ഹാന്‍ഡ് ലഗേജില്‍ കുട്ടിയെ ഒളിപ്പിച്ചു കടത്തി; യുവതി അറസ്റ്റില്‍

ഇസ്താംബുള്‍: ഹാന്‍ഡ് ലഗേജില്‍ കുട്ടിയെ ഒളിപ്പിച്ചു കടത്തിയ യുവതിയെ പോലീസ് അറസ്റ്റ് ചെയ്തു. ഇസ്താംബൂളില്‍ നിന്നും പാരിസിലേക്ക് പോയ വിമാനത്തില്‍ ഹാന്‍ഡ് ലഗേജിലായിരുന്നു കുട്ടിയെ ഒളിപ്പിച്ചു കടത്തിയത്.

ചാള്‍ഡ് ഡി ഗല്ലി വിമാനത്താവളത്തില്‍ വിമാനം നിലം കൊട്ടതിനു പിന്നാലെയായിരുന്നു യുവതിയെ അറസ്റ്റ് ചെയ്തത്. യുവതിയുടെ കയ്യിലുണ്ടായിരുന്ന ബാഗില്‍ അനക്കം ശ്രദ്ധിച്ച സഹയാത്രക്കാരിയാണ് ക്യാബിന്‍ ക്രൂവിനെ വിവരം ധരിപ്പിച്ചത്. തുടര്‍ന്ന് ക്യാബിന്‍ ക്രൂ എത്തി ബാഗ് തുറക്കാന്‍ ആവശ്യപെട്ടപ്പോഴാണ് ഒരു വയസിനും മൂന്ന് വയസ്സിനും മദ്ധ്യേ പ്രായമുള്ള കുട്ടിയെ കണ്ടെത്തിയത്.

കുട്ടി ആരോഗ്യവാനാണ്. ഇരുവരെയും ഫ്രഞ്ച് പോലീസിന് കൈമാറി. അതേസമയം കുട്ടിയെ യൂറോപ്പിലേക്ക് കടത്താനുള്ള ശ്രമമാണെന്നാണ് സംശയം. എയര്‍ഫ്രാന്‍സ് വിമാനത്തിലായിരുന്നു സംഭവം. രണ്ട് വയലസ്സുവരെയുള്ള കുട്ടികള്‍ക്ക് ടിക്കറ്റെടുക്കേണ്ട ആവശ്യമില്ല. പക്ഷെ എയര്‍പോര്‍ട്ട് ടാക്‌സ് യാത്രാ രേഖകള്‍ ഉണ്ടായിരിക്കണമെന്നാണ് വ്യവസ്ഥ.

യുവതിയും കുട്ടിയും തമ്മിലുള്ള ബന്ധം കണ്ടെത്താന്‍ ഇതുവരെ കഴിഞ്ഞില്ലെന്നാണ് റിപ്പോര്‍ട്ട്. യുവതി ഏത് രാജ്യക്കാരിയാണെന്ന് ഫ്രഞ്ച് പോലീസ് പുറത്തു വിട്ടിട്ടില്ല. അന്വേഷണം തുടരുകയാണെന്ന് എയര്‍ ഫ്രാന്‍സ് വക്താവ് പറഞ്ഞു.

English summary

A toddler has been found hidden in the hand baggage of a female passenger aboard an Istanbul to Paris flight late on 7 March, it has emerged.