Click it and Unblock the Notifications
Just In
Don't Miss
-
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം -
T20 World Cup 2024: ആരേയും ഭയമില്ല, അടിച്ചുതകര്ക്കും; അഷുതോഷ് ടി20 ലോകകപ്പ് ടീമില് വേണോ? -
ആ തെറ്റിദ്ധാരണ മൂലം അവസരങ്ങള് വരാതായി, കാസ്റ്റ് ചെയ്യണമെന്ന് ആഗ്രഹിച്ചവര് പോലും വരാതായി: അനന്യ -
കാത്തിരുന്നൊരു കാമുകിയെ കിട്ടിയോ; കൈവിട്ടു പോകാതിരിക്കാന് ശ്രദ്ധിക്കേണ്ട 8 കാര്യം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി
എല്ലാം കാലം പറയും: തോല്‍വി അംഗീകരിക്കുന്നതിന്‍റെ സൂചനകള്‍ നല്‍കി ഡൊണാള്‍ഡ് ട്രംപ്
വാഷിങ്ംടണ്‍: അമേരിക്കന്‍ തിരഞ്ഞെടുപ്പില്‍ ഡമോക്രാറ്റിക് പാർട്ടി സ്ഥാനാർത്ഥി ജോ ബൈഡന് വിജയിച്ചെങ്കിലും അത് ഇതുവരെ അംഗീകരിക്കാന്‍ എതിരാളിയും നിലവിലെ പ്രസിഡന്‍റുമായ ഡൊണാള്‍ഡ് ട്രംപ് തയ്യാറായിട്ടില്ല. എന്നാല്‍ വെള്ളിയാഴ്ച മാധ്യമങ്ങളെ കണ്ട ഡൊണാള്‍ഡ് ട്രംപ് പരാജയം സമ്മതിക്കുന്നതിന്‍റെ ചില സൂചനകള്‍ നല്‍കി. വാക്സിന്‍ നിർമാണത്തിലെ പുരോഗതിയെ കുറിച്ചായിരുന്നു ട്രംപ് പ്രധാനമായും സംസാരിച്ചത്. രാജ്യത്ത് ഇനിയൊരു ലോകഡൌണ്‍ ഉണ്ടായിരിക്കില്ലെന്നും അദ്ദേഹം പറഞ്ഞു.
ഇതിന് ശേഷമാണ് തിരഞ്ഞെടുപ്പിലെ തന്‍റെ തോല്‍വി സമ്മതിക്കുന്നതിന്‍റെ ചില സൂചനകള്‍ ട്രംപ് നല്‍കിയത്. 'ഭാവിയിൽ എന്ത് സംഭവിക്കുമെന്നറിയില്ല, ഏത് ഭരണകൂടമായിരിക്കുമെന്ന് ആർക്കറിയാം. എല്ലാം കാലം പറയുമെന്ന് ഞാന്‍ കരുതുന്നു'- ഡൊണാള്‍ഡ് ട്രംപ് പറഞ്ഞു. ഇതിന് ശേഷമാണ് ട്രംപിന്‍റെ മനം മാറ്റം സംബന്ധിച്ച കാര്യങ്ങള്‍ ചർച്ചയായത്. ബൈഡന്‍റെ തിരഞ്ഞെടുപ്പ് വിജയിത്തിനെതിരെ വിവിധ സംസ്ഥാനങ്ങളിലെ കോടതികള്‍ റിപ്പബ്ലിക്കന്‍ പാർട്ടി പ്രവർത്തികർ പരാതി നല്‍കിയെങ്കിലും മിക്ക കോടതികളും ഇത് തള്ളി.
വോട്ടെണ്ണെലില്‍ വ്യാപക ക്രമക്കേട് നടന്നെന്നായിരുന്നു ട്രംപിന്‍റെയും റിപ്പബ്ലിക്കന്‍ പാർട്ടിയുടേയും ആരോപണം. എന്നാല്‍ ക്രമക്കേട് നടന്നതിനു തെളിവില്ലെന്ന് തിരഞ്ഞെടുപ്പ് ഉദ്യോഗസ്ഥരും കഴിഞ്ഞ ദിവസം വ്യക്തമാക്കിയിരുന്നു. 306 ഇലക്ട്രല്‍ വോട്ടുകള്‍ നേടിയ ജോ ബൈഡന് ട്രംപിനെതിരെ വ്യക്തമായ ഭൂരിപക്ഷമാണ് ഉള്ളത്. റിപ്പബ്ലിക്കന്‍ കോട്ടയായ ജോർജിയയിലെ തിരഞ്ഞെടുപ്പ് ഫലം വെള്ളിയാഴ്ച പുറത്തു വന്നപ്പോള്‍ വിജയം ബൈഡന് തന്നെയായിരുന്നു.
