കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ടൈറ്റാനിക് ദുരന്തം ഇനി രസകരമായി പാര്‍ക്കില്‍ അനുഭവിക്കാം..

  • By Sruthi K M
Google Oneindia Malayalam News

ദുബായ്: ടൈറ്റാനിക് എന്ന ആഡംബര കപ്പലിനെ ജനങ്ങള്‍ ഒരിക്കലും മറക്കില്ല. മറന്നെങ്കില്‍ ഓര്‍മ്മിപ്പിക്കാന്‍ ടൈറ്റാനിക് വീണ്ടും എത്തുകയാണ്. ടൈറ്റാനിക് ദുരന്തവും പ്രണയ നിമിഷങ്ങളും ആഘോഷവും ഇനി രസകരമായി പാര്‍ക്കില്‍ അനുഭവിക്കാമെന്നാണ് പറഞ്ഞു വരുന്നത്. അതെങ്ങനെ എന്നു നിങ്ങള്‍ ആലോചിക്കുന്നുണ്ടാകും. ടൈറ്റാനിക് കപ്പലിന്റെ മാതൃകയില്‍ അമ്യൂസ്‌മെന്റ് പാര്‍ക്ക് ഒരുങ്ങുകയാണ്.

1912ല്‍ വെള്ളത്തിലിറക്കിയ ടൈറ്റാനിക് കപ്പല്‍ 2018ഓടെ പുനര്‍ജ്ജനിക്കും. പ്രമുഖ നിര്‍മ്മാതാക്കളായ ട്വന്റിയത് സെഞ്ച്വറി ഫോക്‌സാണ് ടൈറ്റാനിക് മാതൃകയില്‍ പാര്‍ക്ക് നിര്‍മ്മിക്കുന്നത്. ദുബായിലെ ഒരു റിസോര്‍ട്ടിനു വേണ്ടിയാണ് ടൈറ്റാനിക് മ്യൂസിയം പണിയുന്നത്.

titanic

85,000 അമേരിക്കന്‍ ഡോളറാണ് പാര്‍ക്ക് നിര്‍മ്മിക്കാനായി ചെലവിടുന്നതെന്ന് യുഎസ് മാഗസിന്‍ റിപ്പോര്‍ട്ട് ചെയ്യുന്നു. സണ്‍സ് ഓഫ് അനാര്‍ക്കി, പ്ലാനറ്റ് ഓഫ് ദി ഏപ്‌സ്, ഏലിയന്‍സ് എന്നീ ഹോളിവുഡ് ചിത്രങ്ങളിലെയും മറ്റു ടെലിവിഷന്‍ പരിപാടികളിലെയും വിനോദങ്ങളും ഗെയിമുകളും ഉള്‍പ്പെടുത്തിയാണ് ഈ പാര്‍ക്ക് ഒരുക്കുന്നത്.

ടൈറ്റാനിക് ചിത്രത്തിലെ ആഘോഷങ്ങളും സംഭവങ്ങളും ഈ പാര്‍ക്കില്‍ പ്രവേശിക്കുന്ന സന്ദര്‍ശകര്‍ക്ക് അനുഭവിക്കാന്‍ കഴിയുമെന്നാണ് പറയുന്നത്. 1912 ഏപ്രില്‍ 15നാണ് അറ്റ്‌ലാന്റിക് സമുദ്രത്തിലെ മഞ്ഞുകട്ടയില്‍ കൂട്ടിയിടിച്ച് ടൈറ്റാനിക് വെള്ളത്തിലേക്ക് മറിയുന്നത്. 1500 പേരാണ് ദുരന്തത്തില്‍ മരണപ്പെട്ടത്.

English summary
A ride inspired by the famous 1912 Titanic shipwreck is set to launch at an amusement park in 2018.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X