Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
അമേരിക്ക-ചൈന വ്യാപാര യുദ്ധം അവസാനിക്കുന്നു; നിര്‍ണായക തീരുമാനം, പുതിയ നികുതിയില്ല
ബെയ്ജിങ്: അമേരിക്കയും ചൈനയും തമ്മില്‍ ഏറെ നാളായി തുടരുന്ന വ്യാപാര യുദ്ധം അവസാനിക്കുന്നു. ചൈനീസ് ഉല്‍പ്പന്നങ്ങള്‍ക്ക് പുതിയ നികുതി ഏര്‍പ്പെടുത്തില്ലെന്ന് അമേരിക്കന്‍ പ്രസിഡന്റ് ട്രംപ് അറിയിച്ചു. ട്രംപും ചൈനീസ് പ്രസിഡന്റ് സി ജിന്‍പിങും ജി 20 ഉച്ചകോടിക്കിടെ നടത്തിയ ചര്‍ച്ചയിലാണ് തീരുമാനം. അടുത്തിടെ ഏര്‍പ്പെടുത്തിയ നികുതികള്‍ ഈടാക്കുന്നത് അവസാനിപ്പിക്കുകയും ചെയ്യും.
പുതിയ നികുതി ഏര്‍പ്പെടുത്തില്ലെന്ന് ട്രംപ് സമ്മതിച്ചുവെന്ന് ചൈനീസ് മാധ്യമങ്ങള്‍ റിപ്പോര്‍ട്ട് ചെയ്തു. ഇരുരാജ്യങ്ങളും തമ്മിലുള്ള വ്യാപാര ചര്‍ച്ചകള്‍ പുനരാരംഭിക്കാനും ധാരണയായി. പരസ്പര ബഹുമാനത്തോടെ വ്യാപാര ചര്‍ച്ച പുനരാരംഭിക്കാനാണ് തീരുമാനമെന്ന് റിപ്പോര്‍ട്ടില്‍ വിശദീകരിക്കുന്നു. സഹകരണം വഴി ഇരുരാജ്യങ്ങള്‍ക്കും വിജയിക്കാന്‍ സാധിക്കുമെന്നും സംഘര്‍ഷമുണ്ടായാല്‍ ഇരുരാജ്യങ്ങള്‍ക്കും നഷ്ടമാകുമെന്നും സി ജിന്‍പിങ് അമേരിക്കന്‍ പ്രസിഡന്റിനോട് ചര്‍ച്ചക്കിടെ ഉണര്‍ത്തി.
ഇരുരാജ്യങ്ങള്‍ ചരക്കുകള്‍ക്ക് നികുതി ഏര്‍പ്പെടുത്താന്‍ തുടങ്ങിയതോടെ 36000 കോടി ഡോളറിന്റെ വ്യാപാരത്തെയാണ് ബാധിച്ചിരുന്നത്. ഇതാകട്ടെ ലോക വിപണിയില്‍ അസ്ഥിരതയ്ക്ക് കാരണമായിരുന്നു. മാത്രമല്ല ഓഹരി വിപണിയില്‍ കനത്ത തിരിച്ചടിയും നേരിട്ടിരുന്നു. ചൈനീസ് ഉല്‍പ്പന്നങ്ങള്‍ അമേരിക്കയില്‍ ഇറക്കുമ്പോള്‍ നികുതി ചുമത്തുന്നതാണ് വിവാദം. ഇതോടെ അമേരിക്കന്‍ ഉല്‍പ്പന്നങ്ങള്‍ക്ക് ചൈനയും നികുതി ചുമത്താന്‍ തീരുമാനിച്ചു. ഈ പ്രശ്‌നങ്ങള്‍ക്കാണ് നേതാക്കളുടെ ചര്‍ച്ചയില്‍ പരിഹാരമായത്.
സമാനമായ തര്‍ക്കം അമേരിക്കയും ഇന്ത്യയും തമ്മില്‍ നിലനില്‍ക്കുന്നുണ്ട്. ഇന്ത്യയ്ക്ക് ഏറെ കാലമായി നല്‍കി വരുന്ന നികുതി ഇളവ് അവസാനിപ്പിക്കുകയാണെന്ന് ഡൊണാള്‍ഡ് ട്രംപ് കഴിഞ്ഞാഴ്ച പ്രഖ്യാപിച്ചിരുന്നു. മാത്രമല്ല, ഇന്ത്യ അമേരിക്കന്‍ ഉല്‍പ്പന്നങ്ങള്‍ക്ക് നികുതി ഒഴിവാക്കണമെന്നും ട്രംപ് ആവശ്യപ്പെട്ടിരുന്നു.
