാം, സന്ദേശങ്ങളയക്കാം. ആരും തടയാന് വരില്ല. എന്നാല് ഇതിന് തൊട്ടടുത്തായിത്തന്നെ ' സെല്ഫോണ് പാടില്ല ' എന്ന ബോര്ഡുമായി മറ്റൊരു നടപ്പാത കൂടിയുണ്ട്. ധൃതിയില് നടന്നുപോകേണ്ടവര്ക്ക് ഇതുവഴി പോകാം.
റോഡിലൂടെ അശ്രദ്ധമായി ഫോണ് ഉപയോഗിച്ചു നടക്കുന്നത് അനാവശ്യമായ കൂട്ടിയിടികള്ക്ക് കാരണമാകാറുണ്ട്. ' നടന്നുപോകുന്ന റോഡ് നിങ്ങള്ക്ക് ഫോണ് ഉപയോഗിക്കാനുളളതല്ല ' എന്ന സന്ദേശം കാല്നടയാത്രക്കാര്ക്ക് നല്കുക എന്ന ലക്ഷ്യത്തിലായിരുന്നു ചൈനീസ് ഭരണകൂടം ഇത്തരമൊരു ആശയം ആദ്യം ആലോചിച്ചത്. എന്നാലിപ്പോള് സംഗതി സീരിയസായി.
ഇത്തരത്തില് മൊബൈല് ഫോണിന് അടിമകളായവരെ ബോധവത്ക്കരിക്കാനായി നാഷനല് ജ്യോഗ്രഫിക് ചാനല് വാഷിങ്ടണ് ഡിസിയില് സമാനതരത്തിലുളള പാത ഒരുക്കിയിരുന്നു. ഇതില് നിന്നും പ്രചോദനം ഉള്ക്കൊണ്ടാണ് ഇത്തരമൊരു പാത ചൈനയില് നിര്മ്മിച്ചത്. റോഡിലെ ഫോണ് ഉപയോഗംകൊണ്ടു പൊറുതിമുട്ടിയിരിക്കുന്ന നമ്മുടെ നാട്ടിലും വേണ്ടേ ഇത്തരമൊരു നടപ്പാത...ഏതായാലും കാത്തിരിക്കാം!
-
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദേശീയപാത 66 ലെ യാത്ര ഇനി സുഗമാകും; വരാപ്പുഴ പാലം മെയ് മാസം തുറക്കും -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
പശ്ചിമ കൊച്ചിയുടെ തലവര മാറും; നിര്ണായക ചുവടുവയ്പ്പുമായി കൊച്ചി വാട്ടര് മെട്രോ: ടെന്ഡര് വിളിച്ചു -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
പേരൂര്ക്കട ഫ്ലൈഓവര്, വട്ടിയൂര്ക്കാവ് റോഡ് ആന്ഡ് ജംഗ്ഷന്; കുരുക്കഴിഞ്ഞു, നിര്മാണം തുടങ്ങി -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല'
Click it and Unblock the Notifications
Sign in with Google