• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ബിലാവല്‍ ഭൂട്ടോയെ കൂവി, മുട്ടയും വെള്ളക്കുപ്പിയും കൊണ്ട് എറിഞ്ഞു!

ലണ്ടന്‍: പാകിസ്താന്‍ പീപ്പിള്‍സ് പാര്‍ട്ടി നേതാവും മുന്‍ പ്രധാനമന്ത്രി ബേനസീര്‍ ഭൂട്ടോയുടെ മകനുമായ ബിലാവല്‍ ഭൂട്ടോയ്ക്ക് ലണ്ടനില്‍ കൂവല്‍. കാശ്മീര്‍ വിഷയം ചര്‍ച്ച ചെയ്യാന്‍ പി പി പി സംഘടിപ്പിച്ച മില്യണ്‍ മാര്‍ച്ചിലാണ് ബിലാവലിന് അപമാനം നേരിടേണ്ടിവന്നത്. സ്വന്തം പാര്‍ട്ടി സംഘടിപ്പിച്ച പരിപാടിയില്‍ കൂവലും വെള്ളക്കുപ്പികള്‍ കൊണ്ടുള്ള ഏറും കിട്ടിയ ബിലാവലിന് പ്രസംഗിക്കാതെ വേദി വിടേണ്ടിവന്നു.

കാശ്മീരില്‍ ഇന്ത്യയ്ക്കുള്ള അവകാശത്തെ എതിര്‍ക്കാന്‍ വേണ്ടിയാണ് പി പി പി ലണ്ടനില്‍ മില്യണ്‍സ് മാര്‍ച്ച് സംഘടിപ്പിച്ചത്. എന്നാല്‍ ബിലാവലിന് ഇവിടെ ഒരു കാര്യവുമില്ല എന്ന് പറഞ്ഞ് ഒരു സംഘം ആളുകള്‍ പ്രതിഷേധിക്കുകയായിരുന്നു. ഇത് കാശ്മീരിനെക്കുറിച്ചുള്ള മാര്‍ച്ചാണ്, കാശ്മീരികളുടെ നന്മയാണ് ഇവിടെ ചര്‍ച്ച. ബിലാവലിന് ഇവിടെ കാര്യമൊന്നുമില്ല.

ഒഴിഞ്ഞ വെള്ളക്കുപ്പിയും കന്നാസും കൊണ്ട് പ്രതിഷേധക്കാര്‍ ബിലാവലിനെ എറിഞ്ഞു. നിയന്ത്രണം വിട്ട ആള്‍ക്കൂട്ടം ബിലാവലിന് നേരെ ചീമുട്ട പ്രയോഗവും നടത്തിയതായി റിപ്പോര്‍ട്ടുണ്ട്. പി പി പി നേതാക്കള്‍ സംഭവസ്ഥലത്തുനിന്നും ബിലാവലിനെ രക്ഷിച്ചു കൊണ്ടുപോകുകയായിരുന്നു. സംഘര്‍ഷാവസ്ഥയിലെത്തിയ മാര്‍ച്ച് പോലീസ് ഇടപെട്ട് നിര്‍ത്തിച്ചു.

ഇംഗ്ലണ്ടിന്റെ നാനാഭാഗങ്ങളില്‍ നിന്നും സഞ്ചരിച്ചാണ് ആളുകള്‍ പി പി പിയുടെ മില്യണ്‍സ് മാര്‍ച്ചില്‍ പങ്കെടുക്കാനെത്തിയത്. എന്നാല്‍ പാര്‍ട്ടി വിചാരിച്ച പോലെ പരിപാടി മംഗളകരമായില്ല എന്ന് മാത്രം. നേരത്തെ, കാശ്മീര്‍ പാകിസ്താന്റെ ഭാഗമാണ് എന്നും കാശ്മീരിന്റെ ഓരോ ഇഞ്ച് മണ്ണും പാകിസ്താന്‍ തിരിച്ചുപിടിക്കുമെന്നും സെപ്തംബറില്‍ ബിലാവല്‍ പ്രസ്താവന നടത്തിയിരുന്നു.

English summary
Pakistan People's Party was left red-faced on Sunday in London at the 'Million March' hosted by the party after Bilawal Bhutto was booed and water bottles were thrown at him.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more