പിഞ്ചുമക്കളെ കാറില്‍ അടച്ചുപൂട്ടി അമ്മ കഞ്ചാവടിച്ചു കിടന്നുറങ്ങി; ഉണര്‍ന്നപ്പോള്‍ സംഭവിച്ചത്

ടെക്‌സാസ്: പതിനാറു മാസം പ്രായമായ മകനെയും രണ്ടുവയസ് പ്രായമുള്ള മകളെയും കാറിനുള്ളില്‍ അടച്ചുപൂട്ടിയശേഷം കഞ്ചാവടിച്ച് കിടന്നുറങ്ങിയ അമ്മ ഉണര്‍ന്നപ്പോള്‍ കണ്ടത് മക്കളും ജീവനറ്റ ശരീരം. അമേരിക്കയിലെ ടെക്‌സാസിലാണ് ഞെട്ടിക്കുന്ന സംഭവം. സംഭവത്തില്‍ ഇരുപത്തിനാലുകാരിയായ സിന്തിയ റുഡോള്‍ഫിനെ പോലീസ് അറസ്റ്റ് ചെയ്തു.

ഇതുമായി ബന്ധപ്പെട്ട് റുഡോള്‍ഫ് വ്യത്യസ്ത കഥകളാണ് പോലീസ് ചോദ്യം ചെയ്യലില്‍ പറയുന്നതെന്ന് പോലീസ് വ്യക്തമാക്കി. ഫോട്ട് വര്‍ത്തിലെ വീട്ടിലായിരുന്നു ഇവര്‍ താമസം. കുട്ടികളോടുള്ള ദേഷ്യം തീര്‍ക്കാന്‍ കാറിനുള്ളില്‍ അടച്ചിടുകയും പിന്നീട് കഞ്ചാവ് ലഹരിയില്‍ കിടന്നുറങ്ങിയതുമാണ് ദുരന്തത്തിനിടയാക്കിയത്.

താന്‍ ടിവി കണ്ടിരിക്കുമ്പോള്‍ കുട്ടികള്‍ കളിക്കുകയായിരുന്നെന്നും കാറില്‍ കയറിയപ്പോള്‍ അബദ്ധത്തില്‍ ഡോര്‍ ലോക്ക് ചെയ്തുപോവുകയുമായിരുന്നെന്നും ഇവര്‍ പറഞ്ഞു. താന്‍ കാണുമ്പോള്‍ കുട്ടികളെ അവശനിലയിലായിരുന്നു. ഗ്ലാസ് തകര്‍ത്ത് പുറത്തെടുക്കുമ്പോഴേക്കും അവര്‍ മരിച്ചിരുന്നതായും ഇവര്‍ പറഞ്ഞു. എന്നാല്‍ കൂടുതല്‍ ചോദ്യം ചെയ്യലില്‍ ഇവര്‍ സത്യം വെളിപ്പെടുത്തി.

കാറിനകത്ത് കളിക്കുകയായിരുന്ന കുട്ടികളെ പുറത്തേക്ക് വിളിച്ചെങ്കിലും വന്നില്ല. ഇതോടെ ഇവരെ ഒരു പാഠം പഠിപ്പിക്കാന്‍ കാറിനകത്ത് അടച്ചിടുകയായിരുന്നു. പിന്നീട് ലഹരിയില്‍ മയങ്ങിപ്പോയി. ഉണര്‍ന്നപ്പോഴേക്കും കാറിനകത്തെ ചൂടില്‍ കുട്ടികള്‍ മരിച്ചിരുന്നതായി സത്രീ പറഞ്ഞു.

English summary

US woman smokes marijuana, takes nap as toddlers die after she left them in hot car