യുഎസിൽ ഇന്ത്യക്കാരുടെ പണി പോകും; വിസ ചട്ടങ്ങളിൽ മാറ്റം, ട്രംപ് ഇന്ത്യക്കാർക്ക് തന്ന 'അടി" ഇങ്ങനെ...
വാഷിങ്ടൺ: യുഎസിൽ വിസ ചട്ടങ്ങളിൽ മാറ്റം വരുത്തി. എച്ച് 4 വിസയുള്ളവരുടെ നിയമപരമായി ജോലിചെയ്യാനുള്ള അനുമതി എടുത്തുകളയുമെന്ന് ഡൊണാൾഡ് ട്രംപ്. നിയമം നിലവിൽ വന്നാൽ ആയിരകണക്കിന് ഇന്ത്യക്കാർക്ക് ജോലി നഷ്ടപ്പെടും.
റാഫേൽ കരാർ; അനിൽ അംബാനിയെ ഉൾപ്പെടുത്താൻ ഇന്ത്യ ആവശ്യപ്പെട്ടു, കേന്ദ്രം വീണ്ടും പരുങ്ങലിൽ....
ഒബാമ ഭരണകാലത്ത് എച്ച് 1ബി വിസയുള്ളവരുടെ പങ്കാളികള്ക്ക് യുഎസിലേക്ക് കുടിയേറ്റം നടത്താനുള്ള എളുപ്പ വഴിയായിരുന്നു എച്ച്4 വിസ നയം. ഈ വിസയില് യുഎസിലെത്തുന്നവര്ക്ക് ജോലി ചെയ്യാന് ഒബാമയുടെ കാലത്ത് അനുമതി നല്കിയിരുന്നു. ഇതാണിപ്പോൾ ട്രംപ് ഭരണകൂടം എടുത്തു കളഞ്ഞിരിക്കുന്നത്.
എച്ച്-1 ബി വിസ അനുവദിക്കുന്ന കാര്യത്തില് കൂടുതല് നിയന്ത്രണങ്ങള് കൊണ്ടുവരാന് ട്രംപ് ഭരണകൂടം ആലോചിക്കുന്നതായി വാര്ത്തകള് വന്നിരുന്നു. ഇതിന് പിന്നാലെ മറ്റൊരു തിരിച്ചടി കൂടി ലഭിച്ചിരിക്കുന്നത്. ഒബാമ ഭരണകാലത്ത് 2015ല് പുറപ്പെടുവിച്ച പ്രത്യേക ഉത്തരവ് ഏറ്റവും കൂടുതല് പ്രയോജനപ്പെടുത്തിയത് ഇന്ത്യക്കാരായ ഐടി പ്രൊഫഷണലുകളായിരുന്നു.