ഒബാമയുടെ ഭാര്യ ആള്ക്കുരങ്ങ്,ട്രംപിന്റെ ഭാര്യ സുന്ദരി; ഫെയ്സ്ബുക്ക് പോസ്റ്റ് വിവാദമാകുന്നു
ഫേസ്ബുക്ക് പോസ്റ്റ് വിവാദമായതോടെ പമേല തന്റെ പോസ്റ്റ് പിന്വലിച്ചു.
ന്യൂയോര്ക്ക്: അമേരിക്കന് പ്രസിഡന്റ് ബരാക്ക് ഒബാമയുടെ ഭാര്യ മിഷേല് ഒബാമയെ ആള്ക്കുരങ്ങെന്നും അടുത്ത പ്രസിഡന്റ് ഡൊണാള്ഡ് ച്രംപിന്റെ ഭാര്യ മെലാനിയ ട്രംപിനെ സുന്ദരിയെന്നും ഉപമിക്കുന്ന ഫെയ്സ്ബുക്ക് പോസ്റ്റ് വിവാദമാകുന്നു.
വെസ്റ്റ് വിര്ജീനിയയിലെ ക്ലേ കൗണ്ടി ഡെവലപ്മെന്റ് കോര്പ്പറേഷന് ഡയറക്ടര് പമേല റാംസെ ടെയ്ലറാണ് മിഷേല് ഒബാമയെ അവഹേളിച്ച് പോസ്റ്റിട്ടിരിക്കുന്നത്.
'സുന്ദരിയായ പ്രഥമ വനിതയെ കാണുന്നത് വളരെ സന്തോഷമുള്ള കാര്യമാണ്, ഹീലുള്ള ചെരിപ്പിട്ട് ആള്ക്കുരങ്ങിനെ കണ്ടുമടുത്തു' എന്നായിരുന്നു പമേലയുടെ ഫെയ്സ്ബുക്ക് പോസ്റ്റ്. എന്നാല് സംഭവം വിവാദമായതോടെ പമേല തന്റെ പോസ്റ്റ് പിന്വലിച്ചു.
പോസ്റ്റ്് പിന്വലിച്ചെങ്കിലും പമേലയുടെ പോസ്റ്റിന്റെ സ്ക്രീന് ഷോട്ടുകള് സോഷ്യല് മീഡിയകളില് വ്യാപകമായി പ്രചരിക്കുന്നുണ്ട്. കോര്പ്പറേഷന് ഡയറക്ടര് സ്ഥാനം പമേല രാജിവെയ്ക്കണമെന്നാണ് ആളുകളുടെ ആവശ്യം. പമേലയുടെ രാജി ആവശ്യപ്പെട്ടുള്ള ഓണ്ലൈന് നിവേദനത്തില് പതിനായിരക്കണക്കിന് പേരാണ് ഒപ്പ് വെച്ചിട്ടുള്ളത്.