റിമി ടോമിയ്ക്ക് ഒരു 'അപരന്', മിഷേല് ഒബാമയെ സരിതയോട് ഉപമിച്ചില്ല, കുരങ്ങിനോട് ഉപമിച്ചു
മിയാമി: ചാനല് അവതാരകരുടെ കാര്യം നോക്കണേ...ചില സമയം ഇവര് പറയുന്ന പല അബദ്ധങ്ങളും വലിയ വിവാമാകും. രഞ്ജിനി ഹരിദാസ് മുതല് റിമി ടോമി വരെയുള്ളവര് മലയാളത്തില് വിമര്ശനങ്ങള് നേടുമ്പോള് അമേരിയ്ക്കന് പ്രസിഡന്റിന്റെ പത്നിയെ തന്നെ അധിക്ഷേപിച്ച് വിദാത്തിലായിരിയ്ക്കുകയാണ് ഒരു ടെലിവിഷന് അവതാരകന്.
മിഷേല് ഒബാമയെ കണ്ടാല് 'പ്ളാനറ്റ് ഓഫ് ദി ഏപ്സ്' എന്ന ചിത്രത്തിലെ ഒരു കഥാപാത്രത്തെപ്പോലെ തോന്നുമെന്നായിരുന്നു അവതരാകനായ റോഷ്നര് ഫിഗറോവയുടെ പരമാര്ശം. കുരങ്ങുകളുടെ കഥപറയുന്ന ചിത്രമാണ് പ്ളാനറ്റ് ഓഫ് ദി ഏപ്സ് .
സ്പാനിഷ് അവതാരകനാണ് ഫിഗുറോവ. മിഷേല ഉള്പ്പടെയുള്ള ലോകപ്രശസ്ത വ്യക്തികളിലേക്ക് മേക്കപ്പിലൂടെ മാറാന് കഴിയുന്ന ഒരു മേക്ക് അപ്പ് ആര്ട്ടിസ്റ്റുമൊത്തുള്ള പരിപാടിയിലായിരുന്നു മിഷേലിനെ അവതാരകന് ആക്ഷേപിച്ചത് .
സംഭവം വിവാദമായതോടെ അദ്ദേഹം ക്ഷമാപണവും നടത്തി. എന്നാല് മിഷേല് ഒബാമയെ കുരങ്ങിനോട് ഉപമിയ്ക്കുന്ന വീഡിയോ ഇതിനോടകം തന്നെ നെറ്റില് വൈറലായി. യൂണിവിഷന് എന്ന ചാനലാണ് പരിപാി സംപ്രേക്ഷണം ചെയ്തത് . കഴിഞ്ഞ 17 വര്ഷമായി ചാനലില് പ്രവര്ത്തിയ്ക്കുന്ന വ്യക്തിയാണ് ഫിഗുറോവ .