പോലീസുകാരെ വകവരുത്താന്‍ താലിബാന്റെ ആയുധം സുന്ദരന്മാരായ ആണ്‍കുട്ടികള്‍

കാബൂള്‍ :പോലീസുകാരെ വകവരുത്തുന്നതിനായി താലിബാന്‍ ആണ്‍കുട്ടികളെ ഉപയോഗിക്കുന്നതായി റിപ്പോര്‍ട്ട്. ആണ്‍കുട്ടികളെ ലൈംഗിക അടിമകളായി ഉപയോഗിക്കുക എന്നതാണ് താലിബാന്റെ പുതിയ തന്ത്രം. കുറ്റകൃത്യങ്ങളെ കുട്ടികളെ ലൈംഗിക അടിമകളാക്കുന്ന ബച്ചാബാസി എന്ന സമ്പദ്രായം ആദ്യ കാലത്ത് അഫ്ഗാനിസ്ഥാനില്‍ നില നിന്നിരുന്നെങ്കിലും പിന്നീട് നിര്‍ത്തലാക്കുകയായിരുന്നു .

.ബച്ചാബാസി താലിബാന്‍ വീണ്ടു പൊടി തട്ടിയെടുക്കുകയാണെന്നാണ് റിപ്പോര്‍ട്ട്. കാണാന്‍ ഭംഗിയുളള ആണ്‍കുട്ടികളെയാണ് ഇതിനായി നിയോഗിക്കുന്നത്. പ്രത്യേകിച്ചും കൗമാരക്കാരായ കുട്ടികളെ. സൈനിക താവളത്തിലേയ്ക്കു വിടുന്ന ആണ്‍കുട്ടികള്‍ പോലീസുകാരെ ലൈംഗികമായി ആകര്‍ഷിക്കുന്നു. പിന്നീട് പോലീസുകാരെ മയക്കുമരുന്നു നല്‍കിയും അപ്രതീക്ഷിതമായി വെടിയുതിര്‍ത്തുമാണ് വധിക്കുന്നത്.

ലൈംഗിക അടിമകളായി എത്തുന്നവര്‍ തന്ത്രപൂര്‍വ്വമാണ് എതിരാളികളെ വകവരുത്തുന്നത്. ജനുവരിമുതല്‍ ഏപ്രില്‍ വരെയുള്ള മാസങ്ങളില്‍ നൂറുകണക്കിനു പോലീസുകാരെയാണ് താലിബാന്‍ ഇത്തരത്തില്‍ കൊന്നൊടുക്കിയത്. പോലീസുകാര്‍ക്ക് ബച്ചാബാസി ബലഹീനതയാണെന്നു കണ്ടെത്തിയതിനെ തുടര്‍ന്നാണ് താലിബാന് പിന്നീട് ഇത് തുടരാന്‍ പ്രേരണയായതെന്ന് അഫ്ഗാനിസ്ഥാനിലെ ഉറുസ്ഗാന്‍ പൊലീസ് മേധാവി ഗുലാം സഖി റോഘ് ലെവനായി വ്യക്തമാക്കിയിരുന്നു.

English summary

The Taliban are using child sex slaves to mount crippling insider attacks on police in southern Afghanistan, exploiting the pervasive practice of “bacha bazi”- paedophilic boy play, to infiltrate security ranks, multiple officials and survivors of such assaults said.