യുഎഇയില് താപനില പൂജ്യം ഡിഗ്രിയിലേക്ക്; മുന്നറിയിപ്പുമായി കാലാവസ്ഥാ നിരീക്ഷണ കേന്ദ്രം!!!
ദുബായ്: രാജ്യത്ത് ശക്തമായ തണുപ്പ് രേഖപ്പെടുത്തിയതായി യുഎഇ കാലാവസ്ഥാ നിരീക്ഷണ കേന്ദ്രം അറിയിച്ചു. യുഎഇ ലെ ഏറ്റവും ഉയരം കൂടിയ പര്വ്വതമായ ജബല് ജൈഷില് തണുപ്പ് പൂജ്യം ഡിഗ്രിയിലും താഴെയാണ് രേഖപ്പെടുത്തിയിരിക്കുന്നത്. ഈ മേഖലയില് ശക്തമായ മഞ്ഞ് വീഴ്ചയും റിപ്പോര്ട്ട് ചെയ്തിട്ടുണ്ട്. കഴിഞ്ഞ ഏതാനും മണിക്കൂറുകളായി രാജ്യത്ത് ശക്തമായ കാറ്റ് വീശികൊണ്ടിരിക്കുകയാണ്.
പൊടിയോട് കൂടിയ കാറ്റില് ചില സ്ഥലങ്ങളില് മഴയും അനുഭവപ്പെട്ടു. ഇത് തണുപ്പിന്റെ കാഠിന്യം വര്ദ്ദിക്കാന് കാരണമായി. ശനിയാഴ്ച വൈകീട്ടോടെ കാറ്റിന്റെ ശക്തി കുറയുമെന്നാണ് വിലയിരുത്തല്. ശക്തമായ കാറ്റുള്ളപ്പോള് കടല്തീരത്ത് നിന്ന് മാറി നില്ക്കണമെന്നും, പണിപൂര്ത്തിയായി കൊണ്ടിരിക്കുന്ന കെട്ടിടങ്ങളുടെ പരിസരത്തും മറ്റും നില്ക്കുന്നത് ഒഴിവാക്കണമെന്നും സുരക്ഷാ വിഭാഗം പൊതുജനങ്ങളോട് അഭ്യര്ത്ഥിച്ചു.
കഴിഞ്ഞ ദിവസം ശക്തമായ കാറ്റില് ദുബായ് ശൈഖ് സായിദ് റോഡില് ക്രെയിന് തകര്ന്ന് വീണ് ചിലര്ക്ക് പരുക്ക് പറ്റുകയും ഏതാനും കാറുകള്ക്ക് തീ പിടിക്കുകയും ചെയ്തിരുന്നു. യുഎഇ ലെ പല റോഡുകളിലും വലിയ തോതിലുള്ള ഗതാഗത കുരുക്കാണ് വെള്ളിയാഴ്ച അനുഭവപ്പെട്ടത്. ചിലയിടങ്ങളില് ചെറിയ അപകടങ്ങളും റിപ്പോര്ട്ട് ചെയ്തു.
ഇറാനില് നിന്നുള്ള തണുത്ത കാറ്റ് രാജ്യത്തേക്ക് പ്രവേശിക്കുന്നതാണ് യുഎഇ ല് കാലാവസ്ഥ വ്യതിയാനത്തിനു കാരണമായതെന്നാണ് നിരീക്ഷിണ കേന്ദ്രം അറിയിച്ചത്. ദുരക്കാഴ്ച കുറയുന്നതിനാല് വാഹനം ഓടിക്കുന്നവര് ജാഗ്രത പാലിക്കണമെന്നും കാലാവസ്ഥാ നിരീക്ഷിണ കേന്ദ്രത്തിന്റെ അറിയിപ്പില് പറയുന്നു.