പാമ്പിനെ മദ്യത്തില്‍ മുക്കി ക്കൊല്ലുന്ന വീഡിയോ... എന്തിനാണിത്?

ബീജിങ്: പാമ്പിനെ കൊല്ലുക എന്നാല്‍ നമ്മുടെ നാട്ടില്‍ പതിവാണ്. ആള്‍പാര്‍പ്പുള്ള സ്ഥലങ്ങളില്‍ പാമ്പിനെ കണ്ടാല്‍ അപ്പോള്‍ തന്നെ തല്ലിക്കൊല്ലുന്നത് നമ്മുടെ നാട്ടുകാര്‍ക്ക് ഒരു ശീലമാണ്.

എന്നാല്‍ വെറുതേ ഒരു പാമ്പിനെ നമ്മളാരെങ്കിലും കൊല്ലാറുണ്ടോ... അതും മദ്യത്തില്‍ മുക്കിയിട്ട്!!! അങ്ങനെ പാമ്പിനെ കൊല്ലുന്ന ഒരു വീഡിയോ ഇപ്പോള്‍ വൈറല്‍ ആയിരിയ്ക്കുകയാണ്.

തെക്കന്‍ ചൈനയില്‍ എവിടെയോ ഉള്ള ഒരു വീട്ടില്‍ വച്ച് ഷൂട്ട് ചെയ്ത വീഡിയോ ആണിത്. ദമ്പതിമാരെന്ന് തോന്നിപ്പിയ്ക്കുന്ന രണ്ട് പേരാണ് പാമ്പിനെ മദ്യത്തില്‍ മുക്കിക്കൊന്നത്.

'സ്‌നേക്ക് വൈന്‍' -നമുക്ക് മലയാളത്തില്‍ പാമ്പിന്‍ വീഞ്ഞ് എന്ന് വിളിയ്ക്കാം- ഉണ്ടാക്കാന്‍ വേണ്ടിയായിരുന്നു ഈ ക്രൂരകൃത്യം. നെല്ല് വാറ്റിയുണ്ടാക്കിയ മദ്യം നിറച്ച വലിയ ചില്ല് കുപ്പിയിലേയ്ക്ക് പാമ്പിനെ ഇടുകയായിരുന്നു. രക്ഷപ്പെടാന്‍ ശ്രമിച്ച പാമ്പിനെ പിന്നേയും കുപ്പിയിലേയ്ക്ക് തന്നെ കുത്തിയിട്ടു. ഒടുവില്‍ പാമ്പ് മദ്യത്തില്‍ മുങ്ങി മരിച്ചു.

ആഗസ്റ്റ് ആദ്യവാരത്തിലാണ് ക്യുക്യു ഡോട്ട് കോമില്‍ ഈ വീഡിയോ പ്രത്യക്ഷപ്പെട്ടത്. ദശലക്ഷക്കണക്കിന് ആളുകള്‍ ഇപ്പോള്‍ തന്നെ ഈ വീഡിയോ കണ്ടുകഴിഞ്ഞു. ഇപ്പോള്‍ ഇത് യൂട്യൂബിലും ലഭ്യമാണ്.

English summary

Video shows a live snake being drowned in alcohol to make traditional tipple