പൊലീസിനെ ഭയന്നോടിയ കൗമാരക്കാരന്‍ കാല്‍വഴുതി 6നിലകെട്ടിടത്തില്‍ നിന്ന് വീണുമരിച്ചു

ന്യൂയോര്‍ക്ക്: പൊലീസിനെ ഭയന്നോടിയ കൗമാരക്കാരന്‍ ആറ് നിലകെട്ടിടത്തിന്റെ മേല്‍ക്കൂരയില്‍ നിന്നും താഴേയ്ക്ക് വീണ് മരിച്ചു . പതിനേഴുകാരനാണ് പൊലീസിനെ ഭയന്ന് ഓടിയപ്പോള്‍ വീണ് മരിച്ചത് . ഒരു സഘം ചെറുപ്പക്കാര്‍ കഞ്ചാവ് ഉള്‍പ്പടെയുള്ള ലഹരി ഉപയോഗിയ്ക്കുന്നെന്ന പരാതി ലഭിച്ചതിനെത്തുടര്‍ന്ന് തിരച്ചിലിനിറങ്ങിയതായിരുന്നു പൊലീസുകാര്‍ .

ഹക്കീം കുത(17) ആണ് മരിച്ചത്. ന്യൂയോര്‍ക്ക് പൊലീസ് ഇക്കാര്യം സ്ഥിരീകരിച്ചു . കഞ്ചാവ് വലിയ്ക്കുകയായിരുന്ന ഒരു സംഘം കൗമാരക്കാര്‍ക്കിടയിലേയ്ക്കാണ് പൊലീസുകാര്‍ എത്തിയത്. പലരും കെട്ടിടത്തില്‍ നിന്ന് മറ്റിടങ്ങളിലേയ്ക്ക് ചിതറിയോടി . ഹക്കീമും 14കാരനായ മറ്റൊരു സുഹൃത്തും കെട്ടിടത്തിന് മുകളിലേയ്ക്ക് ഓടി.

ടെറസില്‍ നിന്നും നിന്നും മറ്റൊരു കെട്ടിടത്തിന്റെ ടെറസിലേയ്ക്ക് ചാടാനായിരുന്നു പദ്ധതി . എന്നാല്‍ ചാട്ടം പിഴച്ച് ഹക്കീം താഴേയ്ക്ക് വീണു. സുഹൃത്താകട്ടേ മറ്റൊരു കെട്ടിടത്തിലേയ്ക്ക് ചാടി രക്ഷപ്പെടുകയും ചെയ്തു .പൊലീസ് തൊട്ടടുത്തെത്താറായപ്പോള്‍ ഉണ്ടായ സമ്മര്‍ദ്ദത്തില്‍ ടെറസിന് അറ്റത്തേയ്ക്ക് വച്ച് കാല്‍ പിഴച്ചതാണെന്നാണ് പൊലീസ് ഭാഷ്യം .

English summary

Police say a New York City teenager has died after falling off the roof of a six-story building as police officers attempted an arrest