സിറിയയിലെ ജറാബ്ലസ് ഐസിസില് നിന്ന് തുര്ക്കി പിടിച്ചെടുത്തു... നേട്ടം അസദിനല്ല, വിമതര്ക്ക്
ദമാസ്കസ്: ഐസിസിനെ തുരത്താന് അതിര്ത്തി ലംഘിച്ച് യുദ്ധത്തിനിറങ്ങിയ തുര്ക്കിയ്ക്ക് ആദ്യ വിജയം. സിറിയന് അതിര്ത്ത നഗരമായ ജറാബ്ലസ് ഐസിസില് നിന്ന് തുര്ക്കി പിടിച്ചെടുത്തു.
എന്നാല് ബാഷര് അല് അസദിന് തീരെ ആശ്വാസം നല്കുന്നതല്ല തുര്ക്കി സിറിയന് മണ്ണില് നേടിയ വിജയം. തുര്ക്കിക്കൊപ്പം തോളോട് തോള് ചേര്ന്ന് പേരാടി ജറാബ്ലസ് പിടിച്ചടക്കിയത് സിറിയയിലെ വിമത പോരാളികളാണ്.
അസദിനെ താഴെയിറക്കി അധികാരം പിടിച്ചെടുക്കാനുള്ള നീക്കങ്ങള്ക്ക് ആക്കം പകരുന്നതാണ് ഇപ്പോഴത്തെ സൈനിക നീക്കം. അതിന് അമേരിക്കയുടെ പിന്തുണയും ഉണ്ട്. പക്ഷേ കുര്ദ്ദുകള്... തുര്ക്കി നോട്ടമിടുന്നവരില് കുര്ദ്ദുകളും അവരുടെ നിലപാടായിരിക്കും ഇതില് നിര്ണായകം.
ജറാബ്ലസ്
ഐസിസിനെ സംബന്ധിച്ച് ഏറ്റവും നിര്ണായകമായ കേന്ദ്രങ്ങളില് ഒന്നാണ് ജറാബ്ലസ്. സിറിയയില് മാത്രമല്ല, തുര്ക്കിയിലും ഐസിസിന് കാര്യങ്ങള് നിയന്ത്രിക്കാന് ഇവിടെ നിന്ന് കഴിയുമായിരുന്നു.
ആദ്യ ലക്ഷ്യം
ഐസിസിനെ തുരത്താന് തുര്ക്കി പദ്ധതിയിടുമ്പോള് തന്നെ ആദ്യ ലക്ഷ്യം ജറാബ്ലസ് ആണെന്ന് തീരുമാനിച്ചിരുന്നു. ആക്രമിക്കാന് ഏറ്റവും എളുപ്പവും തുര്ക്കിയെ സംബന്ധിച്ച് ജറാബ്ലസ് തന്നെയാണ്.
എഫ്എസ്എ
സിറിയയില് അസദ് ഭരണകൂടത്തിനെതിരെ പോരാടുന്നവരാണ് ഫ്രീ സിറിയന് ആര്മി. ഐസിസിനെ കൂടാതെ ഈ വിമതരെ കൂടി ഒതുക്കാനാണ് അസദ് റഷ്യയുടെ സഹായം തേടിയിരുന്നത്.
തുര്ക്കിയുടെ ടാങ്കുകള്
ടാങ്കുകളുമായി കരയുദ്ധത്തിനും ഒരേ സമയം വ്യോമാക്രമണത്തിനും ആണ് തുര്ക്കി സൈന്യം സിറിയയില് പ്രവേശിച്ചത്. അവര്ക്ക സഹായവുമായി സിറിയന് മണ്ണില് നിന്ന് ഫ്രീ സിറിയന് ആര്മിയും.
ആദ്യം മലനിരകള്
മലനിരകളാല് ചുറ്റപ്പെട്ട നഗരമാണ് ജറാബ്ലസ്. നഗരത്തിന് ചുറ്റുമുള്ള ഗ്രാമങ്ങള് ആദ്യം കീഴക്കി. പിന്നെ മലനിരകള് കീഴടക്കി. അപ്പോഴാണ് ഐസിസ് ഭീകരര് അപകടം മണത്തത്.
ഓടി രക്ഷപ്പെട്ടു
അപകടം മണത്ത ഐസിസ് ഭീകരര് അക്ഷരാര്ത്ഥത്തില് ഓടി രക്ഷപ്പെടുകയായിരുന്നു എന്നാണ് റിപ്പോര്ട്ടുകള്. അല് ബാബ് ലക്ഷ്യമാക്കിയാണ് ഇവര് രക്ഷപ്പെട്ടിട്ടുള്ളത്. അല് ബാബ് ഇപ്പോഴും ഐസിസിന്റെ നിയന്ത്രണത്തിലാണ്.
