ജനിച്ചയുടന്‍ നടന്ന കുഞ്ഞ്....!!! സോഷ്യല്‍ മീഡിയയില്‍ തരംഗമായി വീഡിയോ...!!!

കുഞ്ഞുങ്ങള്‍ എല്ലാവര്‍ക്കും പ്രിയപ്പെട്ടതാണ്. കുഞ്ഞുങ്ങള്‍ ചെയ്യുന്ന കുഞ്ഞുകുഞ്ഞുകാര്യങ്ങള്‍ ആസ്വദിക്കാത്തവരായി ആരുമുണ്ടാവില്ല. ചെറിയ പ്രായത്തില്‍ തന്നെ പാട്ടുപാടിയും നൃത്തം ചെയ്തുമെല്ലാം അത്ഭുതം സൃഷ്ടിക്കുന്ന കുഞ്ഞുങ്ങളേയും നിരവധി കാണാം. എന്നാല്‍ ജനിച്ച് നിമിഷങ്ങള്‍ക്കകം അത്ഭുതം കാണിച്ച ഈ കുഞ്ഞിന്റെ അത്രയും വരില്ല അതൊന്നും. കഴിഞ്ഞ ദിവസം ഫേസ്ബുക്കില്‍ പോസ്റ്റ് ചെയ്യപ്പെട്ട വീഡിയോയില്‍ കാണാം ജനിച്ച് വീണ് അല്‍പസമയത്തിന് ശേഷം നടക്കുന്ന കുഞ്ഞിനെ.

ഡോക്ടറുടെ കയ്യിലുള്ള നവജാത ശിശുവാണ് കാലുകള്‍ ഉയര്‍ത്തി ചുവട് വെച്ചത്. സാധാരണയായി ജനിച്ച് വീണ കുഞ്ഞ് നടന്ന് തുടങ്ങുന്നത് 9 മുതല്‍ 12 മാസം വരെ കഴിയുമ്പോഴാണ്. മെയ് 26ന് ഫേസ്ബുക്കില്‍ അപ്ലോഡ് ചെയ്തിരിക്കുന്ന വീഡിയോ എവിടെ നിന്ന് പകര്‍ത്തിയതാണ് എന്നത് വ്യക്തമല്ല. ലക്ഷക്കണക്കിന് പേരാണ് വീഡിയോ കാണുകയും പങ്കുവെയ്ക്കുകയും ചെയ്തിരിക്കുന്നത്. 50 മില്യണ്‍ ആളുകള്‍ കുഞ്ഞിന്റെ ഈ അത്ഭുതം കണ്ടുകഴിഞ്ഞു. ഷെയര്‍ ചെയ്തത് 1.3 മില്യണ്‍ പേരും.

English summary

Video of a Newborn baby walks immediately after birth is viral in Social media