ടൈസണ് ഗേയുടെ മകള് വെടിയേറ്റ് മരിച്ചു... ഞെട്ടിത്തരിച്ച് ലോകം
കെന്റക്കി: ലോക പ്രശസ്ത കായിക താരം ടൈസണ് ഗേയുടെ മകള് വെടിയേറ്റ് മരിച്ചു. 15 വയസ്സുള്ള ട്രിനിറ്റി ഗേ അമേരിക്കയിലെ കെന്റക്കിയില് വച്ചാണ് വെടിയേറ്റ് മരിച്ചത്.
വേഗരാജാവ് ഉസൈന് ബോള്ട്ടിനൊപ്പം തന്നെ ലോകം പരിഗണിക്കുന്ന ഓട്ടക്കാരനാണ് ടൈസണ് ഗേ. മുന് ലോക ചാന്പ്യന്. ലണ്ടന് ഒളിംപിക്സില് 4*400 മീറ്റര് റിലേയില് സ്വര്ണം നേടിയ അമേരിക്കന് സംഘത്തിലെ പ്രധാനിയായിരുന്നു ഗേ. നൂറ് മീറ്റര് ഓട്ടത്തില് ലോകത്തിലെ ഏറ്റവും മികച്ച സമയം കുറിച്ച രണ്ടാമനാണ് ഗേ.
ഒരു റെസ്റ്റോറന്റിലെ പാര്ക്കിങ് ഏരിയയില് രണ്ട് വാഹനങ്ങളില് ഉള്ളവര് തമ്മില് പരസ്പരം വെടിയുതിര്ക്കുകയായിരുന്നു. അതിനിടയിലാണ് ട്രിനിറ്റി ഗേയ്ക്ക് വെടിയേറ്റത്. കഴുത്തിലാണ് വെടിയേറ്റത്. ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാന് കഴിഞ്ഞില്ല.
ട്രിനിറ്റിയും അച്ഛനെ പോലെ ഒരു കായികതാരം ആയിരുന്നു. സ്കൂളില് ഓട്ടമത്സരങ്ങളില് പങ്കെടുക്കാറുണ്ടായിരുന്നു.
അവള്ക്ക് അതിജീവിക്കാന് കഴിഞ്ഞില്ല. ഞാന് ആകെ ആശയക്കുഴപ്പത്തിലാണ്. ഒരു ഇടവേളയെടുക്കാന് വേണ്ടി കഴിഞ്ഞയാഴ്ചയാണ് അവള് കെന്റക്കിയില് എത്തിയത്. എന്താണ് സംഭവിച്ചത് എന്ന് ഒരു ധാരണയും ഇല്ല- ടൈസണ് ഗേ ഒരു പ്രാദേശിക മാധ്യമത്തോട് പറഞ്ഞത് ഇങ്ങനെയാണ്.