• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

മുന്നറിയിപ്പുകള്‍ അവഗണിച്ച് തുര്‍ക്കി സൈന്യം അഫ്രിന്‍ ആക്രമണം തുടങ്ങി; സിറിയ തിരിച്ചടിക്കുമോ?

  • By desk

അങ്കാറ: അമേരിക്കയുടെയും സിറിയയുടെയും മുന്നറിയിപ്പുകള്‍ അവഗണിച്ച് തുര്‍ക്കി സൈന്യം കുര്‍ദ് നിയന്ത്രിത സിറിയന്‍ പ്രദേശമായ അഫ്രിനു നേരെ ശക്തമായ ഷെല്ലാക്രമണം തുടങ്ങി. സിറിയന്‍ പ്രദേശത്ത് ആക്രമണം നടത്തിയാല്‍ അത് കുട്ടിക്കളിയാവില്ലെന്ന സിറിയന്‍ സൈന്യത്തിന്റെ മുന്നറിയിപ്പുകള്‍ അവഗണിച്ചാണ് തുര്‍ക്കിയുടെ നടപടി.

എഫ്ബിയില്‍ ലൈക്ക് കൂട്ടാന്‍ യുവതിയുടെ ചിത്രം; പാകിസ്താനിക്ക് ആറ് മാസം തടവ്

തുര്‍ക്കി-സിറിയന്‍ അതിര്‍ത്തിയിലെ സിറിയന്‍ സര്‍ക്കാരിനെതിരേയും ഐ.എസിനെതിരേയും യുദ്ധം ചെയ്യുന്ന അമേരിക്കന്‍ സൈനിക സഖ്യമായ സിറിയന്‍ ഡിഫന്‍സ് ഫോഴ്‌സിന്റൈ (എസ്.ഡി.എഫ്) ഭാഗമായി പ്രവര്‍ത്തിക്കുന്ന പീപ്പ്ള്‍സ് പ്രൊട്ടക്ഷന്‍ യൂനിറ്റി (വൈ.പി.ജി) നെതിരേയാണ് തുര്‍ക്കി സൈന്യം ആക്രമണം തുടങ്ങിയിരിക്കുന്നത്. ഇവര്‍ക്ക് തുര്‍ക്കിയിലെ കുര്‍ദ് വിഘടനവാദികളായ കുര്‍ദിസ്താന്‍ വര്‍ക്കേഴ്‌സ് പാര്‍ട്ടി (പി.കെ.കെ)യുമായി ബന്ധമുണ്ടെന്നതിനാല്‍ വൈ.പി.ജിയെ ഭീകരസേനയായാണ് തുര്‍ക്കി പരിഗണിക്കുന്നത്. ഈപശ്ചാത്തലത്തിലാണ് സൈനികാക്രമണം.

അഫ്രിന്‍ പ്രദേശത്തെ വളയുന്നതിന്റെ ഭാഗമായി തുര്‍ക്കി പിന്തുണയോടെ പ്രവര്‍ത്തിക്കുന്ന ഫ്രീ സിറിയന്‍ ആര്‍മിയെ തുര്‍ക്കി അതിര്‍ത്തിയോട് ചേര്‍ന്നു കിടക്കുന്ന സിറിയയുടെ വടക്കന്‍ പ്രദേശമായ അസാസില്‍ വിന്യസിച്ചിട്ടുണ്ട്. അതിര്‍ത്തിയിലാവട്ടെ തുര്‍ക്കി സൈന്യം എല്ലാവിധ ആയുധങ്ങളുമായി സജ്ജമായി നിലകൊള്ളുകയുമാണ്. തുര്‍ക്കി ആക്രമണത്തിന് മുന്നോടിയായി അഫ്രിന്‍ പ്രദേശത്തുണ്ടായിരുന്ന 170 റഷ്യന്‍ സൈനികര്‍ ഇവിടെ നിന്ന് പിന്‍മാറിയതായി നേരത്തേ റിപ്പോര്‍ട്ടുകളുണ്ടായിരുന്നു. ഇതുമായി ബന്ധപ്പെട്ട് തുര്‍ക്കി-റഷ്യ സൈനിക വക്താക്കള്‍ കഴിഞ്ഞ ദിവസം ചര്‍ച്ച നടത്തിയിരുന്നു.

അതേസമയം, വൈ.പി.ജിയെ ഉള്‍പ്പെടുത്തി സിറിയയുടെ അതിര്‍ത്തിയില്‍ പുതിയ സംരക്ഷണ സേനയെ വാര്‍ത്തെടുക്കാനുള്ള അമേരിക്കന്‍ ശ്രമത്തിനെതിരായ നീക്കത്തിന്റെ ഭാഗം കൂടിയാണ് തുര്‍ക്കിയുടെ സൈനിക നടപടി. വടക്കന്‍ സിറിയയിലെ കുര്‍ദുകളെ ഉള്‍പ്പെടുത്തി 30,000 വരുന്ന സേനയെ വാര്‍ത്തെടുക്കാന്‍ അമേരിക്ക ശ്രമിക്കുന്നതായി റിപ്പോര്‍ട്ടുകളുണ്ടായിരുന്നു. എന്നാല്‍ അമേരിക്കന്‍ വിദേശകാര്യ മന്ത്രാലയം വാര്‍ത്ത നിഷേധിച്ചിട്ടുണ്ട്.

കുര്‍ദ് പോരാളികള്‍ക്ക് പരിശീലനം നല്‍കി സിറിയയില്‍ പുതിയ അതിര്‍ത്തി സേനയ്ക്ക് രൂപം നല്‍കാനുള്ള നീക്കവുമായി മുന്നോട്ടുപോയാല്‍ അമേരിക്കയുമായുള്ള ബന്ധം എന്നെന്നേക്കുമായി അവതാളത്തിലാവുമെന്ന് തുര്‍ക്കി മുന്നറിയിപ്പ് നല്‍കിയിരുന്നു.

English summary
turkey begins afrin operation shells syrian kurds
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more