ചേട്ടനെ കൊന്നയാളെ ക്രൂരമായികൊന്ന് കൈകള്‍ വെട്ടിയെടുത്ത് ശവക്കല്ലറയില്‍ വച്ച് അനിയന്‍റെ പ്രതികാരം

കൊളംബോ: ഒരു കൊലപാതകത്തിന് ഇത്രയും ക്രൂരമായി പകവീട്ടാമോ? ഈ കൊലപാതകത്തിലെ ശരിയും തെറ്റും തിരയാന്‍ നില്‍ക്കുന്നില്ല. പക്ഷേ ഒരു സിനിമാക്കഥയെ പോലും വെല്ലുന്ന തരത്തിലുള്ള കൊലപാതകത്തെപ്പറ്റി പറയാതെ നിവൃത്തിയില്ല. ഇന്ത്യയിലല്ല ഈ കൊലപാതകം നടന്നത് അങ്ങ് ശ്രീലങ്കയിലാണ് .

31കാരനായ യുവാവാണ് കൊല്ലപ്പെട്ടത്. ശ്രീലങ്കയിലെ ഗമ്മാനയിലാണ് കൊലപാതകം നടന്നത്. യുവാവിനെ കൊന്നത് പ്രദേശവാസിയായ മറ്റൊരു യുവാവും സഹായിയും ചേര്‍ന്ന് . കുറേ നാളുകള്‍ക്ക് മുമ്പ് 31കാരന്‍ വെട്ടിക്കൊന്ന യുവാവിന്റെ സഹോദരനാണ് പ്രതികാരം തീര്‍ക്കാന്‍ ഇയാളെ വെട്ടിക്കൊന്നത് . കൊന്നിട്ടും പക തീരാതെ 31കാരന്റെ രണ്ട് കൈകളും വെട്ടിയെടുത്ത് തന്റെ സഹോദരന്റെ ശവക്കല്ലറയ്ക്ക് മുന്നില്‍ വച്ചായിരുന്നു പകവീട്ടിയത് .

കുടുംബപരവും രാഷ്ട്രീയപരവുമായ കാരണങ്ങളാണ് രണ്ട് കൊലപാതകങ്ങള്‍ക്കും പിന്നില്‍. മാരക ആയുധങ്ങള്‍ ഉപയോഗിച്ച് ശരീരം തിരിച്ചറിയാന്‍ പോലും വയ്യാത്ത വിധം വികൃതമാക്കിയാണ് കൊന്നത് . സംഭവത്തിന് ശേഷം ഒളിവിലായിരുന്ന പ്രതികളെ അധികം വൈകാതെ പൊലീസ് കണ്ടെത്തി . കൊലപാതക കേസില്‍ ജാമ്യത്തില്‍ ഇറങ്ങിയപ്പോഴാണ് 31കാരന്‍ കൊല്ലപ്പെട്ടത് .

English summary

Suspect's severed hands placed on tomb.Both parties were known to each other.