കാലിഫോർണിയയിലെ സിനഗോഗിൽ വെടിവെയ്പ്പ്; ഒരാൾ കൊല്ലപ്പെട്ടു, 3 പേർക്ക് പരുക്ക്

പോവെ: കാലിഫോർണിയക്ക് സമീപം പോവെയിലെ സിനഗോഗിലുണ്ടായ വെടിവയ്പ്പിൽ ഒരാൾ കൊല്ലപ്പെട്ടു. ചബാദ് ഓഫ് പോവൈ സിനഗോഗിലാണ് വെടിവെയ്പ്പുണ്ടായത്. 19കാരനാണ് ആരാധാനാലയത്തിലേക്ക് വെടിവയ്പ്പ് നടത്തിയതെന്ന് അധികൃതർ സ്ഥിരീകരിച്ചു. വെടിവയ്പ്പിൽ ഒരു സ്ത്രീ കൊല്ലപ്പെടുകയും 3 പേർക്ക് ഗുരുതരമായി പരുക്കേൽക്കുകയും ചെയ്തു.

ഒരു പെൺകുട്ടിയേയും രണ്ട് പുരുഷന്മാരെയും ഗുരുതരമായി പരുക്കേറ്റ നിലയിൽ പലോമർ മെഡിക്കൽ സെന്ററിൽ പ്രവേശിപ്പിച്ചിരിക്കുകയാണ്. പ്രാർത്ഥന ശുശ്രൂഷകളിൽ വിശ്വാസികൾ പങ്കെടുത്തുകൊണ്ടിരിക്കുമ്പോഴായിരുന്നു വെടിവയ്പ്പ്.

ബുള്ളറ്റ് പ്രൂഫ് ജാക്കറ്റും ഹെൽമറ്റ് ധരിച്ച അക്രമി സിനഗോഗിൽ കടന്ന് വെടിയുതിർക്കുകയായിരുന്നു. ഇയാളെ കസ്റ്റഡിയിൽ എടുത്തിട്ടുണ്ട്. ചോദ്യം ചെയ്ത് വരികയാണെന്ന് അധികൃതർ വ്യക്തമാക്കി

കൃത്യം ആറുമാസങ്ങൾക്ക് മുമ്പാണ് പിറ്റ്സ്ബർഗിലെ ട്രീ ഓഫ് ലൈഫ് സിനഗോഗിൽ 11 പേരെ കൂട്ടക്കൊലയ്ക്ക് ഇരയാക്കിയത്. അമേരിക്കയുടെ ചരിത്രത്തിൽ ജൂതന്മാർക്ക് നേരെയുണ്ടായ ഏറ്റവും വലിയ ആക്രമണമായിരുന്നു ഇത്. ആക്രമണത്തെ അമേരിക്കൻ പ്രസിഡന്റ് ഡൊണാൾഡ് ട്രംപ് അപലപിച്ചു.

English summary

US synagogue shooting: Gunman opens fire at religious place many injured in Poway, California.