യുവതിയെ ബലാത്സംഗം ചെയ്തു; ലോകകപ്പിനെത്തിയ ശ്രീലങ്കന് ക്രിക്കറ്റ് താരം ധനുഷ്ക ഗുണതിലക അറസ്റ്റില്
സിഡ്നി: ടി 20 ലോകകപ്പിനെത്തിയ ശ്രീലങ്കന് ക്രിക്കറ്റ് താരം ധനുഷ്ക ഗുണതിലകയെ ബലാത്സംഗ കുറ്റം ചുമത്തി അറസ്റ്റ് ചെയ്തു. സിഡ്നിയില് വെച്ചാണ് ധനുഷ്ക ഗുണതിലകയെ അറസ്റ്റ് ചെയ്തിരിക്കുന്നത്. പ ടി ഐ ആണ് ഇത് സംബന്ധിച്ച വാര്ത്ത റിപ്പോര്ട്ട് ചെയ്യുന്നത്. ടി 20 ലോകകപ്പിലെ അവസാന ഗ്രൂപ്പ് മത്സരത്തിന് ശേഷം ശ്രീലങ്കന് ടീം അദ്ദേഹത്തെ കൂടാതെ ഓസ്ട്രേലിയ വിട്ടു.
ആദ്യ റൗണ്ടില് ഹാംസ്ട്രിംഗ് ഇഞ്ചുറി കാരണം താരം ടൂര്ണമെന്റില് നിന്ന് പുറത്തായിരുന്നു. എന്നാല് 31 കാരനായ ധനുഷ്ക ഗുണതിലക ടീമിനൊപ്പം തുടരുകയായിരുന്നു. പൊലീസ് അന്വേഷണത്തിന് ശേഷം ഞായറാഴ്ച പുലര്ച്ചെ സിഡ്നിയിലെ ടീം ഹോട്ടലില് നിന്ന് ആണ് ധനുഷ്ക ഗുണതിലകയെ അറസ്റ്റ് ചെയ്തത് എന്നാണ് വിവരം.
ഒരു ഓണ്ലൈന് ഡേറ്റിംഗ് ആപ്ലിക്കേഷന് വഴി പരിചയപ്പെട്ട 29 കാരിയെ ലൈംഗികമായ പീഡിപ്പിച്ചു എന്നാണ് ധനുഷ്ക ഗുണതിലകയ്ക്കെതിരായ പരാതി. നവംബര് 2 ബുധനാഴ്ച വൈകുന്നേരം ധനുഷ്ക ഗുണതിലക യുവതിയെ ലൈംഗികമായി പീഡിപ്പിച്ചുവെന്ന് ആരോപിക്കപ്പെടുന്നു എന്നാണ് ന്യൂ സൗത്ത് വെയില്സ് പൊലീസ് പ്രസ്താവനയില് പറഞ്ഞത്.
കഴിഞ്ഞയാഴ്ച സിഡ്നിയുടെ കിഴക്ക് ഭാഗത്ത് ഒരു സ്ത്രീ ലൈംഗികമായി പീഡിപ്പിക്കപ്പെട്ട സംഭവത്തെക്കുറിച്ചുള്ള അന്വേഷണത്തെ തുടര്ന്ന് സെക്സ് ക്രൈം സ്ക്വാഡ് ഡിറ്റക്ടീവുകള് ഒരു ശ്രീലങ്കന് പൗരനെ പ്രതിയാക്കി എന്നാണ് പ്രസ്താവനയില് പറയുന്നത്. പൊലീസ് വെബ്സൈറ്റില് ശ്രീലങ്കന് പൗരനെ അറസ്റ്റ് ചെയ്തു എന്നാണ് പറയുന്നത്.
ധനുഷ്ക ഗുണതിലകയുടെ പേര് പരാമര്ശിച്ചിട്ടില്ല. എന്നാല് പ്രതി ധനുഷ്ക ഗുണതിലകയാണ് എന്ന് അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്യുന്നു. പരാതിയുടെ ഭാഗമായി അന്വേഷണം നടത്തി. ഇന്നലെ റോസ് ബേയിലെ ഒരു വിലാസത്തില് സ്പെഷ്യലിസ്റ്റ് പൊലീസ് ക്രൈം സീന് പരിശോധന നടത്തി. കൂടുതല് അന്വേഷണങ്ങളെ തുടര്ന്ന് ഇന്ന് പുലര്ച്ചെ 1 മണിക്ക് മുമ്പ് സിഡ്നിയിലെ സസെക്സ് സ്ട്രീറ്റിലെ ഹോട്ടലില് നിന്ന് പ്രതിയെ അറസ്റ്റ് ചെയ്തു എന്നാണ് പൊലീസ് പറയുന്നത്.
ധനുഷ്ക ഗുണതിലകയെ സിഡ്നി സിറ്റി പൊലീസ് സ്റ്റേഷനിലേക്ക് കൊണ്ടുപോയി. സമ്മതമില്ലാതെ ലൈംഗിക ബന്ധത്തില് ഏര്പ്പെട്ടതിന് ഉള്പ്പടെ നാല് കുറ്റങ്ങള് ചുമത്തിയിട്ടുണ്ട്. ധനുഷ്ക ഗുണതിലകയുടെ മുന്കൂര് ജാമ്യാപേക്ഷ കോടതി നിരസിച്ചിട്ടുണ്ട്. ശ്രീലങ്കയുടെ ഓപ്പണിംഗ് ബാറ്റ്സ്മാനാണ് ധനുഷ്ക ഗുണതിലക.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google