ചൊവ്വയില്‍ ബുദ്ധന്റെ പ്രതിമ കണ്ടെത്തി, ഇനി ചൊവ്വയില്‍ ബുദ്ധക്ഷേത്രം പണിയുമോ?

By Sruthi K M

Published: Friday, October 16, 2015, 17:50 [IST]

വാഷിങ്ടണ്‍: ചൊവ്വയില്‍ ജലസാന്നിദ്ധ്യവും മനുഷ്യസാന്നിദ്ധ്യവും മാത്രമല്ല ബുദ്ധനും ഉണ്ട്. ഞെട്ടിപ്പിക്കുന്ന വെളിപ്പെടുത്തലുമായി യുഎഫ്ഒ സൈറ്റിങ് ഡെയ്‌ലിയാണ് രംഗത്തുവന്നിരിക്കുന്നത്. വിശ്വസിക്കാന്‍ പ്രയാസമുള്ളതു കൊണ്ട് ഫോട്ടോ സഹിതമാണ് യുഎഫ്ഒ ഇക്കാര്യം വെളിപ്പെടുത്തിയിരിക്കുന്നത്.

ബുദ്ധന്റെ പ്രതിമയാണ് ചൊവ്വയില്‍ കണ്ടെത്തിയിരിക്കുന്നത്. ഇനി ചൊവ്വയില്‍ ബുദ്ധക്ഷേത്രം പണിയേണ്ടി വരുമോ..? ചൊവ്വയില്‍ ബുദ്ധമതക്കാര്‍ ജീവിച്ചിരുന്നുവെന്നാണ് ഇതില്‍ നിന്നും വ്യക്തമാകുന്നത്. ഒരു കുന്നിന്റെ മുകളില്‍ ചരിഞ്ഞാണ് ബുദ്ധന്റേതെന്ന് തോന്നുന്ന പ്രതിമയുള്ളത്. വീഡിയോ സഹിതം യുഎഫ്ഒ ഇത് വ്യക്തമാക്കുന്നുണ്ട്.

എന്നാല്‍, എന്തുകൊണ്ട് നാസ ഇതു അറിഞ്ഞില്ല എന്ന ചോദ്യവും നിലനില്‍ക്കുന്നു. ഇത്തരം കണ്ടുപിടുത്തങ്ങളില്‍ മുന്നില്‍ നില്‍ക്കുന്ന നാസ ബുദ്ധന്റെ പ്രതിമ കാണാതെ പോയോ.. നാസയ്ക്ക് ഇക്കാര്യം അറിയാമെന്നാണ് ഗവേഷകര്‍ പറയുന്നത്. മനപ്പൂര്‍വ്വം ഇക്കാര്യം മറച്ചുവെച്ചതാണെന്നും യുഎഫ്ഒ ഗവേഷകര്‍ വ്യക്തമാക്കുന്നു.

ഇക്കാര്യം വെളിപ്പെടുത്തിയാല്‍ ചൊവ്വയില്‍ ഉപയോഗിക്കുന്ന അത്യാധുനിക വിവരശേഖരണ രീതികളെക്കുറിച്ചും ഇതിനുപയോഗിക്കുന്ന സാങ്കേതിക വിദ്യയെക്കുറിച്ചും വ്യക്തമാക്കേണ്ടി വരുമെന്നതിനാലാണ് നാസ ഇക്കാര്യം മറച്ചുവെച്ചതെന്നും യുഎഫ്ഒ ഗവേഷകര്‍ പറയുന്നു. ഇതിനുമുന്‍പ് ചൊവ്വയില്‍ സ്ത്രീയുടെ രൂപവും കണ്ടെത്തിയിരുന്നു.

Published On October 16, 2015