Click it and Unblock the Notifications
Just In
Don't Miss
-
ഷൂട്ടിനിടെ തമിഴ് നടന് മോശമായി ടച്ച് ചെയ്തു, ആരും കൂടെ നിന്നില്ല, വഴക്ക് കേട്ടത് എനിക്ക്: മാല പാര്വ്വതി -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മുസ്താങ്ങിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
സ്വീഡിഷ് പ്രണയിനികള്‍ക്ക് വേദ മന്ത്രങ്ങളോടെ ഹിന്ദു ആചാരപ്രകാരം വാരാണസില്‍ വിവാഹം
ജീവിതത്തിലെ അസുലഭ മുഹൂര്‍ത്തമായിരുന്നു ഇതെന്നാണ് ഇരുവരും പിന്നീട് പ്രതികരിച്ചത്.
വാരാണസി: ദീര്‍ഘകാലത്തെ തങ്ങളുടെ പ്രണയം സഫലീകരിക്കാന്‍ സ്വീഡിഷ് പ്രണയിനികളായ നിക്കളാസ് ആരോണ്‍സണും കാമുകി ടില്‍ദ ഹെന്റിക്‌സണും വേദിയാക്കിയത് ആത്മീയ നഗരമായ വാരാണസി. വേദമന്ത്രങ്ങള്‍ നിറഞ്ഞനിന്ന അന്തരീക്ഷത്തില്‍ ഇന്ത്യയിലെ ഹിന്ദു ആചാരപ്രകാരമാണ് ഇരുവരും വിവാഹിതരായത്.
അസ്സി ഘട്ടില്‍ നടന്ന വിവാഹ ചടങ്ങിന് ആരോണ്‍സണെത്തിയത് പരമ്പരാഗത വേഷത്തില്‍ കുതിരപ്പുറത്തായിരുന്നു. വാരാണസി സാരിയണിഞ്ഞ് കൈനിറയെ മൈലാഞ്ചിയും ആഭരണങ്ങളുമായി വധുവായി ടില്‍ദയുമെത്തിയതോടെ കണ്ടുനിന്നവര്‍ക്ക് ഇവര്‍ ഇന്ത്യന്‍ വധൂവരന്മാരല്ലെന്ന് തിരിച്ചറിയാന്‍ പ്രയാസമായി.
ജീവിതത്തിലെ അസുലഭ മുഹൂര്‍ത്തമായിരുന്നു ഇതെന്നാണ് ഇരുവരും പിന്നീട് പ്രതികരിച്ചത്. കഴിഞ്ഞ സമ്മറിലായിരുന്നു വിവാഹനിശ്ചയം. ഇന്ത്യയില്‍ ഗംഗയുടെ തീരത്തുള്ള ഭഗവാന്‍ ശിവന്റെ ആത്മയ നഗരമായ വാരാണസിയില്‍ വെച്ച് വിവാഹിതരാവുകയെന്നത് ഇരുവരുടെയും തീരുമാനമായിരുന്നു. എല്ലാം ഭംഗിയായി നടന്നതില്‍ അത്യധികം സന്തോഷണുണ്ടെന്നും വധൂവരന്മാര്‍ പറഞ്ഞു.
ആരോണ്‍സണ്‍ സ്വീഡനിലെ ഒരു സ്‌കൂളില്‍ അധ്യാപകനാണ്. ടില്‍ദയാകട്ടെ അടുത്തുതന്നെ സ്‌കൂളില്‍ അധ്യാപികയായി ജോലിയില്‍ പ്രവേശിക്കാനിരക്കയുമാണ്. ഇതിനിടയിലായിരുന്നു വിവാഹം. ഡെന്മാര്‍ക്കില്‍നിന്നും സ്വീഡനില്‍ നിന്നും ഉള്ള ഇവരുടെ സ്ുഹൃത്തുക്കളും വിവാഹത്തില്‍ പങ്കുകൊള്ളാനെത്തിയിരുന്നു. വാരാണസിയിലെ അനുഭവം ആനന്ദകരമാണന്നായിരുന്നു ഏവരുടെയും പ്രതികരണം.
