തുര്ക്കി: 600 പാര്ലമെന്റംഗങ്ങള് സത്യപ്രതിജ്ഞ ചെയ്തു: പ്രധാനമന്ത്രി യില്ദിരിം പുതിയ സ്പീക്കര്
അങ്കാറ: കഴിഞ്ഞ മാസം നടന്ന പാര്ലമെന്റ് തെരഞ്ഞെടുപ്പില് വിജയിച്ച 600 തുര്ക്കി എം.പിമാര് സത്യപ്രതിജ്ഞ ചെയ്തു. വീണ്ടും പ്രസിഡന്റായി തെരഞ്ഞെടുക്കപ്പെട്ട റജബ് തയ്യിബ് ഉര്ദുഗാന്റെ ജസ്റ്റിസ് ആന്റ് ഡെവലപ്മെന്റ് പാര്ട്ടി (എ.കെ പാര്ട്ടി)യില് നിന്നുള്ള 295 പേര്, സഖ്യകക്ഷിയായ നാഷനാലിസ്റ്റ് മൂവ്മെന്റ് പാര്ട്ടിയിലെ 49 പേര് എന്നിവര്ക്കു പുറമെ പ്രതിപക്ഷ കക്ഷികളായ റിപ്പബ്ലിക് പീപ്പ്ള്സ് പാര്ട്ടി, കുര്ദ് അനുകൂല പീപ്പിള്സ് ഡെമോക്രാറ്റിക് പാര്ട്ടി, ദേശീയവാദികളായ ഐ.വൈ.ഐ പാര്ട്ടി എന്നിവയുടെ എം.പിമാരുമാണ് സത്യപ്രതിജ്ഞ ചെയ്തത്.
ജൂണ് 24ന് നടന്ന പ്രസിഡന്റ് - പാര്ലമെന്റ് തെരഞ്ഞെടുപ്പില് പ്രസിഡന്റായി ഉര്ദുഗാന് വീണ്ടും വന്ഭൂരിപക്ഷത്തോടെ തെരഞ്ഞെടുക്കപ്പെടുകയായിരുന്നു. അദ്ദേഹം പുതിയ പ്രസിഡന്റായി തിങ്കളാഴ്ച അധികാരമേല്ക്കും. ഇതുവരെ പാര്ലമെന്റ് സമ്പ്രദായം നിലനിന്നിരുന്ന തുര്ക്കിയില് ഇനി മുതല് എക്സിക്യൂട്ടീവ് പ്രസിഡന്റ് സമ്പ്രദായമാണ് വരാന് പോകുന്നതെന്ന സവിശേഷത ഇത്തവണത്തെ തെരഞ്ഞെടുപ്പിനുണ്ടായിരുന്നു. കഴിഞ്ഞ വര്ഷം അംഗീകരിക്കപ്പെട്ട ഭരണഘടനാ ഭേദഗതി പ്രകാരം പ്രസിഡന്റിന് കൂടുതല് അധികാരങ്ങള് ലഭിക്കും. ഇതോടെ പ്രധാനമന്ത്രി പദം ഇല്ലാതാവുകയും പാര്ലമെന്റിന് കൂടുതല് അധികാരം കൈവരികയും ചെയ്തു. ഇത്തരവണ 50 എം.പിമാര് വര്ധിച്ച് ഭൂരിപക്ഷത്തിന് 301 പേര് വേണമെന്ന സ്ഥിതിവന്നു.
അതിനിടെ, നിലവിലെ പ്രധാനമന്ത്രി ബിനാലി യില്ദിരിമിനെ പാര്ലമെന്റ് സ്പീക്കര് സ്ഥാനേൈത്തക്ക് എം.കെ പാര്ട്ടി നാമനിര്ദ്ദേശം ചെയ്തു. ജൂലൈ 12നാണ് സ്പീക്കര് തെരഞ്ഞെടുപ്പ് നടക്കുക.
നിലവിലെ സര്ക്കാരിന്റെ കാലാവധി അവസാനിക്കാന് ഒരു വര്ഷം ബാക്കിയിരിക്കെയാണ് റജബ് ത്വയ്യിബ് ഉര്ദുഗാന് ഇടക്കാല തെരഞ്ഞെടുപ്പ് പ്രഖ്യാപിച്ചത്. ഈ വിജയത്തോടെ ഉര്ദുഗാന് രണ്ടാം തവണയാണ് പ്രസിഡന്റാവുന്നത്. രണ്ട് തവണ പ്രധാനമന്ത്രിയായതിന് ശേഷം 2014ല് നടന്ന തെരഞ്ഞെടുപ്പില് ഉര്ദുഗാന് പ്രസിഡന്റായി തെരഞ്ഞെടുക്കപ്പെടുകയായിരുന്നു. മന്ത്രിമാര്, വൈസ് പ്രസിഡന്റ് എന്നിവരെ തെരഞ്ഞെടുക്കാനും പാര്ലമെന്റ് പിരിച്ചുവിടാനും രാജ്യത്ത് അടിയന്തരാവസ്ഥ പ്രഖ്യാപിക്കാനുമുള്ള അധികാരം പുതിയ ഭേദഗതി പ്രകാരം പ്രസിഡന്റില് നിക്ഷിപ്തമാണ്.
-
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
രാഷ്ട്രപതിയുടെ വേദിമാറ്റം; വിവാദം മുറുകുന്നു..സർക്കാരിനോട് റിപ്പോർട്ട് തേടി കേന്ദ്രം
Click it and Unblock the Notifications
Sign in with Google