യൂഫ്രട്ടീസ് പരിച
തുര്ക്കി ഇപ്പോള് സിറിയയില് നടത്തുന്ന സൈനിക നീക്കത്തിന് ഒരു പേരുണ്ട്. യൂഫ്രട്ടീസ് പരിച എന്നാണത്.
ഐസിസ് തീര്ന്നോ
വടക്കുകിഴക്കന് സിറിയയില് ഐസിസിന് നിയന്ത്രമുള്ള പ്രദേശങ്ങള് ഒന്നൊന്നായി ഇല്ലാതായിക്കൊണ്ടിരിക്കുകയാണ് ഇപ്പോള്. ജറാബ്ലസ് നഷ്ടപ്പെട്ടു. ഇനിയുള്ളത് അല് ബാബ് മാത്രം.
അസദ് എന്ത് ചെയ്യും
സ്വന്തം രാജ്യാതിര്ത്തിയില് മറ്റൊരു രാജ്യം വന്ന് യുദ്ധം ചെയ്യുമ്പോഴും അസദ് മിണ്ടിയിട്ടില്ല. വിമതര് തുര്ക്കിക്കൊപ്പം ചേര്ന്ന് യുദ്ധം ചെയ്യുന്നത് അസദിന് തന്നെയാണ് വെല്ലുവിളി സൃഷ്ടിയ്ക്കുക.
ഇറാനും റഷ്യയും
അസദിന് എല്ലാ വിധ പിന്തുണയും നല്കിപ്പോരുന്ന റഷ്യയും ഇറാനും തുര്ക്കിയുടെ ആക്രമണത്തെ കുറിച്ച് ഇതുവരെ പ്രതികരിച്ചിട്ടില്ല.
-
സ്വർണം കൂട്ടത്തോടെ വിറ്റ് ദുബായിലെ ഇന്ത്യക്കാർ; ഒരു ദിവസം ഒരു കിലോ വരെ..കാരണം ഇതാണ് -
യുദ്ധം വേഗത്തിൽ അവസാനിക്കുമെന്ന് ട്രംപ്; 'വീണ്ടും തുടങ്ങിയാൽ കനത്ത തിരിച്ചടി തന്നെ അവർക്ക് നൽകും' -
ദീലീപ് കുടുങ്ങുമോ?നടി കേസിൽ ഹൈക്കോടതിയുടെ നിർണായക നീക്കം, നോട്ടീസ് നൽകി..ഇനി നിയമപോരാട്ടം -
ഗണേഷ് കുമാർ വിവാദത്തിൽ ട്വിസ്റ്റ്, ഭാര്യയെ വിളിച്ച് മാപ്പ് പറഞ്ഞ് മന്ത്രി, മാപ്പ് കൊടുത്തെന്ന് ബിന്ദു മേനോൻ -
എൽഡിഎഫ് 66 ഇടത്ത്, യുഡിഎഫ് 62 ഇടത്ത്, 12 മണ്ഡലങ്ങളിൽ കടുത്ത മത്സരം; കേരളത്തിൽ ഇഞ്ചോടിഞ്ചെന്ന് സർവേ -
'ഇങ്ങനാണേല് ഞാനില്ല'; പിണങ്ങിയിറങ്ങി ശശീന്ദ്രന്, എന്സിപിയിലും ആര്ജെഡിയിലും അതൃപ്തി പുകയുന്നു -
വിജയും തൃഷയും രഹസ്യമായി വിവാഹിതരായി? രജനിയും കമലും പങ്കെടുത്തു, ഫോട്ടോകൾ വൈറൽ, സത്യമാണോ? -
ശനിയുടെ അസ്തമയം 40 ദിവസം; ഈ രാശിക്കാർക്ക് ഭാഗ്യം ഉറപ്പ്, ദാമ്പത്യ ജീവിതത്തിൽ പൂർണ സന്തോഷം..! -
ഇസ്രായേലിന്റെ ഉറ്റരാജ്യം; അസര്ബൈജാന് ഇറാനിലേക്ക് മരുന്നും ഭക്ഷണവും അയച്ചു, വിചിത്ര ബന്ധം -
സഞ്ജു സാംസണിന്റെ ആസ്തി എത്ര? ഐപിഎൽ ശമ്പളവും പരസ്യ വരുമാനവും ചേർന്ന് വരുമ്പോൾ.. കണ്ണ് തള്ളും! -
ഈ രാശിക്കാരാണോ? മാര്ച്ച് മുതല് ഘടാഘടിയന് രാജയോഗം; ജീവിതം ഇനി കളറാകും -
സ്വര്ണം വില കൂടി; ഡോളര് ഇടിഞ്ഞത് തിരിച്ചടി, ഇനിയും ചാഞ്ചാട്ട സാധ്യത, ഇന്നത്തെ പവന് വില
Click it and Unblock the Notifications
Sign in with Google