ട്രംപ് സർക്കാരിൽ മസ്ക് പ്രധാനിയോ? പുതിയ വകുപ്പ് നിർണായകമാവുമോ? അറിയാം..

വാഷിം​ഗ്ടൺ: ഡൊണാൾഡ് ട്രംപിന്റെ നേതൃത്വത്തിലുള്ള യു എസ് സർക്കാരിൽ ഇന്ത്യൻ-അമേരിക്കൻ സംരംഭകൻ വിവേത് രാമസ്വാമിക്കൊപ്പം എലോൺ മസക് ​ ട്രംപ് സർക്കാരിന്റെ കാര്യക്ഷമത വകുപ്പിനെ നയിക്കുമെന്ന് ഡൊണാൾഡ് ട്രംപ് ബുധനാഴ്ച പ്രഖ്യാപിച്ചു.

ട്രംപ് പറയുന്നത് പ്രകാരം ഇരുവരും സർക്കാരിന് പുറത്ത് നിന്ന് ഉപദേശങ്ങളും മാർ​ഗ നിർദ്ദേശങ്ങളും മാർ​ഗനിർദ്ദേശങ്ങളും നൽകുമെന്നും വലിയ തോതിലുള്ള ഘടനാപരമായ പരിഷ്ക്കാരങ്ങൾക്കായി വൈറ്റ് ഹൗസ്, ഓഫീസ് ഓഫ് മാനേജ്മെന്റ്, ബജറ്റ് എന്നിവയുമായി പങ്കാളികളാകുമെന്നുമാണ് വിവരം.

സർക്കാരിന്റെ ചെലവ് കുറയ്ക്കുന്നതിനും കാര്യക്ഷമത വർദ്ധിപ്പിക്കുന്നതിനുമുള്ള നീക്കത്തിന്റെ ഭാ​ഗമായാണ് മസ്ക്കിനെ സർക്കാരിന്റെ ഭാ​ഗമാക്കിക്കൊണ്ടുള്ള നീക്കമെന്നാണ് വിലയിരുത്തപ്പെടുന്നത്. ചെലവ് കുറയ്ക്കുന്നതിന്റെ ഭാ​ഗമായി അമേരിക്കയിൽ ആയിരക്കണക്കിന് സർക്കാർ ജീവനക്കാർക്ക് ജോലി നഷ്ടമാവാൻ സാധ്യതയുണ്ട്.

എന്താണ് ട്രംപ് സർക്കാരിസെ കാര്യക്ഷമത വകുപ്പ്?

ഡൊണാൾഡ് ട്രംപിന്റെ നേതൃത്വത്തിലുള്ള പുതിയ യു എസ് സർക്കാരിലെ പുതിയ വിഭാ​ഗമാണ് കാര്യക്ഷമത വകുപ്പ്. ഇത് ആദ്യം നിർദ്ദേശിച്ചത് മസ്ക്ക് തന്നെയാണ്. സർക്കാർ ഉദ്യോ​ഗസ്ഥരെ വെട്ടിക്കുറയ്ക്കുന്നതിനുള്ള ഒരു മാർ​ഗമായി ട്രംപ് ഇതിനെ കാണുന്നു. 'ഡോ​ജ്' എന്ന ചുരുക്ക പേരിലാണ് ഈ ഡിപ്പാർട്ട്മെന്റ് അറിയപ്പെടുന്നത്.

അതേ സമയം ഈ ഡിപ്പാർട്ട്മെന്റ് എങ്ങനെ പ്രവർത്തിക്കും എന്നത് വ്യക്തമല്ല, ട്രംപിന്റെ അഭിപ്രായത്തിൽ ഈ വകുപ്പിന് കീഴിലുള്ള ട്രംപിന്റെയും മസ്ക്കിന്റെയും ദൗത്യം സർക്കാർ ബ്യൂറോക്രസി കുറയ്ക്കുക, അധിക നിയന്ത്രണങ്ങൾ വെട്ടിക്കുറയ്ക്കുക, പാഴ് ചെലവ് കുറയ്ക്കുക, ഫെഡറൽ ഏജൻസിയെ പുന:സംഘടിപ്പിക്കുക എന്നിവയായിരിക്കും.

' ഡോജ്' ഇക്കാലത്തെ ' മാൻഹട്ടൻ പ്രൊജക്റ്റ് ' ആകുമെന്ന് ട്രംപ് വിശ്വസിക്കുന്നു. യു കെ, കാനഡ എന്നിവയുമായി സഹകരിച്ച് യു എസ് നേതൃത്വം നൽകുന്ന ' മാൻഹട്ടൻ പ്രൊജക്റ്റ് ' രണ്ടാം ലോക മാഹായുദ്ധകാലത്ത് ആദ്യത്തെ ആണവായുധങ്ങൾ നിർമ്മിക്കുന്നതിനായി നടത്തിയ ഒരു ​ഗവേണഷണ - വികസന പരിപാടിയായിരുന്നു.

കഴിഞ്ഞയാഴ്ച നടന്ന പ്രസിഡന്റ് തിര‍ഞ്ഞെടുപ്പിൽ ഡെമോക്രാറ്റിക് എതിരാളിയായ കമലാ ഹാരിസിനെ 69 ഇലക്ടറൽ വോട്ടുകൾക്ക് പാരാജയപ്പെടുത്തിയാണ് ട്രംപ് വിജയിച്ചത്. ആദ്യം മുതൽക്കെ റിപ്പബ്ലിക്കൻ പാർട്ടിയുടെ പ്രസിഡന്യഷ്യൽ ക്യാംപെയ്നിലെ പ്രധാന ഭാ​ഗമായിരുന്നു മസ്ക്. അദ്ദേഹം ട്രംപിന്റെ തിരഞ്ഞെടുപ്പ് പോരാട്ടത്തിനായി 100 മില്യൺ ഡോളർ സംഭാവന നൽകിയതായി റിപ്പോർട്ടുകൾ ഉണ്ടായിരുന്നു.