കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നാസില്‍ അബ്ദുല്ലയ്ക്ക് കെണിയൊരുക്കി തുഷാര്‍ വെള്ളാപ്പള്ളി; ക്രിമിനല്‍ കേസ് നല്‍കും

Google Oneindia Malayalam News

ദുബായ്: പ്രവാസി വ്യവസായി നാസില്‍ അബ്ദുല്ലയ്‌ക്കെതിരെ ക്രിമിനല്‍ കേസ് നല്‍കാന്‍ ബിഡിജെഎസ് നേതാവ് തുഷാര്‍ വെള്ളാപ്പള്ളിയുടെ നീക്കം. തന്നെ കുടുക്കാന്‍ ഗൂഢാലോചന നടത്തി, വ്യാജ രേഖ ചമച്ചു തുടങ്ങിയ കുറ്റങ്ങള്‍ ആരോപിച്ചാണ് കേസ് നല്‍കുക. നാസിലിന്റെ പരാതിയില്‍ നേരത്തെ തുഷാറിനെ അറസ്റ്റ് ചെയ്തിരുന്നെങ്കിലും തെളിവ് പര്യാപ്തമല്ലെന്ന് ചൂണ്ടിക്കാട്ടി അജ്മാന്‍ കോടതി കേസ് തള്ളിയിരുന്നു.

Nasil

തുടര്‍ന്നാണ് നാസില്‍ അബ്ദുല്ലയ്‌ക്കെതിരെ കേസിന് തുഷാര്‍ ഒരുങ്ങുന്നത്. അഞ്ച് വര്‍ഷം വരെ തടവ് ശിക്ഷ ലഭിക്കാവുന്ന കുറ്റങ്ങളാണ് നാസിലിനെതിരെ ആരോപിക്കുന്നത്. തനിക്കെതിരായ ചെക്ക് കേസ് കെട്ടിച്ചമച്ചതായിരുന്നു. വ്യാജരേഖകള്‍ ചമച്ചാണ് കേസ് നല്‍കിയത്. ആരാണ് നാസിലിന് ചെക്ക് കൊടുത്തുതെന്ന് അറിയില്ല. പരാതിയില്‍ പേര് പറയില്ലെന്നും തുഷാര്‍ ഏഷ്യാനെറ്റിനോട് പറഞ്ഞു.

പശ്ചിമേഷ്യയില്‍ തീകോരിയിട്ട് ഇസ്രായേല്‍; ജോര്‍ദാന്‍ വാലി പിടിച്ചടക്കും, പൊട്ടിത്തെറിച്ച് സൗദിപശ്ചിമേഷ്യയില്‍ തീകോരിയിട്ട് ഇസ്രായേല്‍; ജോര്‍ദാന്‍ വാലി പിടിച്ചടക്കും, പൊട്ടിത്തെറിച്ച് സൗദി

അജ്മാന്‍ കോടതിയില്‍ തുഷാറിനെതിരെ നാസില്‍ നല്‍കിയ കേസാണ് തള്ളിയിട്ടുള്ളത്. അതേസമയം, ദുബായിലെ കോടതിയില്‍ നാസില്‍ അബ്ദുല്ല ഫയല്‍ ചെയ്ത സിവില്‍ കേസ് നിലവിലുണ്ട്. ഇനി അജ്മാനിലെ കോടതി കേസ് തള്ളിയ സാഹചര്യത്തില്‍ ദുബായിലെ കേസ് നിലനില്‍ക്കുമോ എന്ന് വ്യക്തമല്ല. തുഷാറില്‍ നിന്ന് 18 കോടിയോളം രൂപ കിട്ടാനുണ്ടെന്നും കരാര്‍ പ്രകാരമുള്ള തുക കിട്ടണമെന്നും ആവശ്യപ്പെട്ടാണ് ദുബായ് കോടതിയില്‍ കേസ് ഫയല്‍ ചെയ്തിരിക്കുന്നത്.

അജ്മാന്‍ കോടതിയില്‍ നാസില്‍ നല്‍കിയ കേസ് ഒത്തുതീര്‍പ്പാക്കാനുള്ള ശ്രമം നടന്നിരുന്നു. ഇതിനിടെയാണ് കേസ് കോടതി തള്ളിയത്. ഇതോടെ തുഷാറിന് ഭയപ്പെടാനില്ല. ഒത്തുതീര്‍പ്പ് ചര്‍ച്ചകള്‍ ഫലം കാണില്ലെന്ന് വ്യക്തമായതോടെയാണ് നാസില്‍ അബ്ദുല്ല ദുബായ് കോടതിയിലും സിവില്‍ കേസ് ഫയല്‍ ചെയ്തത്.

English summary
Thushar Vellappally to File case against Nasil Abdulla
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X