മതിലിനരികില്‍ മൂത്രമൊഴിക്കുന്നവര്‍ ജാഗ്രതേ...പെയിന്റ് പണിതരും

സാന്‍ഫ്രാന്‍സിസ്‌കോ: മതിലിനരികില്‍ മൂത്രമൊഴിക്കുന്നവരുടെ ശ്രദ്ധയ്ക്ക്, നിങ്ങള്‍ക്ക് എട്ടിന്റെ പണി കിട്ടും. സാന്‍ഫ്രാന്‍സിസ്‌കോയിലെ ജനങ്ങളോടാണ് പൊതുമരാമത്ത് വകുപ്പിന്റെ മുന്നറിയിപ്പ്. നഗരത്തിലെ മതിലുകളില്‍ ആള്‍ട്രാ എവര്‍ ഡ്രൈ എന്ന പ്രത്യേക പെയിന്റ് അടിച്ചിരിക്കുകയാണ്.

ജലാംശത്തെ തടഞ്ഞു നിര്‍ത്തുന്ന പെയിന്റാണ് അടിച്ചിരിക്കുന്നത്. അതുകൊണ്ട് ചുവരുകളില്‍ വെള്ളം തെറിച്ചാല്‍ അത് ശക്തമായി തിരിച്ചു വരും. മൂത്രമൊഴിക്കുന്ന ആള്‍ക്കുതന്നെ പണികിട്ടുമെന്നാണ് പറയുന്നത്. മൂത്രം പെയിന്റില്‍ തട്ടി ആളുടെ ദേഹത്തേക്ക് തന്നെ തെറിക്കും.

സാന്‍ഫ്രാന്‍സിസ്‌കോയില്‍ ആവശ്യത്തിന് ശൗചാലയങ്ങള്‍ ഉണ്ടായിട്ടും സാമൂഹ്യവിരിദ്ധര്‍ പൊതുസ്ഥലം നിരന്തരം മലിനമാക്കുകയാണ്. പലതവണ നിര്‍ദ്ദേശം കൊടുത്തിട്ടും അനുസരിക്കാതെ വന്നപ്പോഴാണ് പൊതുമരാമത്ത് വകുപ്പ് ഇങ്ങനെയൊരു നടപടി സ്വീകരിച്ചത്.

ഫ്‌ളോറിഡയിലുള്ള മാലിന്യ സംസ്‌കരണ കമ്പനിയാണ് ഇതിനായി ആള്‍ട്രാ എവര്‍ ഡ്രൈ എന്ന പെയിന്റ് നിര്‍മ്മിക്കുന്നത്. നഗരങ്ങളിലെ എല്ലാ ഭിത്തികളിലും ഈ പെയിന്റ് വൈകാതെ അടിക്കുമെന്നും അധികൃതര്‍ അറിയിച്ചിട്ടുണ്ട്.

English summary

Walls splash pee back on public urinators in america