Click it and Unblock the Notifications
Just In
-
-
-
Don't Miss
-
IPL 2024: പഞ്ചാബ് എന്തിനത് ചെയ്തു? പാളിയത് ആ തന്ത്രം; കളി തോല്പ്പിച്ച കറെന്റെ മണ്ടത്തരം ഇതാ -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
സിനായിലും ഭീകരാക്രമണം; 24 ഐഎസ് ഭീകരരും ഏഴ് ഈജിപ്ത്യന്‍ സൈനികരും കൊല്ലപ്പെട്ടു
സിനായ്: ഈജിപ്തിലെ വടക്കന്‍ സിനായ് പ്രദേശത്തുണ്ടായ വ്യത്യസ്ത ആക്രമണങ്ങളില്‍ 24 ഭീകരരും ഏഴ് ഈജിപ്ത് സൈനികരും കൊല്ലപ്പെട്ടു. ശെയ്ഖ് സുവൈദ് നഗരത്തിന്റെ വിവിധ ഭാഗങ്ങളില്‍ അതിശക്തമായ യന്ത്രത്തോക്കുകള്‍ ഉപയോഗിച്ച് ഭീകരര്‍ സൈനിക പോസ്റ്റുകള്‍ക്ക് നേരെ ആക്രമണം നടത്തുകയായിരുന്നുവെന്ന് സുരക്ഷാ വൃത്തങ്ങള്‍ അറിയിച്ചു. ശക്തമായ പോരാട്ടമായിരുന്നു ഇരുവിഭാഗങ്ങളും തമ്മില്‍ നടന്നത്. പൊടുന്നനെ നടത്തിയ ആക്രമണത്തില്‍ സൈനികര്‍ക്ക് കനത്ത നാശ നഷ്ടങ്ങളുണ്ടായതായി റിപ്പോര്‍ട്ടുണ്ട്.
ഭീകരരുടെ ആക്രമണത്തെ ചെറുക്കാന്‍ അപ്പാഷെ ഹെലികോപ്റ്ററുകളാണ് ഈജിപ്ത് സൈന്യം ഉപയോഗിച്ചതെന്ന് രഹസ്യ സൈനിക കേന്ദ്രങ്ങളെ ഉദ്ധരിച്ച് അസോസിയേറ്റഡ് പ്രസ്സ് റിപ്പോര്‍ട്ട് ചെയ്തു. സൈന്യം നടത്തിയ പ്രത്യാക്രമണത്തില്‍ 24 ഭീകരര്‍ കൊല്ലപ്പെട്ടതായും അവരുപയോഗിച്ച രണ്ട് എസ്‌യുവികള്‍ തകര്‍ത്തതായും സൈന്യം അവകാശപ്പെട്ടു. പലയിടങ്ങളിലായി നടന്ന ഏറ്റമുട്ടല്‍ മണിക്കൂറുകള്‍ നീണ്ടുനിന്നു. സൈനികാക്രമണത്തില്‍ എല്ലാ ഭീകരരെയും നിശ്ശബ്ദരാക്കിയതായി സൈന്യം ഔദ്യോഗിക ഫെയ്‌സ്ബുക്ക് പോസ്റ്റില്‍ അറിയിച്ചു.
ഏഴു പേര്‍ കൊല്ലപ്പെട്ടതിനു പുറമെ സൈനികരുടെ ഭാഗത്ത് നിന്ന് 30ലേറെ പേര്‍ക്ക് പരിക്കേറ്റതായും റിപ്പോര്‍ട്ടുണ്ട്. ആശുപത്രി വൃത്തങ്ങളെ ഉദ്ധരിച്ച് അസോസിയേറ്റഡ് പ്രസ്സാണ് ഇക്കാര്യം റിപ്പോര്‍ട്ട് ചെയ്തത്. ആക്രമണങ്ങളുടെ ഉത്തരവാദിത്തം ഇസ്ലാമിക് സ്റ്റേറ്റ് ഭീകരര്‍ ഏറ്റെടുത്തതായും വാര്‍ത്താ ഏജന്‍സി അറിയിച്ചു. ഈജിപ്ത് സൈന്യവും ഭീകരരും തമ്മില്‍ ഇടയ്ക്കിടെ ഏറ്റുമുട്ടല്‍ നടക്കുന്ന പ്രദേശമാണിത്. ഇസ്ലാമിക് സ്റ്റേറ്റ് ഇസ്ലാമിക ഖിലാഫത്താണെന്ന് പ്രഖ്യാപിച്ച ഇറാഖ്, സിറിയ എന്നിവിടങ്ങളില്‍ കനത്ത തിരിച്ചടികള്‍ നേരിടുമ്പോഴും ലോകത്തിന്റെ വിവിധ ഭാഗങ്ങളില്‍ ഐ.എസ് ഭീകരര്‍ ഒറ്റയ്ക്കും കൂട്ടായും നടത്തുന്ന ആക്രമണങ്ങള്‍ ലോകത്തിന്റെ ഉറക്കം കെടുത്തുകയാണ്. അമേരിക്ക, യൂറോപ്യന്‍ രാജ്യങ്ങള്‍, അവര്‍ക്കനുകൂലമായ നിലപാട് സ്വീകരിക്കുന്ന അറബ് രാജ്യങ്ങള്‍ എന്നിവയാണ് ഭീകരര്‍ ആക്രമണത്തിനായി തെരഞ്ഞെടുത്തിരിക്കുന്നത്.
