Click it and Unblock the Notifications
Just In
Don't Miss
-
റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം -
സര്പ്പശാപം തീര്ക്കാനെത്തുന്ന ഭക്തര്, നിഗൂഢത നിറഞ്ഞ കുക്കെ സുബ്രഹ്മണ്യ സ്വാമി ക്ഷേത്രം -
ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ബഹിരാകാശത്തേക്ക് വിട്ട അമേരിക്കൻ സൈന്യത്തിന്റെ നിഗൂഢ ഡ്രോണ്‍ രണ്ട് വര്‍ഷത്തിന് ശേഷം തിരിച്ചെത്തി...
വാഷിങ്ടണ്‍: എക്‌സ്-37 ബി... ഇത് കേട്ടാല്‍ പെട്ടെന്ന് ഒന്നും മനസ്സിലായിക്കോളണം എന്നില്ല. എന്നാല്‍ അമേരിക്കന്‍ സൈന്യത്തിന്റെ ഒരു നിഗൂഢ ഡ്രോണിന്റെ പേരാണിത്.
ഡ്രോണ്‍ എന്ന് അതിനെ വിളിക്കാനാകുമോ എന്ന ചോദ്യവും ബാക്കിയാണ്. ഒരു ചെറിയ ആളില്ലാ ബഹിരാകാശ പേടകം എന്ന് വേണമെങ്കില്‍ പറയാം. രണ്ട് വര്‍ഷം മുമ്പ് വിക്ഷേപിച്ച ഈ 'ഡ്രോണ്‍' ഇപ്പോള്‍ തിരിച്ചെത്തിയിരിക്കുകയാണ്.
എന്തിന് വേണ്ടിയാണ് അമേരിക്കന്‍ സൈന്യം ഇങ്ങനെ ഒരു ആളില്ലാ പേടകത്തെ ബഹിരാകാശത്തേക്ക് അയച്ചത് എന്നത് വലിയ രഹസ്യമാണ്. എക്‌സ്-37 ബിയെ ചുറ്റിപ്പറ്റി പ്രചരിക്കുന്നത് അത്രയേറെ നിഗൂഢതകളാണ്....
അമേരിക്കന്‍ വ്യോമ സേനയുടെ ദൗത്യവുമായിട്ടാണ് എക്‌സ് 37 ബി എന്ന ആളില്ലാ ബഹിരാകാശ പേടകം യാത്ര തിരിച്ചത്. രണ്ട് വര്‍ഷത്തിന് ശേഷമാണ് ഇപ്പോള്‍ സുരക്ഷിതമായി തിരിച്ചെത്തിയിരിക്കുന്നത്.
ബോയിങ് എക്‌സ്-37 എന്നാണ് ഇതിന്റെ മുഴുവന്‍ പേര്. നാസ ആയിരുന്നു ഈ പദ്ധതിയ്ക്ക് തുടക്കം കുറിച്ചത്. പിന്നീട് അമേരിക്കന്‍ സൈന്യത്തിന് കൈമാറുകയായിരുന്നു.
എന്തിന് വേണ്ടിയാണ് ഇങ്ങനെയൊരു പദ്ധതി അമേരിക്കന്‍ സൈന്യം ഒരുക്കിയത് എന്ന ചോദ്യത്തിന് ഇപ്പോഴും ഉത്തരമില്ല. ലോകം കലുഷിതമായിരിക്കുന്ന സാഹചര്യത്തില്‍ ഈ പദ്ധതിയെ കുറിച്ച് ഒരുപാട് കഥകള്‍ പ്രചരിക്കുന്നുണ്ട്.
മുപ്പത് മീറ്റര്‍ ആണ് ഇതിന്റെ നീളം. 15 അടി വീതിയുണ്ട്. റോക്കറ്റ് ഉപയോഗിച്ചാണ് എക്‌സ്- 37 ബിയെ ബഹിരാകാശത്തേക്ക് എത്തിച്ചത്.
ബഹിരാകാശത്ത് നിന്ന് ബോംബ് വര്‍ഷിക്കാവുന്ന ഒരു സംവിധാനമാണ് ഇതെന്നാണ് ചിലര്‍ കരുതുന്നത്. ഭൂമിയിലെ ഏത് ലക്ഷ്യത്തിലേക്കും സെക്കന്റുകള്‍ കൊണ്ട് ബോംബ് വര്‍ഷിക്കാന്‍ ഇതിന് സാധിക്കും എന്ന് ചിലര്‍ കരുതുന്നു.
ഇതൊരു കൊലയാളി ഉപഗ്രഹം ആണെന്ന് കരുതുന്നവരും ഉണ്ട്. മറ്റ് രാജ്യങ്ങളുടെ ഉപഗ്രഹങ്ങളുടെ പ്രവര്‍ത്തനം താറുമാറാക്കാനുള്ള ശേഷി ഇതിനുണ്ടെന്നാണ് ഇവരുടെ കണ്ടെത്തല്‍.
എക്‌സ്-37 ബി ഒരു ചാര ഉപഗ്രഹം ആണെന്നും പ്രചാരണമുണ്ട്. ശത്രുരാജ്യങ്ങളില്‍ നിന്നുള്ള രഹസ്യങ്ങള്‍ ചോര്‍ത്തിയെടുക്കുക എന്നതാണത്രെ ലക്ഷ്യം.
2010 ല്‍ ആയിരുന്നു എക്‌സ്-37 ബി ആദ്യമായി വിക്ഷേപിച്ചത്. 2011 ല്‍ വീണ്ടും വിക്ഷേപിച്ചു. അത് 2012 ല്‍ തിരിച്ചെത്തുകയും ചെയ്തു. അതേ വര്‍ഷം തന്നെ വീണ്ടും വിക്ഷേപണം നടന്നു. 2014 ല്‍ ആണ് ആ ദൗത്യത്തിന് ശേഷം എക്‌സ് 37 ബി തിരിച്ചെത്തിയത്.
2015 മെയ് മാസത്തിലാണ് ഇപ്പോള്‍ തിരിച്ചെത്തിയ എത്സ് 37 ബി വിക്ഷേപിച്ചത്. 718 ദിവസങ്ങള്‍ക്ക് ശേഷം ആണ് നിഗൂഢ ദൗത്യം പൂര്‍ത്തിയാക്കി മടക്കിയത്.
അമേരിക്കന്‍ സൈന്യം ഒരു ആയുധം എന്ന രീതിയില്‍ തന്നെയാണ് എക്‌സ് 37 ബി നിര്‍മിച്ചിരിക്കുന്നത് എന്ന് റിപ്പോര്‍ട്ടുകളുണ്ട്. എന്നാല്‍ ഇതിന്റെ വലിപ്പം പരിഗണിക്കുമ്പോള്‍ അതിനുള്ള സാധ്യതകള്‍ തള്ളിക്കളയുകയാണ് ശാസ്ത്ര ലോകം.
