ഐഫോണ് വാങ്ങാന് യുവാക്കള് കിഡ്നിയും വില്ക്കും!!
ബീജിങ്: സാങ്കേതിക വിദ്യകളുടെ പുറകില് ഓടുന്ന ഇന്നത്തെ യുവതലമുറകള് എന്തും വില കൊടുത്തു വാങ്ങാന് തയ്യാറാണ്. സ്വന്തം ജീവന് പണയപ്പെടുത്തിയും ആഗ്രഹങ്ങള് സാധിക്കാന് അവര് തയ്യാറാണ്. എല്ലാം കൈയ്യില് ഒതുക്കാനുള്ള നെട്ടോട്ടത്തിലാണ് മിക്കവരും. ഒരു ഫോണിനു വേണ്ടി കിഡ്നി വരെ വില്ക്കാന് തയ്യാറാണ് യുവാക്കള്.
ഇതൊക്കെ കേള്ക്കുമ്പോള് ഞെട്ടിയിട്ട് കാര്യമില്ല. ചൈനയിലെ രണ്ട് യുവാക്കളാണ് ഐഫോണ് സ്വന്തമാക്കാന് നെട്ടോട്ടമോടുന്നത്. കഴിഞ്ഞ ദിവസം പുറത്തിറക്കിയ ഐ ഫോണിന്റെ ഏറ്റവും പുതിയ മോഡലായ ഐഫോണ് 6 എസും, 6 എസ് പ്ലസുമാണ് വു എന്ന ചെറുപ്പക്കാരനും അവന്റെ സുഹൃത്തായ ഹുവാങിനും വേണ്ടത്. ഇതു വാങ്ങിക്കാന് പണം ഇല്ലാത്തതു കൊണ്ടു കിഡ്നി വിറ്റ് ഐഫോണ് വാങ്ങാമെന്ന് യുവാക്കള് തീരുമാനിക്കുകയായിരുന്നു.
ഐഫോണ് 6 എസ് വാങ്ങാനാണ് രണ്ട് സുഹൃത്തുക്കള് കിഡ്നി വില്ക്കാനൊരുങ്ങിയത്. ഇതിനായി ഇവര് ഇന്റര്നെറ്റിലൂടെ ഒരു ഇടനിലക്കാരനെ പരിചയപ്പെടുകയും ഇയാളോട് കാര്യങ്ങള് പറയുകയുമായിരുന്നു. തുടര്ന്ന് വൈദ്യ പരിശോധനയ്ക്കായി യുവാക്കളോട് ആശുപത്രിയില് എത്താന് ആവശ്യപ്പെട്ടു.
എന്നാല്,യുവാക്കള് ആശുപത്രിയില് എത്തിയെങ്കിലും ഇടനിലക്കാരന് എത്തിയില്ല. തുടര്ന്ന് കൂട്ടത്തിലെ വു എന്ന ചെറുപ്പക്കാരന് പോലീസില് അറിയിക്കുകയാണുണ്ടായത്. ഇതിനിടിയില് കൂടെ ഉണ്ടായിരുന്നു ഹുവാങ് എന്ന സുഹൃത്ത് ഓടിരക്ഷപ്പെടുകയും ചെയ്തു.