ഗുജറാത്ത് മുതല് ഫുജൈറ വരെ കടലിനടിയിലൂടെ കേബിള്; വമ്പന് പദ്ധതിക്കൊരുങ്ങി ഇന്ത്യയും സൗദിയും
റിയാദ്/ ന്യൂദല്ഹി: ഊര്ജ നയതന്ത്രത്തിന്റെ ഭാഗമായി ഇന്ത്യയും സൗദി അറേബ്യയും വമ്പന് പദ്ധതിക്കായി കൈകോര്ക്കാനൊരുങ്ങുന്നതായി റിപ്പോര്ട്ട്. ഇന്ത്യാ സന്ദര്ശനത്തിന്റെ ഭാഗമായി കഴിഞ്ഞ ദിവസം ദല്ഹിയിലെത്തിയ സൗദി അറേബ്യന് ഊര്ജ മന്ത്രി അബ്ദുല് അസീസ് ബിന് സല്മാന് ഇത് സംബന്ധിച്ച് ചര്ച്ച നടത്തിയതായാണ് വിവരം.
ഗുജറാത്ത് തീരത്ത് നിന്ന് മിഡില് ഈസ്റ്റിലേക്ക് ആഴക്കടല് കേബിളുകള് ഉപയോഗിച്ച് ബന്ധിപ്പിച്ച് ഗ്രീന് എനര്ജി ഗ്രിഡ് സൃഷ്ടിക്കുന്നതാണ് പദ്ധതി എന്ന് ഇക്കണോമിക് ടൈംസ് റിപ്പോര്ട്ട് ചെയ്യുന്നു. കടലിനടിയിലെ കേബിളുകള് വഴി മിഡില് ഈസ്റ്റുമായി ബന്ധിപ്പിക്കുന്ന പദ്ധതി ഇന്ത്യയിലെ അദ്ദേഹത്തിന്റെ അജണ്ടയുടെ ഭാഗമായിരിക്കും എന്നാണ് വിവരം.
അടുത്ത മാസം സൗദി പ്രധാനമന്ത്രിയും കിരീടാവകാശിയുമായ മുഹമ്മദ് ബിന് സല്മാന് രാജകുമാരനും ഇന്ത്യ സന്ദര്ശിക്കുന്നുണ്ട്. ദക്ഷിണേഷ്യയും ഗള്ഫ് രാജ്യങ്ങളും ഉള്പ്പെടുന്ന ഒരു ഇലക്ട്രിക്കല് ഗ്രിഡിനായാണ് ഇന്ത്യയും സൗദി അറേബ്യയും കൈകോര്ക്കുന്നത് എന്നാണ് വൃത്തങ്ങളെ ഉദ്ധരിച്ച് ഇക്കണോമിക് ടൈംസ് റിപ്പോര്ട്ട് ചെയ്യുന്നത്.
പദ്ധതി സാധ്യമായാല് എണ്ണ കയറ്റുമതിക്ക് അപ്പുറത്തേക്ക് ഇരുരാജ്യങ്ങളും തമ്മിലുള്ള ബന്ധം വിപുലീകരിക്കും. പദ്ധതിയുടെ ബിസിനസ് സാധ്യതകളെക്കുറിച്ച് ഇരു രാജ്യങ്ങളും സജീവമായി തന്നെ അന്വേഷിക്കുന്നുണ്ട്. 15 ബില്യണ് മുതല് 18 ബില്യണ് ഡോളര് വരെ മൂലധനച്ചെലവുള്ള പദ്ധതിയില് അബുദാബി സര്ക്കാരും ചേരും എന്നും റിപ്പോര്ട്ടുകള് സൂചിപ്പിക്കുന്നു.
ടാറ്റ ഗ്രൂപ്പ്, റിലയന്സ് ഇന്ഡസ്ട്രീസ് ലിമിറ്റഡ്, ജെഎസ്ഡബ്ല്യു, അദാനി തുടങ്ങിയ മുന്നിര വ്യവസായികളില് നിന്ന് അഭിപ്രായം തേടി ഇന്ത്യയിലെ സൗദി പ്രതിനിധിയില് നിന്ന് ഇതിനകം ക്ഷണം ലഭിച്ചിട്ടുണ്ട്. ഗുജറാത്ത് തീരത്തില് നിന്ന് ഫുജൈറ എമിറേറ്റ് വരെ 1,600 കിലോമീറ്റര് ദൂരത്തില് ആണ് അറബിക്കടല് ഉള്ളത്.
