ഒറ്റ ആഴ്ചയില് രണ്ടുപേരുമായി ലൈംഗികബന്ധം; ഇരട്ടക്കുട്ടികള്ക്ക് രണ്ട് അച്ഛന്
ന്യൂ ജഴ്സി: ഒരേസമയം പിറന്ന ഇരട്ടക്കുട്ടികള്ക്ക് വ്യത്യസ്ത രണ്ട് അച്ഛന്. അമേരിക്കയിലെ ന്യൂജഴ്സിയില് നിന്നാണ് ലോകത്തെ തന്നെ ഞെട്ടിച്ച അപൂര്വ സംഭവത്തിന്റെ വാര്ത്ത പുറത്തുവന്നത്. ഒരേ ആഴ്ചയില് രണ്ടു പുരുഷന്മാരുമായി ലൈംഗികബന്ധം പുലര്ത്തിയതാണ് ഇത്തരമൊരു പ്രതിഭാസത്തിന് കാരണമായതെന്ന് മെഡിക്കല് വിദഗ്ധര് പറഞ്ഞു.
തന്റെ കുട്ടികള്ക്ക് ചിലവിന് ലഭിക്കണമെന്ന കാട്ടിയാണ് രണ്ടുവയസുള്ള കുട്ടികളുടെ അമ്മ കോടതിയെ സമീപിച്ചത്. കോടതി ഡിഎന്എ ടെസ്റ്റിന് ഉത്തരവിടുകയും ചെയ്തു. എന്നാല് കുട്ടികളില് ഒരാളുടെ മാത്രം പിതാവാണ് യുവതി ചൂണ്ടിക്കാട്ടിയ വ്യക്തിയെന്ന് ഡിഎന്എ ടെസ്റ്റില് വ്യക്തമായി. ഇതോടെ അതേ ആഴ്ചയില് താന് മറ്റൊരാളുമായി ലൈംഗിക ബന്ധത്തില് ഏര്പ്പെട്ടതായി സ്ത്രീ സമ്മതിച്ചു.
ന്യൂജേഴ്സി സുപ്പീരിയര് കോടതിക്ക് മുന്നിലെത്തിയ കേസ് കോടതിയെപ്പോലും അമ്പരപ്പിച്ചു. അത്യപൂര്വമായാണ് ഇത്തരമൊരു സംഭവം നടക്കുന്നതെന്ന് ജഡ്ജി സൊഹൈല് മുഹമ്മദ് വ്യക്തമാക്കി. ഇരട്ടി കുട്ടികള്ക്ക് മറ്റൊരു പിതാവുണ്ടെങ്കിലും യുവതി ചൂണ്ടിക്കാട്ടിയ വ്യക്തി തന്റെ കുട്ടിക്കുമാത്രം ആഴ്ചയില് 28 ഡോളര് നല്കാന് കോടതി വിധിക്കുകയും ചെയ്തു.
ഇരട്ടക്കുട്ടികള്ക്ക് രണ്ടു പിതാവുണ്ടാകുന്നത് സാധ്യമാണെന്ന് മെഡിക്കല് വിദഗ്ധരും ചൂണ്ടിക്കാട്ടുന്നു. മാതാവ് രണ്ടുപേരുമായി അടുത്തടുത്ത ദിവസം ലൈംഗികബന്ധത്തില് ഏര്പ്പെടുകയാണെങ്കില് 13,000 ത്തില് ഒന്ന് എന്ന തോതില് ഇത് സംഭവിക്കാവുന്നതാണെന്ന് വിദഗ്ധര് പറഞ്ഞു.