Click it and Unblock the Notifications
Just In
Don't Miss
-
ശരീരത്തിലെ വിഷാംശം നീക്കുന്ന കരള്; കരുത്തുറ്റ കരളിന് വേണം ഈ സൂപ്പര്ഫുഡ് -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
T20 World Cup: സമ്പൂര്ണ ദൂരന്തം! പാണ്ഡ്യയ്ക്ക് ലോകകപ്പ് ടീമില് ഇടം നല്കരുത്; നാല് കാരണങ്ങളുണ്ട് -
ഇവർ വരുന്നതോടെ ക്രെറ്റയുടെ വിൽപ്പന തീരും? സെഗ്മെന്റ് പിടിക്കാൻ ടാറ്റയും സിട്രണും -
ഞാൻ നടിയാണെന്ന് മറന്നു, ഓടിപ്പോയി കെട്ടിപ്പിടിച്ചു; ഉടനെ ശ്രീദേവി എന്നോട് പറഞ്ഞത്; ഉർവശിയുടെ വാക്കുകൾ -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി -
ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
ബൈഡന്റെ വിജയത്തില്‍ അഭിനന്ദനവുമായി പുടിന്‍, ബന്ധം ശക്തിപ്പെടുത്താന്‍ ശ്രമിക്കുമെന്ന് സന്ദേശവും!!
മോസ്‌കോ: അമേരിക്കയിലെ ജോ ബൈഡന്റെ വിജയത്തെ അഭിനന്ദിച്ച് റഷ്യന്‍ പ്രസിഡന്റ് വ്‌ളാദിമിര്‍ പുടിന്‍. ആഴ്ച്ചകള്‍ക്ക് ശേഷമാണ് പുടിന്‍ വിജയത്തെ അഭിനന്ദിച്ച് രംഗത്തെത്തിയത്. നേരത്തെ അമേരിക്കയില്‍ ഡൊണാള്‍ഡ് ട്രംപ് ബൈഡന്റെ വിജയത്തെ നിയമപരമായി ചോദ്യം ചെയ്ത സാഹചര്യത്തില്‍ ആരെയും അഭിനന്ദിക്കേണ്ടെന്ന തീരുമാനത്തിലായിരുന്നു പുടിന്‍. അതുകൊണ്ട് ഫലം ഔദ്യോഗികമായി പ്രഖ്യാപിക്കുന്നത് വരെ അദ്ദേഹം നിശബ്ദനായിരുന്നു.
ബൈഡനെ വിജയിയായി പ്രഖ്യാപിച്ചതിന് പിന്നാലെയാണ് പുടിന്‍ അഭിനന്ദനം അറിയിച്ചത്. തങ്ങള്‍ യുഎസ്സിലെ രാഷ്ട്രീയ കൊമ്പുകോര്‍ക്കല്‍ അവസാനിക്കാന്‍ കാത്തിരിക്കുകയാണെന്ന് പുടിന്‍ പറഞ്ഞിരുന്നു. റിപബ്ലിക്കന്‍ പാര്‍ട്ടി നേതാക്കള്‍ കോടതിയില്‍ നിരവധി ഹര്‍ജികള്‍ നല്‍കിയിയരിക്കുന്ന സാഹചര്യത്തില്‍ തിരഞ്ഞെടുപ്പ് വിജയത്തെ കുറിച്ച് പറയുന്നത് ശരിയല്ലെന്ന നിലപാടിലായിരുന്നു പുടിന്‍. എല്ലാവിധ ഭാവുകങ്ങളും ബൈഡന് നേരുന്നുവെന്ന് പുടിന്‍ വിജയ സന്ദേശത്തില്‍ പറഞ്ഞു.
യുഎസ്സിനും റഷ്യക്കും നല്ല ബന്ധം തുടരാനാവുമെന്ന് പുടിന്‍ സന്ദേശത്തില്‍ ആത്മവിശ്വാസം പ്രകടിപ്പിച്ചു. ആഗോള സുരക്ഷയ്ക്കും സമാധാനത്തിനും വേണ്ടിയുള്ള ശ്രമങ്ങളെ തുടര്‍ന്നും ഇരുരാജ്യങ്ങളും പിന്തുണയ്ക്കുമെന്നും, അഭിപ്രായ വ്യത്യാസമുണ്ടെങ്കിലും ലോകം നേരിടുന്ന പല പ്രശ്‌നങ്ങള്‍ പരിഹരിക്കുന്നതിനും കൈകോര്‍ക്കാന്‍ സാധിക്കുമെന്ന് പുടിന്‍ പറഞ്ഞു. റഷ്യയും അമേരിക്കയും തമ്മില്‍ സഹകരണം, പരസ്പര ബഹുമാനത്തിന്റെയും തുല്യതയുടെയും പാതയിലാണ്. അത് രണ്ട് രാജ്യങ്ങളുടെയും അന്താരാഷ്ട്ര സമൂഹത്തിന്റെയും താല്‍പര്യങ്ങള്‍ സംരക്ഷിക്കുന്നതാണെന്നും പുടിന്‍ വ്യക്തമാക്കി.
അതേസമയം തന്റെ ഭാഗത്ത് നിന്ന് എല്ലാ സഹകരണവും ഉണ്ടാവുമെന്നും, ചര്‍ച്ചയ്ക്ക് തയ്യാറാണെന്നും ബൈഡനോട് പുടിന്‍ വ്യക്തമാക്കി. നേരത്തെ യുഎസ്സിലെ ഇലക്ട്രല്‍ കോളേജാണ് ജോ ബൈഡന്റെ വിജയം പ്രഖ്യാപിച്ചത്. ഭൂരിപക്ഷത്തിന് വേണ്ട 270 വോട്ടുകള്‍ ബൈഡന് മറികടന്നതായി ഇവര്‍ അറിയിച്ചു. കാലിഫോര്‍ണിയയിലെ 55 ഇലക്ട്രല്‍ വോട്ടുകള്‍ ബൈഡനൊപ്പം നിന്നത് നിര്‍ണായകമായി. അരിസോണ, മിഷിഗണ്‍, നെവാഡ, പെനിസില്‍വാനിയ, വിസ്‌കോന്‍സിന്‍, തുടങ്ങിയ ആറ് സംസ്ഥാനങ്ങളില്‍ ബൈഡന് വിജയിച്ചു. ബൈഡന് മൊത്തം 306 ഇലക്ട്രല്‍ വോട്ടുണ്ടാവും.
