കത്തുന്ന സൗദി... തിളയ്ക്കുന്ന സിറിയ... വേവുന്ന പരിപ്പ് അമേരിയ്ക്കയുടേയോ റഷ്യയുടേയോ
പശ്ചിമേഷ്യ ഇപ്പോള് കടുത്ത സംഘര്ഷാവസ്ഥയിലാണ്. ഏത് നിമിഷവും ഒരു യുദ്ധം പൊട്ടിപ്പുറപ്പെട്ടേയ്ക്കാം എന്ന അവസ്ഥ. എന്നാല് അത് പശ്ചിമേഷ്യന് രാജ്യങ്ങള്ക്കിടയിലെ പ്രശ്നങ്ങള് കൊണ്ടാണോ എന്ന നിര്ണായക ചോദ്യം ഇപ്പോഴും അവശേഷിയ്ക്കുന്നു.
ഐസിസിന്റെ പേരിലാണ് ഇപ്പോഴത്തെ സംഘര്ഷങ്ങളെല്ലാം തന്നെ. സിറിയയിലും ഇറാഖിലും ആണ് ഐസിസിന്റെ ശക്തി കേന്ദ്രങ്ങള്. ഭീകരരെ ചെറുക്കാന് ഇറങ്ങിപ്പുറപ്പെട്ടവരില് പ്രമുഖര് അമേരിയ്ക്കയും സഖ്യകക്ഷികളും തന്നെ.
എന്നാല് സിറിയയില് ഐസിസിനെ തുരത്തുന്ന കാര്യമാണ് ഇവര്ക്കെല്ലാം പ്രധാനം. അപ്പോള് ഇറാഖിലെ ഐസിസ് ഇവര്ക്ക് ഒരു പ്രശ്നമല്ലേ എന്ന ചോദ്യം സ്വാഭാവികമായും ഉയരും. ഒരുകാര്യം വ്യക്തമാണ്, ഈ വിഷയങ്ങള്ക്ക് പിന്നില് ബാഷര് അല് അസദ് എന്ന സിറിയന് ഭരണാധികാരിയോടുള്ള ചിലരുടെ ശത്രുതയും സ്നേഹവും ആണ്.
ഐസിസ് ആണോ പ്രശ്നം
സിറിയന് പ്രശ്നം ആഘോഷിയ്ക്കുന്നവരോടുള്ള പ്രധാന ചോദ്യം ഇതാണ്... ഐസിസ് ആണോ നിങ്ങളുടെ പ്രശ്നം? അതോ ബാഷര് അല് അസദ് എന്ന സിറിയന് ഭരണാധികാരിയോ?
ഇറാഖിലെ ഐസിസോ
സിറിയയില് എന്നതുപോലെ തന്നെ ഇറാഖിലും ഐസിസ് ശക്തമാണ്. ഇറാഖിന്റെ പല പ്രധാന പ്രശ്നങ്ങളും ഇപ്പോഴും ഐസിസിന്റെ കൈയ്യിലാണ്. അവര് അവിടെ അതി ക്രൂരമായ കാര്യങ്ങളാണ് ചെയ്തുകൂട്ടുന്നത്.
യസീദികള്
ഇറാഖിലെ ന്യൂനപക്ഷമായ യസീദികളെ ഐസിസുകാര് വംശഹത്യ ചെയ്തതും യസീദി പെണ്കുട്ടികളെ ക്രൂര ബലാത്സംഗങ്ങള്ക്ക് ഇരയാക്കിയതും ലോകം കണ്ടതാണ്.
സൗദിയുടെ പ്രശ്നം
ഇറാഖിലെ ഐസിസിനോടില്ലാത്ത പ്രശ്നമാണ് സിറിയയിലെ ഐസിസിനോട്. അപ്പോള് പിന്നെ എന്താണ് സിറിയയോട് മാത്രം സൗദിയ്ക്കുള്ള പ്രശ്നം.
അസദും സുന്നികളും
സുന്നി രാഷ്ട്രമാണ് സൗദി അറേബ്യ. അസദ് ആകട്ടെ അലവി വിഭാഗത്തില് പെടുന്ന ആളും. സിറിയയിലെ സുന്നികള് അസദ് ഭരണകൂടത്തിന് കീഴില് പീഡിപ്പിയ്ക്കപ്പെടുകയാണെന്ന് പറയുന്നു. ഇത്രയേ ഉള്ളൂ സൗദിയുടെ പ്രശ്നം എന്നാണ് റിപ്പോര്ട്ടുകള്.
അമേരിയ്ക്കയ്ക്ക്
ഇറാഖില് സദ്ദാം ഹുസ്സൈന് ശേഷം അമേരിയ്ക്കയുടെ പാവഭരണകൂടങ്ങളാണ് നിലവില് വന്നിട്ടുള്ളത്. അതുകൊണ്ട് അവിടത്തെ എണ്ണക്കച്ചവടത്തില് അമേരിയ്ക്കയ്ക്ക് ഒരു പ്രശ്നവും ഇല്ല.
