മുസ്ലീം യുവാവിന്റെ നിസ്ക്കാരം മുടക്കാന് പാന്പിനെ വലിച്ചെറിഞ്ഞു, വീഡിയോ വൈറല്
റിയാദ്: നിസ്ക്കരിയ്ക്കുന്ന സുഹൃത്തിന് മുന്നില് ജീവനുള്ള പാമ്പിനെ കൊണ്ടിടുന്ന യുവാവിന്റെ വീഡിയോ വൈറലാകുന്നു. സൗദിയില് നിന്നുള്ള വീഡിയോയാണ് സോഷ്യല് മീഡിയയില് വൈറലാകുന്നത്. യുവാവിന്റെ നമസ്ക്കാരം മുടക്കാന് സുഹൃത്ത് കാട്ടിയ അതിസാഹസമാണ് വൈറലായത് .
റംസാന് വ്രതം ആരംഭിച്ചതോടെ അഞ്ച് നേരത്തെ നിസ്ക്കാരം മുടങ്ങാതിരിയ്ക്കാന് വിശ്വാസികള് പരമാവധി ശ്രമിയ്ക്കാറുണ്ട്. എന്നാല് വിശ്വാസിയുടെ പ്രാര്ത്ഥന മുടക്കുന്ന വീഡിയോ ഏറെ വിമര്ശനങ്ങള്ക്ക് ഇടയാക്കിയിട്ടുണ്ട് .
നിസ്ക്കരിയ്ക്കുന്ന യുവാവിന് സമീപത്തേയ്ക്ക് പാമ്പിനെ എറിയുന്നതും, ഭയന്ന് യുവാവ് നിലവിളിയ്ക്കുന്നതുമാണ് വീഡിയോ. കടുത്ത വിമര്ശനങ്ങള്ക്ക് ഇടയാക്കിയ വീഡിയോ ഇസ്ലാം വിരുദ്ധമാണെന്നും ആരോപണം ഉയരുന്നു . ഇസ്ലാംമതത്തെ അപമാനിയ്ക്കുന്ന പ്രവൃത്തിയാണ് യുവാവ് കാട്ടിയതെന്നും ആരോപണമുണ്ട് .
സൗദി അറേബ്യയില് ചിത്രീകരിച്ചതാണ് വീഡിയോ എങ്കിലും ഏത് സ്ഥലത്താണ് ഈ വീഡിയോ ചിത്രീകരിച്ചതെന്നും വീഡിയോയില് പ്രത്യക്ഷപ്പെടുന്ന യുവാവ് ആരാണെന്നും വ്യക്തമല്ല. സദ ദിനപത്രമാണ് ഇക്കാര്യം റിപ്പോര്ട്ട് ചെയ്തത് .