കൂട്ടബലാല്സംഗം: യുവതി പീഡിപ്പിക്കപ്പെട്ടത് മൂന്നു മണിക്കൂര്, ഫേസ്ബുക്കില് തല്സമയ സംപ്രേക്ഷണം!!
സ്വീഡനില് യുവതിയെ കൂട്ടബലാല്സംഘത്തിന് ഇരയാക്കി. ദൃശ്യങ്ങള് ഫേസ്ബുക്കിലൂടെ തല്സമയം സംപ്രേക്ഷണം ചെയ്യുകയും ചെയ്തു.
സ്റ്റോക്ക്ഹോം: സ്വീഡനില് ലോക മനസാക്ഷിയെ ഞെട്ടിക്കുന്ന ലൈംഗിക പീഡനം. യുവതിയെ കൂട്ടബലാല്സംഗത്തിന് ഇരയാക്കിയ സംഘം ഇതു തല്സമയം ഫേസ്ബുക്കിലൂടെ ലോകത്തെ മുഴുവന് കാണിക്കുകയും ചെയ്തു.
മൂന്നു മണിക്കൂറോളം സമയമാണ് യുവതി പീഡിപ്പിക്കപ്പെട്ടതെന്നു പോലിസ് അറിയിച്ചു. പോലിസ് അപ്പാര്ട്ട്മെന്റിലെത്തുമ്പോള് യുവതി അബോധാ വസ്ഥയിലായിരുന്നു.
21കാരിയായ ജോസെഫൈന് ലുന്ഗ്രെനാണ് ഫേസ്ബുക്കിലൂടെ ഞെട്ടിക്കുന്ന കാഴ്ചകണ്ടത്. ഉടന് തന്നെ ഇവര് പോലിസില് വിവരമറിയിക്കുകയായിരുന്നു. അധികം വൈകാതെ തന്നെ പോലിസ് സംഘം അപ്പാര്ട്ട്മെന്റിലെത്തുകയും ചെയ്തു.
രാത്രിയോടെ ആയുധങ്ങളുമായെത്തിയ മുഖം മറച്ച് കുറച്ചുപേര് യുവതിയുടെ വീട്ടിലേക്ക് ഇരച്ചുകയറുകയായിരുന്നു. യുവതിയെ ഭീഷണിപ്പെടുത്തിയ ഇവര് വസ്ത്രങ്ങള് വലിച്ചുകീറി. പിന്നീട് ഓരോരുത്തരായി യുവതിയെ പീഡിപ്പിക്കുകായിരുന്നുവെന്നു ജോസഫൈന് പോലിസിന് മൊഴി നല്കി.
ഫേസ്ബുക്കിലൂടെ ക്രൂരമായ ബലാല്സംഗം കണ്ട മറ്റൊരാളുടെ പ്രതികരണം ഇങ്ങനെയായിരുന്നു. ഇത് വെറുമൊരു തമാശയാണെന്നാണ് ആദ്യം കരുതിയത്. പിന്നീടാണ് സംഭവം ഗൗരവമുള്ളതാണെന്നു മനസ്സിലായത്. എങ്ങനെ ആളുകള്ക്ക് ഒരു പെണ്കുട്ടിയോട് ഇങ്ങനെ ചെയ്യാന് സാധിക്കുന്നു. അതു ലൈവായി സംപ്രേക്ഷണം ചെയ്യുകയും ചെയ്ത ഇവര്ക്കു ഭ്രാന്താണ്.
സംഭവുമായി ബന്ധപ്പെട്ട് മൂന്നു പേരെ പോലിസ് അറസ്റ്റ് ചെയ്തിട്ടുണ്ടെന്നു സ്വീഡിഷ് ടാബ്ലോയ്ഡായ അഫ്റ്റോണ്ബ്ലാഡര് റിപോര്ട്ട് ചെയ്തു. സംഭവത്തെക്കുറിച്ച് പോലിസ് വിശദമായ അന്വേഷണം ആരംഭിച്ചുകഴിഞ്ഞു.