ഐസിസിനെതിരെ
ഐസിസിനെതിരെ അവിടെ അമേരിയ്ക്ക വ്യോമാക്രമണം നടത്തുന്നുണ്ട് എന്നത് ശരി തന്നെയാണ്. എന്നാല് ഐസിസിനെ നാവവേശമാക്കുക എന്ന ലക്ഷ്യം ഇറാഖില് ഇപ്പോഴും അമേരിയ്ക്കയുടെ പ്രധാന അജണ്ടയല്ല എന്ന് തന്നെ കരുതേണ്ടി വരും.
സിറിയയില് രക്ഷയില്ല
ബാഷര് അല് അസദിന്റെ മുന്നില് അമേരിയ്ക്കയുടെ വിരട്ടലുകള് ഒന്നും കാര്യമായി വിലപ്പോയിട്ടില്ല. മുല്ലപ്പൂ വിപ്ലവത്തിന്റെ കാലത്ത് തന്നെ അമേരിയ്ക്ക നടത്തിയ ശ്രമങ്ങള് പരാജയപ്പെട്ടിരുന്നു. അപ്പോള് പിന്നെ സിറിയയില് കുത്തിരിപ്പുണ്ടാക്കുന്നതിന് പിന്നിലെ അമേരിയ്ക്കന് താത്പര്യം മനസ്സിലാക്കാമല്ലോ.
റഷ്യയുടെ കളി?
ബാഷര് അല് അസദിന്റെ മുന്ഗാമികളുടെ കാലം തൊട്ടെ റഷ്യയുമായി നല്ല അടുപ്പത്തിലാണ് അവര്. സിറിയയ്ക്ക് ഒരു അത്യാവശ്യം വന്നാല് സഹായിക്കാന് അവര് ഓടിയെത്തുക തന്നെ ചെയ്യും.
ഐസിസ് അല്ല റഷ്യയുടെ പ്രശ്നം
സിറിയയില് ഐസിസ് മാത്രമല്ല റഷ്യയുടെ പ്രശ്നം. അവിടെ അസദിനെതിരെ പൊരുതുന്ന വിമതരെ കൂടി ഒതുക്കി ഭരണം എളുപ്പത്തിലാക്കണം. അതിന് തന്നെയാണ് റഷ്യ കടുത്ത വ്യോമാക്രമണങ്ങള് നടത്തുന്നത്.
എണ്ണ കിട്ടിയാല്
വന് എണ്ണ ശേഖരം ഉള്ള രാജ്യമാണ് സിറിയ. അവിടത്തെ എണ്ണയില് പങ്കുപറ്റാനുള്ള സാധ്യത റഷ്യ ഒരിയ്ക്കലും ഒഴിവാക്കില്ല എന്നത് മറ്റൊരു കാര്യം.
ഇറാന്
സൗദിയോടുള്ള ഇറാന്റെ വിദ്വേഷം പ്രസിദ്ധമാണ്. അതുപോലെ സിറിയയോടുള്ള സ്നേഹവും. സൗദിയ്ക്കെതിരെ ആഞ്ഞടിയ്ക്കാന് കിട്ടുന്ന ഒരവസരവും ഇറാന് പാഴാക്കില്ല.
എണ്ണ കണ്ടുകൊണ്ടുള്ള സ്നേഹം
ഇതിനിടെ ചൈന പോലും സിറിയന് വിഷയത്തില് ഇടപെടുമെന്ന് റിപ്പോര്ട്ടുകള് വന്നിരുന്നു. റഷ്യയെ സഹായിക്കാന് ചൈനയുടെ പടക്കപ്പല് പുറപ്പെട്ടു എന്നായിരുന്നു റിപ്പോര്ട്ട്. ചൈനയ്ക്കും വേണ്ടത് എണ്ണ തന്നെ.
ലോകമഹായുദ്ധം
ഇനിയൊരു ലോകമഹായുദ്ധം ഉണ്ടാവുകയാണെങ്കില് അതിന്റെ തുടക്കം സിറിയയെ ചുറ്റിപ്പറ്റിയാകുമെന്നാണ് പറയപ്പെടുന്നത്. അമേരിയ്ക്കയ്ക്കും സൗദിയ്ക്കും എതിരെ നില്ക്കാനുള്ളത് റഷ്യയും ചൈനയും ഇറാനും ആയിരിയ്ക്കും.
ലോകശക്തികള്
ലോകശക്തികള് ഇപ്പോള് പണ്ടത്തെ പോലെ രണ്ട് ചേരികളാണെന്ന് പറയാന് കഴിയില്ല. റഷ്യയ്ക്ക് പഴയ പ്രതാപമില്ല. സൈനിക ബലത്തില് അവര് അമേരിയ്ക്കയ്ക്ക് വെല്ലുവിളി ആണെങ്കിലും അമേരിയ്ക്കയുടെ സഖ്യശക്തിയെ തകര്ക്കാന് റഷ്യയ്ക്കും ചൈനയ്ക്കും സാധിയ്ക്കുമോ എന്ന കാര്യത്തില് അവര്ക്ക് തന്നെ സംശയമുണ്ട്.
-
സ്വർണം ഇനിയും താഴേക്ക് പോകുമെന്നത് സ്വപ്നം മാത്രം; 1.40 ലക്ഷത്തിലേക്ക്..പണിതരുന്നത് ചൈന അടക്കമുള്ള രാജ്യങ്ങൾ -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി
Click it and Unblock the Notifications
Sign in with Google