ഇന്ത്യോനേഷ്യയിലെ ലെവോടോബി ലാകി-ലാകി അ​ഗ്നിപർവതം പൊട്ടിത്തെറിച്ചു; പത്ത് മരണം

കിഴക്കൻ ഇന്ത്യോനേഷ്യയിലെ ലെവോ ടോബി ലാകി -ലാകി അ​ഗ്നിപർവതം പൊട്ടിത്തെറിച്ച് പത്ത് മരണം. ഞായാറാഴ്ച അർദ്ധ രാത്രിയോടെയാണ് അ​ഗ്നിപർവത സ്ഫോടനം. സ്ഫോടനത്തിന് പിന്നാലെ സമീപത്തെ നിരവധി ​ഗ്രാമങ്ങൾ ഒഴിപ്പിച്ചു. സ്ഫോടനം ഏഴ് ​ഗ്രാമങ്ങളെ നേരിട്ട് ബാധിച്ചതായി പറയുന്നു.

തകർന്ന വീടുകൾക്കിടയിലെ മൃതദേഹങ്ങൾ മാറ്റുന്നതിനായി രക്ഷാപ്രവർത്തകർ തിരച്ചിൽ തുടരുകയാണ്. ഒരു കുട്ടിയുടേത് ഉൾപ്പെടെ എല്ലാ മൃതദേഹങ്ങളും ​ഗർത്തത്തിന്റെ നാല് കിലോ മീറ്റർ ചുറ്റളവിൽ കണ്ടെത്തിയതായി ദേശീയ ദുരന്ത നിവാരണ ഏജൻസി വക്താവ് അബ്ദുൾ മുഹരി പറഞ്ഞു.

Representative Image

വുലാങ്​ഗിതാങ് ജില്ലയിലെ ആറ് ​ഗ്രാമങ്ങളിലും ഇലെ ബുറ ജില്ലയിലെ നാല് ​ഗ്രാമങ്ങളിലും സ്ഫോടനം കുറഞ്ഞ് 10000 പേരെ ബാധിച്ചിട്ടുണ്ടെന്ന് അദ്ദേഹം പറഞ്ഞു. ചിലർ ബന്ധുവീടുകളിലേക്ക് പലായനം ചെയ്തു. പ്രാദേശിക സർക്കാർ സ്കൂളുകൾ താത്ക്കാലിക അഭയകേന്ദ്രങ്ങളായി ഉപയോ​ഗിക്കാൻ തയ്യാറാണ്.

വരും ദിവസങ്ങളിൽ ലാവ പ്രവാഹത്തിന് സാധ്യത ഉണ്ട് എന്നാണ് ഇന്തോനേഷ്യയുടെ ദുരന്ത നിവാരണ ഏജൻസി മുന്നറിയിപ്പ് നൽകിയിരിക്കുന്നത്. അടുത്ത 58 ദിവസത്തേക്ക് പ്രാദേശിക സർക്കാർ പ്രദേശത്ത് അടിയന്തരാവസ്ഥ പ്രഖ്യാപിച്ചിട്ടുണ്ട്. മൗമറെ പട്ടണത്തിൽ സ്ഥിതി ചെയ്യുന്ന വിമാനത്താവളവും അടച്ചു. ഒഴിപ്പിക്കപ്പെട്ടവരുടെ എണ്ണവും നാശനഷ്ടങ്ങളുടെ കണക്കും അധിക‍ൃതർ ശേഖരിച്ച് വരികയാണ്.

ജനുവരിയിൽ മൗണ്ട് ലെവോ ടോബി ലാകി ലാക്കി പൊട്ടിത്തെറിക്കാൻ തുടങ്ങിയതിനെ തുടർന്ന നിരവധി പേരെ ഒഴിപ്പിച്ചിരുന്നു. അന്ന് ആളപായം ഉണ്ടായിരുന്നില്ല.

ഒന്നിലധികം ടെക്റ്റോണുകൾക്ക് മുകളിലാണ് ഇന്തോനേഷ്യ സ്ഥിതി ചെയ്യുന്നത്. പസഫിക് റിം​ഗ് ഓഫ് ഫയർ എന്നറിയപ്പെടുന്ന ഉയർന്ന ഭൂകമ്പ ബാധിത പ്രദേശമാണ്. ജനുവരിയിലെ സ്ഫോമനവും തിങ്കളാഴ്ചത്തെ സ്ഫോനവും തമ്മിൽ വ്യത്യസ്ത സ്വഭാവമുണ്ടെന്ന് ഊർജ ധാതു വിഭവ മന്ത്രാലയത്തിലെ ജിയോളജി ഏജൻസി തലവൻ പറഞ്ഞു.

ആഴ്ചകൾക്കിടയിൽ ഇന്തോനേഷ്യയിൽ ഉണ്ടാകുന്ന രണ്ടാമത്തെ അ​ഗ്നിപർവത സ്ഫോടനമാണിത്. പടിഞ്ഞാറൻ സുമാത്ര പ്രവശ്യയിലെ മൗണ്ട് മറാപ്പി, രാജ്യത്തെ ഏറ്റവും സജീവമായ അ​ഗ്നിപർവതങ്ങളിൽ ഒന്നാണ്. ഇത് ഒക്ടോബർ 27 ന് പൊട്ടിത്തെറിച്ചിരുന്നു.

280 ദശലക്ഷം ആളുകളുള്ള ദ്വീപ് സമൂഹമായ ഇന്തോനേഷ്യയിൽ സജീവമായ 120 അ​ഗ്നി പർവതങ്ങളിൽ ഒന്നാണ് ലെവോ ടോബി ലാകി ലാക്കി. രാജ്യം ഭൂകമ്പങ്ങൾക്കും മണ്ണിടിച്ചിലിനും അ​ഗ്നിപർവത പ്രവർത്തനങ്ങൾക്കും സാധ്യതയുള്ള രാജ്യമാണ്.

English summary

Volcanic eruption: 10 People Died And Many Houses Burnt In Indonesia, Details