സൗദി: ഉംറയ്ക്ക് പോയ കുടുംബം സഞ്ചരിച്ച കാര് അപകടത്തില്പ്പെട്ട് 8 മരണം
മക്ക: അല് തായീഫില് നിന്നും ഉംറ തീര്ത്ഥാടനത്തിനായി പോയ കുടുംബം സഞ്ചരിച്ച കാര് മറ്റൊരു കാറുമായി കൂട്ടിയിടിച്ച് എട്ടു പേര് മരിച്ചു. ഇതില് ആറ് പേര് ഒരു കുടുംബത്തിലുള്ളവരാണ് . റംസാന് മാസത്തില് ഉംറ കര്മ്മങ്ങള്ക്കായി പോയ അല് തായീഫില് നിന്നുള്ള കുടുംബമാണ് അപകടത്തില്പ്പെട്ടത് . ആറ് പേരും സംഭവസ്ഥലത്ത് തന്നെ മരിച്ചു .
അല്തായീഫില് നിന്നും മക്കയിലേയ്ക്ക് വരികയായിരുന്നു കുടുംബം . ഇവര് സഞ്ചരിച്ചിരുന്ന കാര് അമിത വേഗത്തില് നിരതെറ്റി മറ്റൊരു വാഹനത്തില് ഇടിയ്ക്കുകയായിരുന്നു . ഇടിയുടെ ആഘാതത്തില് ഉംറയ്ക്ക പോയ കുടുംബത്തിലെ ആറ് പേരും ഇവരുടെ കാര് ഇടിച്ച് വാഹനത്തിലുണ്ടായിരുന്ന രണ്ട് പേരും മരിച്ചു .
മൂന്ന് സഹോദരിമാരും അമ്മയും ഭാര്യയും ഉള്പ്പെട്ട സംഘത്തെ ഉംറയ്ക്ക് കൊണ്ടു പോവുകയായിരുന്നു അല് തായീഫുകാരനായ യുവാവ് . യുവാവ് സഞ്ചരിച്ച കാറാണ് അപകടമുണ്ടാക്കിയത് . എട്ട് മൃതദേഹങ്ങളും അല് തായീഫിലെ കിംഗ് ഫൈസല് ഹോസ്പിറ്റലില് സൂക്ഷിച്ചിരിയ്ക്കുകയാണെന്ന് മക്ക റെഡ് ക്രെസന്റ് ഉദ്യോഗസ്ഥന് പറഞ്ഞു .
Click it and Unblock the Notifications
Sign in with Google