സമാധാന നൊബേല് പുരസ്കാരം; ഡൊണാള്ഡ് ട്രംപിനെ ശുപാര്ശ ചെയ്തു, ഇസ്രായേല്-യുഎഇ കരാര്
വാഷിങ്ടണ്: അമേരിക്കന് പ്രസിഡന്റ് ഡൊണാള്ഡ് ട്രംപിനെ സമാധാന നൊബേല് പുരസ്കാരത്തിന് ശുപാര്ശ ചെയ്തു. ഇസ്രായേല്-യുഎഇ സമാധാന കരാര് സാധ്യമാക്കിയ പശ്ചാത്തലത്തിലാണ് ശുപാര്ശ. നൊര്വീജിയന് പാര്ലമെന്റംഗമായ ക്രിസ്റ്റ്യന് ടൈബ്രിങ് ജെദ്ദെ ആണ് ട്രംപിന്റെ പേര് നിര്ദേശിച്ചത്. നാറ്റോ പാര്ലമെന്ററി അസംബ്ലിയുടെ ചെയര്മാന് കൂടിയാണ് ജെദ്ദെ.
മുമ്പും ട്രംപിന്റെ പേര് നിര്ദേശിച്ച വ്യക്തിയാണ് ഇദ്ദേഹം. 2018ല് ഉത്തര കൊറിയന് നേതാവ് കിം ജോങ് ഉന്നുമായി ട്രംപ് സിംഗപ്പൂരില് വച്ച് നടത്തിയ കൂടിക്കാഴ്ചയുടെ പശ്ചാത്തലത്തിലായിരുന്നു മുമ്പ് ശുപാര്ശ ചെയ്തത്. നൊബേല് പുരസ്കാരത്തിന് നിര്ദേശിക്കപ്പെട്ട മറ്റു വ്യക്തികളേക്കാള് കൂടുതല് മെച്ചപ്പെട്ട കാര്യങ്ങള് ചെയ്യുന്നത് ട്രംപ് ആണ്. വിവിധ രാജ്യങ്ങള്ക്കിടയിലെ പ്രശ്നങ്ങള് പരിഹരിക്കാനും സമാധാനം പുനസ്ഥാപിക്കാനും ട്രംപ് ഒട്ടേറെ കാര്യങ്ങള് ചെയ്യുന്നുവെന്നാണ് മനസിലാക്കുന്നതെന്ന് ജെദ്ദെ പറഞ്ഞു.
'ഇന്ത്യയ്ക്കെതിരെ' പഞ്ചശക്തി സഖ്യം വരുന്നു... റഷ്യയിലേക്ക് പറന്ന വിദേശകാര്യ മന്ത്രി ഇറാനില് ഇറങ്ങി
ഇന്ത്യക്കും പാകിസ്താനുമിടയിലെ പ്രധാന പ്രശ്നമായ കശ്മീര് വിഷയം പരിഹരിക്കാന് ട്രംപ് തയ്യാറായി. ഇരു കൊറിയകള്ക്കിടയിലെ പ്രശ്നങ്ങളും പരിഹരിക്കാന് ശ്രമം നടത്തി. ഇപ്പോള് ഇസ്രായേലും യുഎഇയും തമ്മിലുള്ള സമാധാന കരാര് ധാരണയിലെത്തി. എല്ലാത്തിലും ട്രംപിന്റെ കൈയ്യൊപ്പുണ്ട് എന്ന് നോര്വീജിയന് പാര്ലമെന്റേറിയന് നൊബേല് പുരസ്കാര സമിതിക്ക് നല്കിയ കത്തില് വിശദീകരിച്ചു.
പാലത്തായി പീഡനക്കേസില് പത്മരാജന്റെ ജാമ്യം റദ്ദാക്കില്ല; പെണ്കുട്ടിയുടെ മാതാവിന്റെ ആവശ്യം തള്ളി
ഞാന് ട്രംപിന്റെ ആരാധകനല്ല. പക്ഷേ, അദ്ദേഹം ചെയ്ത കാര്യങ്ങള് പുരസ്കാര സമിതി പരിശോധിക്കട്ടെ. അടുത്തിടെ സമാധാന നൊബേല് പുരസ്കാരം ലഭിച്ച പല വ്യക്തികളും ട്രംപ് ചെയ്തതിനോളം ചെയ്തിട്ടില്ലെന്നും ജെദ്ദെ പറഞ്ഞു. അമേരിക്കന് മുന് പ്രസിഡന്റ് ബറാക് ഒബാമ ഒന്നും ചെയ്തിട്ടില്ല. അദ്ദേഹത്തിന് 2009ല് സമാധാന നൊബേല് പുരസ്കാരം ലഭിച്ചുവെന്നും ജെദ്ദെ പറഞ്ഞു.
തെലുങ്ക് നടി ആത്മഹത്യ ചെയ്ത നിലയില്; ദുരൂഹത, അന്വേഷണം പ്രഖ്യാപിച്ച് പോലീസ്, കുടുംബം പറയുന്നത്...
Recommended Video
അഞ്ച് നൊബേല് പുരസ്കാരങ്ങളാണ് എല്ലാ വര്ഷവും നല്കാറുള്ളത്. വൈദ്യം, സാഹിത്യം, രസതന്ത്രം, ഫിസിക്സ്, സമാധാനം എന്നീ കാര്യങ്ങളില് മികച്ച സംഭാവന നല്കിയവര്ക്കാണ് പുരസ്കാരം. നൊര്വീജിയന് പാര്ലമെന്റ് നിയോഗിക്കുന്ന നൊബേല് പുരസ്കാര സമിതിയില് അഞ്ച് പേരാണുള്ളത്. ലഭ്യമാകുന്ന ശുപാര്ശകള് പരിഗണിച്ച് ഇവരാണ് ജേതാക്കളെ തിരഞ്ഞെടുക്കുക. എല്ലാ വര്ഷവും ഡിസംബര് 10നാണ് പുരസ്കാരം നല്കുക.