Click it and Unblock the Notifications
Just In
Don't Miss
-
റിലേഷൻഷിപ്പിനോ വിവാഹത്തിനോ പറ്റില്ല; ജാസ്മിനോട് ഗബ്രി; എനിക്ക് വേണ്ട ഉത്തരം കിട്ടിയെന്ന് ജാസ്മിൻ! -
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സൗദിയിലെ ആദ്യ സംഗീത നിശയ്ക്കുള്ള ടിക്കറ്റുകള്‍ വിറ്റുതീര്‍ന്നത് ഒന്നര മണിക്കൂറിനുള്ളില്‍
ജിദ്ദ: മാര്‍ച്ച് 30ന് സൗദിയിലെ കിംഗ് അബ്ദുല്ല ഇക്കണോമിക് സിറ്റിയില്‍ നടക്കുന്ന രാജ്യത്തെ ആദ്യ ലൈവ് സംഗീത നിശയ്ക്കുള്ള 6000 ടിക്കറ്റുകള്‍ വിറ്റുതീര്‍ന്നത് വെറും ഒന്നര മണിക്കൂറിനുള്ളില്‍. സൗദിയിലെ വിനോദസഞ്ചാര മേഖലയില്‍ വരാനിരിക്കുന്ന വളര്‍ച്ചയുടെ സൂചനയായാണ് ഇത് വിലയിരുത്തപ്പെടുന്നത്. കിരീടാവകാശി മുഹമ്മദ് ബിന്‍ സല്‍മാന്റെ വിഷന്‍ 2030 പദ്ധതികളുടെ ഭാഗമായി പ്രഖ്യാപിക്കപ്പെട്ട ആദ്യ സംഗീത നിശയാണ് സൗദിയില്‍ നടക്കുന്നത്.
പ്രമുഖ ഈജിപ്ത്യന്‍ ഗായകന്‍ തമര്‍ ഹുസ്‌നി നയിക്കുന്ന സംഗീത നിശയ്ക്കുള്ള ടിക്കറ്റ് സ്വന്തമാക്കാനെത്തിയവരാവട്ടെ കൂടുതല്‍ സ്ത്രീകളായിരുന്നു. ജനറല്‍ എന്റര്‍ടെയിന്‍മെന്റ് അതോറിറ്റിയാണ് സംഗീത പരിപാടി സംഘടിപ്പിക്കുന്നത്. പൊതുവെ സംഗീതപ്രിയരായ സൗദികള്‍ക്കിടയില്‍ വളരെ പ്രശസ്തനായ ഈജിപ്ത്യന്‍ ഗായകനും നടനും സംഗീതസംവിധായകനും ഗാനരചയിതാവുമൊക്കെയായ തമര്‍. തമറിന്റെ സംഗീത നിശയോടെ രാജ്യത്ത് വരാനിരിക്കുന്നത് വിനോദപരിപാടികളുടെ ഒരു ഘോഷയാത്ര തന്നെയാണ്.
രാജ്യത്തെ എന്റര്‍ടെയിന്‍മെന്റ് മേഖലയില്‍ നിന്നുള്ള വരുമാനം മൊത്തം ആഭ്യന്തര വരുമാനത്തിന്റെ ആറു ശതമാനമാക്കി ഉയര്‍ത്തുകയെന്നതാണ് വിഷന്‍ 2030ന്റെ പ്രഖ്യാപിത ലക്ഷ്യങ്ങളിലൊന്ന്. അതിന് അനുസൃതമായ വിനോദപരിപാടികളാണ് സൗദി എന്റെടെയിന്‍മെന്റ് അതോറിറ്റി ആവിഷ്‌ക്കരിച്ച് നടപ്പാക്കുന്നത്. ലഭ്യമായ കണക്കുകളനുസരിച്ച് സൗദി പൗരന്‍മാര്‍ ഓരോ വര്‍ഷവും വിനോദ പരിപാടികള്‍ക്കായി വിദേശരാജ്യങ്ങളില്‍ ചെലവഴിക്കുന്ന തുക 2200 കോടി ഡോളറാണ്. ഇതിന്റെ ഗണ്യമായ ഭാഗം രാജ്യത്തേക്ക് തിരിച്ചുകൊണ്ടുവരാനുള്ള ശ്രമത്തിലാണ് സൗദി ഭരണകൂടം.
സിനിമ ഉള്‍പ്പെടെയുള്ള വിനോദസഞ്ചാര മേഖലയ്ക്ക് വലിയ ഊന്നലാണ് ഇതിന്റെ ഭാഗമായി സൗദി അധികൃതര്‍ നല്‍കുന്നത്. രാജ്യത്ത് 30 വര്‍ഷത്തിലേറെയായി നിലനില്‍ക്കുന്ന സിനിമാ നിരോധനം എടുത്തുകളഞ്ഞ സൗദി, സിനിമാ തിയറ്ററുകള്‍ക്ക് ലൈസന്‍സ് അനുവദിക്കുന്നതിനുള്ള നടപടികള്‍ക്ക് കഴിഞ്ഞ ദിവസം തുടക്കം കുറിച്ചിരുന്നു. 350 തിയറ്റുകളിലായി 2500 സ്‌ക്രീനുകള്‍ ഒരുക്കാനാണ് സൗദി അധികൃതര്‍ ലക്ഷ്യമിടുന്നത്.