കടലിനടിയിലെ കേബിള് ഒമാനിലൂടെ 1,200 കിലോമീറ്റര് സഞ്ചരിക്കാന് സാധ്യതയുണ്ട്. മൂന്ന് വര്ഷം മുമ്പ് പെട്രോളിയം, പ്രകൃതി വാതക ഉദ്യോഗസ്ഥര് ഇത് സംബന്ധിച്ച് സാധ്യതാ പഠനം നടത്തിയിരുന്നതാണ്. ഇന്തോനേഷ്യ, ദക്ഷിണ കൊറിയ, ജപ്പാന് എന്നിവിടങ്ങളിലേക്ക് പോകുന്നതിന് മുമ്പാണ് മുഹമ്മദ് ബിന് സല്മാന് ഇന്ത്യ സന്ദര്ശിക്കുന്നത്.
-
സ്വർണം വില കത്തിക്കയറി; വിഷുവിന് ഒരു പവൻ വാങ്ങാൻ കാത്തിരുന്നവർക്ക് തിരിച്ചടി, ഇന്നത്തെ വില അറിയാം -
'ഡിറ്റാച്ച്മെൻ്റ് പഠിച്ചാൽ പിന്നെ മറ്റൊന്നും നിങ്ങളെ ഒന്നും ബാധിക്കില്ല';മഞ്ജു വാര്യർ -
'കറുപ്പിന്റെ ഭീകരത കണ്ടാൽ പെറ്റ തള്ള പോലും സഹിക്കില്ല'; ആ കളിയാക്കൽ..ആർഎൽവി രാമകൃഷ്ണൻ -
സ്വർണത്തിന് വീഴാനുള്ള പ്ലാനൊന്നും അല്ല..പവൻ വിലയിൽ 40,000ത്തിൻ്റെ വർധനവ് ഉണ്ടാകും..പ്രവചനം -
ദിലീപിനെ വിട്ടിറങ്ങിയത് പത്ത് പൈസയില്ലാതെ, ഇന്ന് മഞ്ജു ഒരു സിനിമയ്ക്ക് വാങ്ങുന്നത്! കയ്യിൽ വമ്പൻ ബ്രാൻഡുകളും -
‘നാല് മന്ത്രിമാർ തോൽക്കും’- 80 സീറ്റ് ഉറപ്പെന്ന് യുഡിഎഫ് ജില്ലാ കമ്മിറ്റികളുടെ റിപ്പോർട്ട് -
ഗജകേസരി യോഗം അക്ഷയ തൃതീയയിൽ; സ്വർണം വാങ്ങും, ഈ രാശിക്കാർക്ക് ബമ്പർ നേട്ടം, പണം ഒഴുകും! -
'മഞ്ചേശ്വരത്ത് ബിജെപി ജയിക്കാതിരിക്കാൻ നിലപാട് എടുത്തു, നേമത്ത് പിന്തുണ ശിവൻകുട്ടിക്ക്'; എസ്ഡിപിഐ -
വൈദ്യുതി ബില്ല് കണ്ട് ഷോക്കടിച്ചോ? സ്മാർട്ട് മീറ്ററിലെ ഈ രഹസ്യ വിദ്യയിലൂടെ ബില്ല് പകുതിയായി കുറയ്ക്കാം! -
തമിഴ്നാട്ടിൽ വിജയ്ക്കും ടിവികെയ്ക്കും ഒരു സ്വാധീനവുമില്ലെന്ന് ശരത് കുമാർ; 'പോരാട്ടം അവർ തമ്മിൽ' -
കുടുംബസ്വത്ത് അനുഭവയോഗത്തില് വരും, വസ്തു,വാഹനാദികള് സമ്പാദിക്കും, കച്ചവടക്കാര്ക്കു ലാഭം വര്ധിക്കും, നാൾഫലം -
ചരിത്രത്തിലാദ്യമായി ബീഹാറിന് ബിജെപി മുഖ്യമന്ത്രി, സാമ്രാട്ട് ചൗധരിയുടെ സത്യപ്രതിജ്ഞ ബുധനാഴ്ച
Click it and Unblock the Notifications
Sign in with Google