Click it and Unblock the Notifications
Just In
Don't Miss
-
ഞങ്ങളെല്ലാം നല്ല സുഹൃത്തുക്കളായിരുന്നു, പിന്നീട് പ്രശ്നങ്ങൾ; പരസ്പരം സെറ്റിൽ സംഭവിച്ചത്; ഗായത്രി -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
ഇന്ന് ചിക്കനാണോ, കുരുമുളകിട്ട് കിടിലന് ടേസ്റ്റില് വറുത്തെടുക്കാം -
ഇനി വെറും 10 നാൾ കൂടി; പൾസർ നിരയിലെ വല്യേട്ടൻ എൻഫീൽഡിന്റെ കച്ചോടം പൂട്ടിക്കുമോ? -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
സൗദിയില്‍ സന്ദര്‍ശക വിസക്കാര്‍ക്ക് ഒരു ലക്ഷം റിയാല്‍ വരെ ഇന്‍ഷുറന്‍സ്
റിയാദ്: സൗദി അറേബ്യയില്‍ സന്ദര്‍ശന വിസയിലെത്തുന്നവര്‍ക്ക് അടിയന്തര ഘട്ടങ്ങളില്‍ പരമാവധി ഒരു ലക്ഷം റിയാല്‍ വരെ ഇന്‍ഷുറന്‍സ് ലഭിക്കും. കൗണ്‍സില്‍ ഓഫ് ഹെല്‍ത്ത് ഇന്‍ഷുറന്‍സാണ് ഇക്കാര്യം അറിയിച്ചത്. സ്ത്രീകള്‍ക്ക് ഗര്‍ഭ ചികിത്സയും അടിയന്തര പ്രസവ ചെലവിലേക്ക് പോളിസി കാലയളവില്‍ പരമാവധി 5000 റിയാല്‍ വരെയും ഇന്‍ഷുറസ് കവറേജും ലഭിക്കും. സൗദി വിദേശകാര്യ മന്ത്രാലയത്തിന്റെ വെബ്‌സൈറ്റ് സന്ദര്‍ശിച്ച് ഇന്‍ജാസ് പ്ലാറ്റ്‌ഫോം വഴിയാണ് സന്ദര്‍ശക വിസക്കാര്‍ ഇന്‍ഷുറന്‍സിന് അപേക്ഷിക്കേണ്ടത്. വിസാ കാലാവധി നീട്ടാനാണ് ഉദ്ദേശിക്കുന്നതെങ്കില്‍ പുതിയ ഇന്‍ഷുറന്‍സ് പരിരക്ഷ ഈ കാലയളവിലേക്ക് നീട്ടാം.
അതായത് സന്ദര്‍ശക വിസ കാലാവധി കഴിഞ്ഞതിന് ശേഷം അത് നീട്ടാന്‍ അഭ്യര്‍ത്ഥിക്കുമ്പോള്‍ തന്നെ പുതിയ പുതിയ ഇന്‍ഷുറന്‍സ് പോളിസിക്കും അപേക്ഷിക്കണം. സന്ദര്‍ശക വിസ നീട്ടിയതിന് ശേഷം പുതിയ മെഡിക്കല്‍ ഇന്‍ഷുറന്‍സ് ഇഷ്യൂ ചെയ്തതിന് ശേഷം ഇന്‍ഷുറന്‍സുമായി ബന്ധപ്പെട്ട വെബ്‌സൈറ്റ് വഴി തങ്ങളുടെ ഇന്‍ഷുറന്‍സ് സ്റ്റാറ്റസും പരിശോധിക്കാവുന്നതാണ്. അതേസമയം പരിശോധിച്ച ശേഷം ഇന്‍ഷുറന്‍സ് നടപടികള്‍ പൂര്‍ത്തിയായിട്ടില്ല എന്നാണെങ്കില്‍ സന്ദര്‍ശകര്‍ക്ക് പരാതിയും ബോധിപ്പിക്കാവുന്നതാണ്. ഇന്‍ഷുറന്‍സ് പോളിസി പൂര്‍ത്തിയാക്കിയതാണെങ്കില്‍ സ്റ്റാറ്റസ് ഇന്‍ഷുര്‍ ചെയ്ത സന്ദര്‍ശകന്‍ എന്നായിരിക്കും.
അതേസമയം ഇന്‍ഷുറന്‍സ് സ്റ്റാറ്റസില്‍ ഇന്‍ഷൂര്‍ ചെയ്തിട്ടില്ലാത്ത സന്ദര്‍ശകന്‍ എന്നാണെങ്കില്‍ ഗുണഭോക്താവ് രാജ്യത്തിന് പുറത്ത് നിന്നുള്ള സന്ദര്‍ശകനാണെന്നും, ഫലപ്രദമായ ഇന്‍ഷുറന്‍സ് കൈവശം വെച്ചിട്ടില്ലെന്നും കണക്കാക്കും. പ്രതിരോധ ശേഷിയില്ലാത്ത സന്ദര്‍ശകനായും കണക്കാക്കും.
