'നിങ്ങളെ കണ്ടിട്ട് അസൂയ തോന്നുന്നു'; ഈ നഗരത്തിലുള്ളവര്ക്ക് കഞ്ചാവ് ഊബര് ഈറ്റ്സ് വീട്ടിലെത്തിക്കും
ടൊറന്റോ: കഞ്ചാവ് ഇന്ത്യയില് നിയമവിധേയമല്ലെങ്കിലും ലോകത്തിലെ പല രാജ്യങ്ങളിലും കഞ്ചാവ് ഒരു അളവ് വരെ ഉപയോഗിക്കാം. പല മരുന്നുകള്ക്ക് കഞ്ചാവ് ഉപയോഗിക്കുമെങ്കിലും കേന്ദ്ര നാഡീവ്യൂഹത്തില് വരുത്തുന്ന ഫലങ്ങളാണ് ഇതിനെ ഒരു ലഹരി പദാര്ഥമായി ഉപയോഗിക്കുവാന് പ്രേരിപ്പിക്കുന്നത്. നാല് വര്ഷങ്ങള്ക്ക് മുമ്പ് കഞ്ചാവ് നിയമവിധേയമായി ഉപയോഗിക്കാന് കാനഡ അനുവദിച്ചിരുന്നു. എല്ലാ പ്രദേശങ്ങളിലും വിനോദ സഞ്ചാര കേന്ദ്രങ്ങളില് കഞ്ചാവ് വില്പനയ്ക്കുള്ള നിയമം കാനഡയില് നിലവിലുണ്ട്.
എന്നാല് ഇപ്പോഴിതാ കഞ്ചാവ് ഉപയോഗിക്കുന്ന കാനഡക്കാര്ക്ക് സന്തോഷ വാര്ത്തയാണ് പുറത്തുവരുന്നത്. കാനഡയില് കഞ്ചാവ് ഉപയോഗിക്കുന്നവര്ക്ക് കഞ്ചാവ് ഇനി വീട്ടുപടിക്കലെത്തും. ഊബര് ഈറ്റ്സാണ് കാനഡയിലെ ടൊറന്റോയില് കഞ്ചാവ് ഹോം ഡെലവറിയായി എത്തിക്കാന് ഒരുങ്ങുന്നത്.
കാനഡയിലെ അംഗീകൃത റീട്ടെയിലര്മാരില് നിന്ന് കഞ്ചാവ് ഉപയോഗിക്കാന് പ്രായമുള്ള മുതിര്ന്നവര്ക്ക് നിയമപരമായ കഞ്ചാവ് ഉല്പ്പന്നങ്ങള് ഇനി ഊബര് ഈറ്റ്സിലൂടെ വാങ്ങാം. പുതിയ പ്രഖ്യാപനം പുറത്തുവന്നതോടെ കഞ്ചാവ് ഉപയോഗിക്കുന്നവര് സന്തോഷത്തിലാണ്. വാര്ത്ത പുറത്തുവന്നതോടെ സോഷ്യല് മീഡിയ രസകരമായ കമന്റുകളാല് നിറഞ്ഞു. കാനഡയിലെ അധികാരികളുടെ ഏറ്റവും പുതിയ നീക്കത്തെ അഭിനന്ദിച്ചും ചിലര് രംഗത്തെത്തി.
തിങ്കളാഴ്ച മുതലാണ് ടൊറന്റോ നിവാസികള്ക്ക് ഊബര് ഈറ്റ്സ് കഞ്ചാവ് വിതരണം ചെയ്യുന്നത്. കഞ്ചാവ് വിതരണക്കാരായ ലീഫ്ലിയുമായി ചേര്ന്നാണ് ഊബര് ഈറ്റ്സ് പുതിയ സംരംഭം ആരംഭിച്ചിരിക്കുന്നത്. ഇതാദ്യമായാണ് ഒരു മൂന്നാം കക്ഷി ഡെലിവറി പ്ലാറ്റ്ഫോമിലൂടെ മരിജുവാന ഡെലിവറി ലഭ്യമാകുന്നതെന്ന് ലീഫ്ലി പറഞ്ഞു.
നിങ്ങള്ക്ക് 19 വയസ്സിന് മുകളിലാണെങ്കില് നിങ്ങള്ക്ക് ഈ രീതിയില് കഞ്ചാവ് ഓര്ഡര് ചെയ്യാന് കഴിയും, കൂടാതെ ഓര്ഡര് ഡെലിവര് ചെയ്യുന്നവര് കനേഡിയന് നിയമത്തിന് അനുസൃതമായി ഉപഭോക്താവിന്റെ പ്രായം പരിശോധിക്കുമെന്നും ലീഫ്ലി അറിയിച്ചു. അതസേമയം, പുതിയ തീരുമാനത്തെ സ്വാഗതം ചെയ്ത് സോഷ്യല് മീഡിയ ഉപയോക്താക്കളും രംഗത്തെത്തിയിട്ടുണ്ട്.
ടൊറന്റോ നഗരത്തിലുള്ളവരെ കണ്ടിട്ട് അസൂയ തോന്നുന്നു എന്നാണ് പലരും സോഷ്യല് മീഡിയയില് കുറിക്കുന്നത്. ഈ സംവിധാനം എല്ലായിടത്തും വേണമെന്നാണ് മറ്റ് ചിലര് പറയുന്നത്. അതേസമയം, കഞ്ചാവ് ഉപയോഗത്തെ നിയമാനുസൃതമാക്കി 2018ല് ആണ് കനേഡിയന് പാര്ലമെന്റ് അംഗീകാരം നല്കിയത്.
സെനറ്റില് 29-ല് 20 വോട്ടിന്റെ ഭൂരിപക്ഷത്തോടെയാണ് കാനബിസ് ആക്റ്റ് പാസാക്കിയത്. കഞ്ചാവ് വളര്ത്തുന്നതും വിതരണം ചെയ്യുന്നതും വില്പന നടത്തുന്നതും നിയന്ത്രിക്കുകയും ക്രമീകരിക്കുകയും ചെയ്യുന്നതാണ് നിയമം. കാനേഡിയന് ജനതയ്ക്ക് ലഹരി ഉപയോഗത്തിനായി കഞ്ചാവ് വാങ്ങാനും ഉപയോഗിക്കാനും സാധിക്കും. നിയമാനുസൃതമായി കഞ്ചാവ് ഉപയോഗത്തിന് അനുമതി നല്കുന്ന ആദ്യ ജി-7 രാജ്യമാണ് കാനഡ. ചികിത്സയ്ക്കായി കഞ്ചാവ് ഉപയോഗിക്കാന് 2001 ല് തന്നെ കാനഡ അനുവാദം നല്കിയിരുന്നു.
-
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു
Click it and Unblock the Notifications
Sign in with Google