Click it and Unblock the Notifications
Just In
Don't Miss
-
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
നോറയ്ക്ക് കൃത്യമായ ടാര്ജറ്റുകളുണ്ട്, ഇവരാണവര്; നോറ സ്ട്രോങ് ആകാന് കാരണം ഇതാണ്! -
വേനൽക്കാല യാത്രയിലെ ട്രെൻഡിങ് ഇടങ്ങൾ.. ഗൂഗിളിന്റെ ലിസ്റ്റ്.. ഇതിലേതാണ് നിങ്ങളുടെ ഇടം? -
IPL 2024: ഡിക്കെ എന്തിനു ലോകകപ്പ് ടീമില്? റായുഡുവിനെ കളിയാക്കി ഇര്ഫാന്, സഞ്ജു മതി -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
വിജയ് മല്യയെ ഇന്ത്യക്ക് കൈമാറണമെന്ന് ബ്രിട്ടീഷ് കോടതി...വായ്പാ തട്ടിപ്പ് കേസില്‍ വന്‍ തിരിച്ചടി
ലണ്ടന്‍: വായ്പാ തട്ടിപ്പ് കേസില്‍ വിവാദ വ്യവസായി വിജയ് മല്യക്ക് വന്‍ തിരിച്ചടി. മല്യയെ ഇന്ത്യക്ക് കൈമാറണമെന്ന് ബ്രിട്ടനിലെ വെസ്റ്റ്മിന്‍സ്റ്റര്‍ കോടതി ഉത്തരവിട്ടു. അതേസമയം വിധിക്കെതിരെ അപ്പീല്‍ നല്‍കാന്‍ മല്യക്ക് 14 ദിവസത്തെ സാവകാശം നല്‍കിയിട്ടുണ്ട്. മോദി സര്‍ക്കാരിന്റെ വിജയമായും ഇതിനെ വിലയിരുത്താം. അപ്പീല്‍ പരിഗണിക്കുന്ന വേളയില്‍ മല്യയില്‍ അനുകൂലമായി ഉത്തരവുണ്ടായാല്‍ സിബിഐക്കും എന്‍ഫോഴ്‌സ്‌മെന്റിനും വീണ്ടും കോടതിയെ സമീപിക്കേണ്ടി വരും. വിവിധ ബാങ്കുകളില്‍ നിന്ന് വായ്പയെടുത്ത 9000 കോടി രൂപ തിരിച്ചടയ്ക്കാത്തതുമായി ബന്ധപ്പെട്ട കേസില്‍ അന്വേഷണം നേരിടുകയാണ് മല്യ. ഈ തുക തിരിച്ചുപിടിക്കാന്‍ ബാങ്കുകള്‍ നിയമ നടപടി ആരംഭിച്ചതിന് പിന്നാലെയാണ് മല്യ വിദേശത്തേക്ക് കടന്നത്.
അതേസമയം മല്യക്കെതിരെയുള്ള കേസുകളില്‍ കഴമ്പുണ്ടെന്ന് കോടതി കണ്ടെത്തി. തിരിച്ചടയ്ക്കാന്‍ ആത്മാര്‍ത്ഥമായ ശ്രമം നടത്തിയില്ലെന്നും കോടതി പറഞ്ഞു. മല്യ വസ്തുതകള്‍ വളച്ചൊടിച്ചെന്നും കോടതി വ്യക്തമാക്കി. നേരത്തെ ബാങ്കുകള്‍ക്ക് നല്‍കാനുള്ള മുഴുവന്‍ തുകയും തിരിച്ചുനല്‍കാമെന്ന് മല്യ പറഞ്ഞിരുന്നു. താന്‍ ഒരുരൂപ പോലും വായ്പയെടുത്തിട്ടില്ലെന്നും കിംഗ്ഫിഷര്‍ എയര്‍ലൈന്‍സാണ് വായ്പയെടുത്തതെന്നുമായിരുന്നു മല്യയുടെ അവകാശവാദം. എന്നാല്‍ ഇതൊന്നും കോടതിയില്‍ ഫലം കണ്ടിട്ടില്ല. ഇന്ത്യയും ബ്രിട്ടനും തമ്മിലുള്ള കരാര്‍ പ്രകാരം കുറ്റവാളികളെ കൈമാറുന്ന കരാര്‍ നിലവിലുണ്ട്. മുമ്പ് ഇത്തരത്തില്‍ കൈമാറ്റം നടന്നിട്ടുണ്ട്.
