സൗദിക്ക് തിരിച്ചടി, ഒന്നാമതെത്താന് യുഎഇ... ഒമാനും കുതിക്കും; പ്രവചനം ഇങ്ങനെ...
ദുബായ്: ഗള്ഫ് രാജ്യങ്ങളില് സൗദി അറേബ്യയ്ക്ക് യു എ ഇയില് നിന്ന് കനത്ത തിരിച്ചടിയേല്ക്കുമെന്ന് റിപ്പോര്ട്ട്. ഇന്റര്നാഷണല് മോണിറ്ററി ഫണ്ടിന്റെ (ഐ എം എഫ്) ഏറ്റവും പുതിയ പ്രവചനങ്ങള് പ്രകാരം 2023-ല് ഗള്ഫില് അതിവേഗം വളരുന്ന സമ്പദ്വ്യവസ്ഥ യു എ ഇയായിരിക്കും എന്നാണ് പറയപ്പെടുന്നത്. വന് പദ്ധതികള് ആസൂത്രണം ചെയ്യുന്ന സൗദി അറേബ്യയ്ക്ക് അപ്രതീക്ഷിത തിരിച്ചടിയാണ് പ്രവചനം.
2023- ല് യു എ ഇ സമ്പദ്വ്യവസ്ഥ 4.2 ശതമാനം വളര്ച്ച നേടും എന്നാണ് ഐ എം എഫിന്റെ പ്രവചനം. ഒമാനില് 4.1 ശതമാനവും വളര്ച്ച പ്രതീക്ഷിക്കുന്നുണ്ട്. അടുത്ത വര്ഷം സൗദി അറേബ്യ പ്രതീക്ഷിക്കുന്ന വളര്ച്ചാ നിരക്ക് 3.7 ശതമാനം ആണ്. ബഹ്റൈനില് 3 ശതമാനവും കുവൈറ്റില് 2.6 ശതമാനവും ഖത്തറില് 2.4 ശതമാനവുമാണ് പ്രതീക്ഷിക്കുന്നത്.
2022-ല്, സൗദി അറേബ്യയുടെ 7.6 ശതമാനത്തെ മറികടന്ന് 8.7 ശതമാനം വളര്ച്ച നേടി ഗള്ഫിലെ അതിവേഗം വളരുന്ന സമ്പദ്വ്യവസ്ഥ കുവൈറ്റ് ആയിരിക്കും എന്നും ഐ എം എഫ് പ്രവചിക്കുന്നു. 2022 ല് യു എ ഇ സമ്പദ്വ്യവസ്ഥ 5.1 ശതമാനം വളര്ച്ച കൈവരിക്കും എന്നാണ് പ്രവചനം. സൗദി അറേബ്യയെ സംബന്ധിച്ചുള്ള പ്രവചനം 2022 ലെ ബജറ്റിനെ അനുസൃതമാക്കിയുള്ളതാണ്.
അടുത്ത വര്ഷം ഇന്ത്യയില് ശമ്പളം കൂടും; സര്വെ ഫലം പുറത്ത്, വിശദാംശങ്ങള് ഇങ്ങനെ...
ആഗോള സമ്പദ്വ്യവസ്ഥ നിരവധി പ്രക്ഷുബ്ധമായ വെല്ലുവിളികള് നേരിടുകയാണ്. ദശാബ്ദത്തിലെ ഉയര്ന്ന പണപ്പെരുപ്പം, റഷ്യയുടെ യുക്രൈന് അധിനിവേശം, കൊവിഡ് എന്നിവയെല്ലാം സാമ്പത്തിക കാഴ്ചപ്പാടിനെ വളരെയധികം ബാധിക്കുന്നു എന്നാണ് ഐ എം എഫ് 2022 ഒക്ടോബറിലെ വേള്ഡ് ഇക്കണോമിക് ഔട്ട്ലുക്ക് റിപ്പോര്ട്ടില് പറയുന്നത്.
ആഗോള സമ്പദ്വ്യവസ്ഥയുടെ ഭാവി ആരോഗ്യം, സാമ്പത്തിക നയത്തിന്റെ വിജയകരമായ നടപ്പാക്കല്, യുക്രൈനിലെ യുദ്ധത്തിന്റെ ഗതി, കൊവിഡ് എന്നിവെ അടിസ്ഥാനമാക്കിയായിരിക്കും എന്നും ഐ എം എഫ് മുന്നറിയിപ്പ് നല്കി. കൂടാതെ ആഗോളതലത്തില് സാമ്പത്തിക വളര്ച്ചയില് മാന്ദ്യം ഉണ്ടായേക്കാം എന്നും ഐ എം എഫ് പ്രവചിക്കുന്നു.
ദ്വയാര്ത്ഥ തമാശകള് ആസ്വദിക്കുന്നവരുമുണ്ട്... എനിക്ക് അങ്ങനെയുള്ള പ്രേക്ഷകരെ മതി; സംവിധായകന്
ലോക സമ്പദ്വ്യവസ്ഥ 2022 ല് 3.2 ശതമാനം വളര്ച്ച നേടും. 2021 ല് ഇത് 6 ശതമാനം ആയിരുന്നു. 2023 ല് ഇത് 2.7 ശതമാനമായി കുറയും എന്നാണ് റിപ്പോര്ട്ട്. 2001 ന് ശേഷമുള്ള ഏറ്റവും ദുര്ബലമായ വളര്ച്ചാ നിക്കാണിത്. ആഗോള വളര്ച്ചയിലേക്ക് തിരിച്ചുവരാനായി വിലസ്ഥിരത പുനഃസ്ഥാപിക്കുന്നതിന് പണനയം തുടരണം.