Click it and Unblock the Notifications
Just In
Don't Miss
-
വായുവേഗത്തില് പ്രസാദിക്കും പവനപുത്രന്, ആഗ്രഹസാഫല്യം നല്കും ഹനുമാന് ജയന്തി ആരാധന -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കിമ്മിന്റെ ആരോഗ്യനിലയില്‍ വീണ്ടും പ്രതികരിച്ച് ഡൊണാള്‍ഡ് ട്രംപ്, ഇത്തവണ പതിവ് ശത്രുവിനും വിമര്‍ശനം
വാഷിംഗ്ടണ്‍: ഉത്തരകൊറിയന്‍ ഏകാധിപതി കിം ജോങ് ഉന്നിന്റെ ആരോഗ്യനില സംബന്ധിച്ച വീണ്ടും പ്രതികരിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ് വീണ്ടും രംഗത്ത്. കിമ്മിന്റെ ആരോഗ്യനില ഗുരുതരമാണെന്ന റിപ്പോര്‍ട്ട് തള്ളിയാണ് ട്രംപ് ഇപ്പോള്‍ രംഗത്തെത്തിയത്. ട്രംപിന്റെ പതിവ് ശത്രുവായ സിഎന്‍എന്നിനെ വിമര്‍ശിച്ചായിരുന്നു ട്രംപ് ഇക്കാര്യം വ്യക്തമാക്കിയത്.
ഈ റിപ്പോര്‍ട്ട് വ്യാജമാണെന്നാണ് കരുതുന്നത്. എനിക്ക് തോന്നുന്നു അവര്‍ക്ക് പഴയ റിപ്പോര്‍ട്ടാണ് ലഭിച്ചത്. അതേസമയം, ഉത്തരകൊറിയയില്‍ നിന്ന് ഔദ്യോഗികമായി വിവരം ലഭിച്ചോ എന്ന ചോദ്യത്തിന് മറുപടി പറയാന്‍ ട്രംപ് വിസമ്മതിച്ചു. കൊറോണയുമായി ബന്ധപ്പെട്ട് ദിവസേന നടത്തുന്ന വാര്‍ത്താ സമ്മേളനത്തിലാണ് ട്രംപ് ഇക്കാര്യം വ്യക്തമാക്കിയത്.
നേരത്തെയും കിമ്മിന്റെ ആരോഗ്യനിലയില്‍ പ്രതികരിച്ച് ട്രംപ് രംഗത്തെത്തിയിരുന്നു. ചികിത്സയില്‍ കഴിയുന്ന ഉത്തരകൊറിയന്‍ ഭരണാധികാരി കിം ജോങ ഉന്നിന് എത്രയും പെട്ടെന്ന് സൗഖ്യം പ്രാപിക്കട്ടയെന്നാണ് അന്ന് ട്രംപ് പറഞ്ഞത്. സിഎന്‍എന്‍ റിപ്പോര്‍ട്ടിന്റെ അടിസ്ഥാനത്തിലാണ് ട്രംപിന്റെ പ്രതികരണം. അദ്ദേഹം സുഖമായിരിക്കട്ടെ, ഇപ്പോള്‍ തനിക്ക് അങ്ങനെ പറയാന്‍ മാത്രമേ സാധിക്കുകയുള്ളുവെന്ന് ട്രംപ് വൈറ്റ് ഹൗസില്‍ നിന്ന് മാധ്യമപ്രവര്‍ത്തകരോട് പറഞ്ഞിരുന്നു.
കിമ്മിന് ഹൃദയ സംബന്ധമായ ശസ്ത്രക്രിയയ്ക്ക് ശേഷം മസ്തിഷ്‌ക മരണം സംഭവിച്ചു എന്ന തരത്തിലായിരുന്നു റിപ്പോര്‍ട്ടുകള്‍ അമേരിക്കന്‍ രഹസ്യാന്വേഷണ ഏജന്‍സികളെ ഉദ്ധരിച്ച് അമേരിക്കന്‍ മാധ്യമങ്ങള്‍ തന്നെയാണ് ഇക്കാര്യം റിപ്പോര്‍ട്ട് ചെയ്തത്. എന്നാല്‍ ഇക്കാര്യം നിഷേധിച്ച് ഉത്തരകൊറിയ രംഗത്തെത്തിയിരുന്നു. ഇപ്പോള്‍ നടക്കുന്നത് സാമ്രാജ്യത്വ പ്രചരണമാണെന്നാണ് ഉത്തര കൊറിയ പറയുന്നത്. കൂടാതെ ഈ റിപ്പോര്‍ട്ടുകള്‍ തള്ളി ദക്ഷിണ കൊറിയയും രംഗത്തെത്തിയിരുന്നു. കിം ജോങ് ഉന്നിന് ഒരു തരത്തിലുള്ള അസുഖങ്ങളുമില്ലെന്നും അഭ്യൂഹങ്ങള്‍ പ്രചരിക്കുന്നത് ആദ്യമായല്ലെന്നും ദക്ഷിണ കൊറിയന്‍ പ്രസിഡന്റിന്റെ ഓഫീസ് അറിയിച്ചിരുന്നു.
ഇപ്പോള്‍ പ്രചരിക്കുന്നത് അഭ്യൂഹം മാത്രമാണെന്ന നിലപാടാണ് ചൈനയ്ക്കുമുള്ളത്. എന്നാല്‍ ഇപ്പോഴത്തെ നീക്കങ്ങള്‍ ഉത്തരകൊറിയയിലേയും അമേരിക്കയിലേയും ചൈനയിലേയും രഹസ്യാന്വേഷണ ഏജന്‍സികളും നിരീക്ഷിച്ച് വരികയാണ്. എന്നാല്‍ ഉന്‍ ഹൃദയ ശസ്ത്രക്രിയയ്ക്ക് വിധേയനായിട്ടുണ്ടെന്ന കാര്യം ആരും തന്നെ നിരസിച്ചിട്ടില്ല. എന്നാല്‍ ഉന്‍ ഗുരുതരാവസ്ഥയിലാണെന്ന അഭ്യൂഹങ്ങള്‍ ചൈനയും തള്ളിക്കളഞ്ഞിട്ടുണ്ട്. കൊറിയയിലെ ജനങ്ങള്‍ക്ക് ഉന്നിന്റെ ആരോഗ്യസ്ഥിതിയെക്കുറിച്ച് ഒരു ധാരണയുമില്ലെന്ന് ചൈന അറിയിച്ചു.
Recommended Video
അതേസമയം, ഇത് ആദ്യത്തെ സംഭവമല്ല നേരത്തെ 2014ല്‍ കിംഗ് ജോങ് ഉന്‍ നാല് ദിവസത്തോളം അപ്രത്യക്ഷനായിരുന്നു. സെപ്തംബര്‍ അവസാനത്തോടെയാണ് ഇദ്ദേഹത്തെ കാണാതായത്. ഇതോടെ സൈനിക അട്ടിമറിയിലൂടെ മറ്റ് രാഷ്ട്രീയ എതിരാളികള്‍ അധികാരത്തില്‍ നിന്ന് താഴെയിറക്കി എന്നതരത്തിലുള്ള അഭ്യൂഹങ്ങളാണ് വ്യാപകമായി പ്രചരിച്ചത്. എന്നാല്‍ കയ്യിലൊരു ചൂരലുമേന്തി നില്‍ക്കുന്ന ചിത്രവുമായി അദ്ദേഹം പ്രത്യക്ഷപ്പെടുകയും ചെയ്തു.
