നരകം ഉണ്ടെന്ന്.. ആരാ നരകം ഇല്ലെന്ന് പറഞ്ഞേ.. പോപ്പിനെ തിരുത്തി വത്തിക്കാന്‍

വേറിട്ട നിലപാടുകളിലൂടെ വിശ്വാസികളുടെ ആരാദന പിടിച്ച് പറ്റിയ വ്യക്തിയാണ് ഫ്രാന്‍സിസ് മാര്‍പാപ്പ. കഴിഞ്ഞ ദിവസം അദ്ദേഹം നടത്തിയ പ്രസ്താവനയാണ് ഇപ്പോള്‍ വിവാദമായിരിക്കുന്നത്. നരകം ഇല്ലെന്നും ദുഷ്ടന്‍മാരുടെ മരണത്തോടെ അവരുടെ ആത്മാവ് നശിച്ച് പോകും എന്നുമായിരുന്നു പാപ്പ പറഞ്ഞതെന്നായിരുന്നു വാര്‍ത്ത.

പാപികളായവരുടെ ആത്മാക്കള്‍ നരഗത്തില്‍ പോകുമെന്ന കത്തോലിക്ക സഭാ നിലപാടില്‍ നിന്ന് സഭാ തലവന്‍ വ്യത്യസ്തമായ നിലപാട് നടത്തിയതോടെ സംഭവം വന്‍ ചര്‍ച്ചയായി. പാപ്പയെ എതിര്‍ത്തും അംഗീകരിച്ചും സോഷ്യല്‍ മീഡിയയില്‍ അടക്കം വന്‍ ചര്‍ച്ചയ്ക്ക് വഴിവെച്ചു. എന്നാല്‍ പാപ്പ അങ്ങനെയൊരു പ്രസ്താവനയെ നടത്തിയിട്ടില്ലെന്ന വിശദീകരണവുമായി രംഗത്തെത്തിയിരിക്കുകയാണ് വത്തിക്കാന്‍.

മാര്‍പാപ്പ നരകം ഇല്ലെന്ന് പറഞ്ഞിട്ടില്ല. സഭയുടെ വിശ്വാസത്തിനെതിരായി അദ്ദേഹം ഒന്നും പറഞ്ഞിട്ടില്ലെന്നും വത്തിക്കാന്‍ വ്യക്തമാക്കി. ഇറ്റാലിയന്‍ പത്രമായ ലാ റിപ്പബ്ലിക്കയാണ് മാര്‍പാപ്പ പറഞ്ഞ കാര്യങ്ങള്‍ ഉള്‍പ്പെടുത്തിയുള്ള ലേഖനം പ്രസിദ്ധീകരിച്ചത്. ലാ റിപബ്ലിക്കയിലെ മാധ്യമപ്രവര്‍ത്കനായ യൂജിന്യോ സ്കാല്‍ഫാരി മാര്‍പാപ്പയുമായി നടത്തിയ അഭിമുഖമായാണ് ലേഖനം പ്രസിദ്ധീകരിച്ചത്.

എന്നാല്‍ ലേഖനത്തില്‍ വന്ന കാര്യങ്ങള്‍ ഒന്നും തന്നെ മാര്‍പാപ്പ പറഞ്ഞതല്ലെന്നും നിരീശ്വരവാദിയായ മാധ്യമപ്രവര്‍ത്തകന്‍റെ ഭാഗമാണ് ലേഖനത്തില്‍ എഴുതി ചേര്‍ത്തിരിക്കുന്നതെന്നും വത്തിക്കാന്‍ പ്രസ്താവനയിലൂടെ വ്യക്തമാക്കി. നരകം ഉണ്ടെന്നും അത് നിത്യമാണെന്നും മുന്‍പ് 2007ല്‍ പോപ്പ് ബെനഡിക്ട് പതിനാറാമനും 1999ല്‍ ജോണ്‍പോള്‍ രണ്ടാമന്‍ മാര്‍പാപ്പയും പറഞ്ഞിരുന്നു.

English summary

vatican-denies-pope-said-a-hell-doesnt-exist-in-interview